Genesa 36:8 - Xitsonga (Bibele)

⁸ Kavaloko Esawu a ya aka entshaveni ya Seyira; Esawu hi yena Edomu.

BIBELE Mahungu Lamanene

⁸ Hikokwalaho Esawu a ya a ya tshama emagangeni ya Seyira. Esawu loyi hi yena Edomu.

Genesa 36:8 Referans Kwoze

Genesa 32:3

Kavaloko Yakobo a rhangisa tintsumi emahlweni, ti ya eka Esawu, makwavo, etikweni ra Seyira, ebanyini ra Edomu,

Malakiya 1:3

A ndzi ku: “Esawu a a ri makwa Yakobo!” ku vula Yehovha: “kutani, ndzi rhandze Yakobo, kasi Esawu, yena, ndzi n'wi vengile; ndzi onhe tintshava ta yena, ni ndzhaka ya yena ndzi yi nyike timhungubye ta mananga.”

2 TIKRONIKA 20:23

Kavaloko vana Vaamoni ni Vamowabu, va pfuka vaaki va ntshava ya Seyira, ku va dlaya ni ku va heta; kuteloko va hetile vaaki va Seyira, va pfunana ku herisana.

2 TIKRONIKA 20:10

Sweswi, languta vana va Amoni, ni Vamowabu, ni va ntshava ya Seyira, lava u nga pfumelelangiki Vaisraele ku nghena eka vona loko va humile etikweni ra Egipta, hikuva va va hambukele va nga va hetanga,

1 TIKRONIKA 4:42

Van'wana va vona va vana va Simiyoni, va ta entshaveni ya Seyira, va ri ntlhanu wa madzana; va fambisiwa hi Pelatiya, na Neyariya, na Refaya, na Uziele, n'wana Yixi;

Yoxuwa 24:4

Ndzi nyikile Yakobo na Esawu eka Isaka, eka Esawu ndzi n'wi nyikile ntshava ya Seyira, yi va ya yena; kutani Yakobo ni vana va yena va xikele eEgipta.

Duteronoma 2:5

mi nga vi na mhaka na vona, hikuva ndzi nga ka ndzi nga mi nyiki nchumu etikweni ra vona, hambi ku ri laha mi nga ta kandziya kona hi nenge, hikuva ndzi nyikile Esawu ntshava ya Seyira, yi va ndzhaka ya yena.

Genesa 36:1

Rixaka ra Esawu, a nga Edomu, hi leri:

Genesa 14:6

ni Vahori entshaveni ya vona ya Seyira, ku ya fika eEliparani, emaaveni ya mananga.

Genesa 36:9

Rixaka ra Esawu, tata wa Vaedomu, entshaveni ya Seyira, hi ro leri:

Duteronoma 2:4

Kambe u ta lerisa tiko, u ku: “Mi ta hundza endzilakaneni wa vamakwenu, vana va Esawu lava akeke eSeyira, va ta mi chava. Tilanguteleni swinene,

Duteronoma 2:22

U endlele sweswo vana va Esawu lava akeke eSeyira, loko a heta Vahori emahlweni ka vona, ni loko va teka tiko ra vona kutani va aka ematshan'weni ya vona ku fika namuntlha.

Yeremiya 40:11

Kambe Vayuda hinkwavo lava ngi va ri etikweni ra Mowabu, ni le tikweni ra vana va Amoni, ni ra Vaedomu, ni lava ngi va ri ematikweni hinkwawo ya matlhelo, va twa leswaku hosi ya Babilona yi siyele Yuda masalela ni leswaku yi vekile Gedaliya, n'wana Ahikama, n'wana Xafani, murisi wa vona.

Genesa 25:30

Kutani Esawu a ku eka Yakobo: “Ndzi nyike ndzi dya leswo tshwuka, leswo tshwuka leswi, hikuva ndzi karhele.” Hilaha va nga thya vito ra yena Edomu (hileswaku swo tshwuka).

Genesa 32:4

a va lerisa mhaka leyi, a ku: “Mi ta byerisisa swinene hosi ya mina Esawu, mi ku: ‘Yakobo, nandza wa wena, a ku: Ndzi tshamile nkarhi eka Labani, ndzi tshame eka yena ku fikela sweswi;

Genesa 36:43

Hi tona tihosi ta Edomu hi maako ya tona etikweni leri ngi ti ri fuwile. Hi yena Esawu tata wa Vaedomu.

1 SAMIELE 14:47

Sawulo, kuteloko a nghenile evuhosini bya Israele a hlasela valala hinkwavo lava ngi va n'wi rhendzele, va ri Vamowabu, ni vana va Amoni, na Edomu, ni tihosi ta Soba, ni Vafilista; kutani hinkwako laha ingi a kongoma kona, a a ri muhluri.

Obadiya 1:1

Hosi Yehovha u vulavula sweswo ehenhla ka Edomu, u ri: Hi twe mhaka leyi pfaka eka Yehovha, kutani murhumiwa u rhumiwe exikarhi ka matiko, u ri: “Pfukani, a hi pfukeni hi n'wi hlomela!”

Obadiya 1:3

Ku tikukumuxa ka mbilu ya wena ku ku xisile, wena la akeke emabakweni ya maribye, endlwini ya wena leyi tlakukeke; u ri embilwini ya wena: “I mani la nga ta ndzi wisela ehansi?”