Genesa 37:2 - Xitsonga (Bibele)

² Tinxaka ta Yakobo hi leti: Yosefa a a ri ni malembe ya 17, a ri karhi a risa swifuwana swin'we ni vamakwavo, kutani ndzisanyana leyo yi tolovelana ni vana va Biliha ni vana va Zilipa, vasati va tata wa yena; kambe Yosefa a hlevela tata wa vona ntwalo lowo biha wa vona.

BIBELE Mahungu Lamanene

² Lawa i matimu ya ndyangu wa Yakobo. Loko Yosefa a ri ni malembe ya 17, a a risa swifuwo leswitsongo swin'we ni vamakwavo, vana va Biliha na Zilipa vasati va tata wa yena. Yosefa a a hamba a vuya a rungulela tata wa yena swilo leswo biha leswi vamakwavo a va swi endla.

Genesa 37:2 Referans Kwoze

1 Vakorinto 11:18

Hikuva eku sunguleni, loko mi hlengeletana ekerekeni, ndzi twa leswaku ku hambana ku kona eka n'wina; kambe, tlhelo rin'wana, ndzi pfumela leswaku swi tano;

Genesa 35:22

Kakuloko Israele a akile etikweni lero, Rhuveni a ya etlela na Biliha, nhlantswa ya mana wa yena; Israele a twa mhaka leyi.

1 Vakorinto 5:1

Ku twele hinkwako leswaku vuoswi byi kona exikarhi ka n'wina, byi nga vuoswi lebyi nga vuriwiki exikarhi ka matiko, va te, un'wana u ni nsati wa tata wa yena.

1 Vakorinto 1:11

hikuva, vamakwerhu, ndzi byeriwile hi va ka Klowe, leswaku ku kanetana ku kona exikarhi ka n'wina.

Yohane 7:7

Misava yi nga ka yi nga mi vengi, kambe mina ya ndzi venga hikuva ndzi vula vumbhoni leswaku mitirho ya yona yi bihile.

Genesa 30:9

Kuteloko Leya a vona leswaku a nga ha veleki vana, a teka Zilipa, nandza wa yena, a n'wi nyika Yakobo leswaku a va nsati wa yena.

Genesa 30:4

Kavaloko a n'wi nyika Biliha, nandza wa yena, leswaku a va nsati wa yena. Yakobo a ya eka yena.

Genesa 10:1

Vatukulu va vana va Nowa hi volavo: Xeme, na Hamu, na Yafeta; kutani va kume vana va vavanuna endzhaku ka ndhambi.

Genesa 6:9

Hi vona lavo vana va Nowa: Nowa a a ri munhu la lulameke ni la sasekeke enkarhini wa yena. Nowa a tshama a famba ni Xikwembu.

Genesa 5:1

Buku ya vatukulu va Adamu hi yoleyi: Siku Xikwembu xi vumbaka munhu, xi n'wi endla la fanaka ni Xikwembu.

Genesa 2:4

Ku tumbuluka ka matilo ni misava loko swi endliwile hi Yehovha Xikwembu hi ko loku:

Genesa 41:46

Yosefa a a ri ni malembe ya makume manharhu nkarhi lowu a yimaka emahlweni ka Faro, hosi ya Egipta; kutani Yosefa a huma emahlweni ka Faro, a rhendzeleka etikweni hinkwaro ra Egipta.

Genesa 42:8

Yosefa a a tiva vamakwavo, kambe vona a va n'wi tivanga.

Genesa 45:6

Hikuva malembe mambirhi lawa ndlala a yi ri kona emisaveni; kambe ka ha ta ntlhanu wa malembe lawa, ku nga taka ku nga rimiwi, ni ku tshoveriwa nchumu ha wona.

Genesa 46:34

mi ta ku eka yena: ‘Malandza ya wena i varisi va mitlhambi, ku suka evutsongwaneni bya hina ku fikela sweswi, hina ni vatata wa hina.’ Hi kona mi nga ta tiva ku tshamisa etikweni ra Goxeni, hikuva varisi hinkwavo va mitlhambi va nyenyetsa etikweni ra Egipta.”