Genesa 37:10 - Xitsonga (Bibele)

¹⁰ Kutani a byela tata wa yena ni vamakwavo; tata wa yena a n'wi laya, a ku eka yena: “Hi wihi norho lowo u wu lorheke xana? Kunene mina ni mana wa wena ni vamakwenu hi ta ta hi khinsama emahlweni ka wena xana?”

BIBELE Mahungu Lamanene

¹⁰ Kuteloko Yosefa a byela tata wa yena ni vamakwavo, tata wa yena a n'wi holovela a ku: “Norho lowu u wu lorheke wu vula yini xana? Xana ku ta va na siku leri mina ni mana wa wena ni vamakwenu, hi nga ta ku nkhinsamela xana?”

Genesa 37:10 Referans Kwoze

Genesa 27:29

Matiko a ma ku tirhele, tinxaka ti ku khinsamela. U va hosi ya vamakwenu, ni vana va mana wa wena a va ku khinsamele! A ku rhuketeriwe loyi a nga ta ku rhuketela! Ku katekisiwa loyi a nga ta ku katekisa!”

Esaya 60:14

Vana va vaxanisi va wena va ta ta eka wena hi ku titsongahata, kutani hinkwavo lava ku soleke va ta khinsama emilengeni ya wena; u ta vuriwa muti wa Yehovha, Siyoni wa Mukwetsimi wa Israele.

Genesa 37:7

Ndzi lorhile hi tsimba tinyandza emasin'wini; kutani ndzi vona nyandza ya mina yi pfuka, yi yima, kutani ndzi vona tinyandza ta n'wina ti rhendzele nyandza ya mina exikarhi, ti khinsamela yona.”

Genesa 37:9

Kambe a lorha norho wun'wana, a byela vamakwavo, a ku: “Swi voneni, ndzi engete ndzi lorha, ndzi vona dyambu ni n'weti ni tinyeleti ta khume na yin'we ti khinsamela emahlweni ka mina.”

Genesa 43:26

Kuteloko Yosefa a ta endlwini, va tisela eka yena endlwini ndzuvo leyi ngi va ri na yona emavokweni, va korhama ehansi emahlweni ka yena.

Genesa 43:28

Va ku: “Nandza wa wena, tata wa hina, wa ha tsakile, wa ha tihanyela.” Va korhama, va n'wi khinsamela.

Genesa 44:14

Yuda ni vamakwavo va fika endlwini ya Yosefa, hikuva yena a a ha ri kona, kutani va tiwisa ehansi emahlweni ka yena.