Genesa 34:19 - Xitsonga (Bibele)

¹⁹ Kutani lowa jaha a nga hlwelanga ku endlisa sweswo, hikuva a a tsakela swinene n'wana wa Yakobo; kambe yena a a ri wanuna lonkulu endlwini hinkwayo ya tata wa yena.

BIBELE Mahungu Lamanene

¹⁹ Kutani jaha leri Xikeme ri hatlisa ri endla leswi vuriweke, hikuva a ri rhandza n'wana Yakobo swinene. Endyangwini wa ka vona, Xikeme hi yena a a xiximiwa ngopfu.

Genesa 34:19 Referans Kwoze

1 TIKRONIKA 4:9

Yabese a dzunisiwa ku tlurisa vamakwavo; mana wa yena a n'wi thya Yabese (ntirho), a ku: “Ndzi n'wi velekile hi ku vaviseka.”

Timhaka 17:12

Kutani lavanyingi exikarhi ka vona va pfumela, ni vavasati lavakulu va Vagriki, ni vavanuna lavo tala.

Timhaka 13:50

Kambe Vayuda va hlohlotela vavasati lava chaviwaka, lava gandzelaka Xikwembu, ni vakulukumba va muti, kutani va pfuxela Pawulo na Barnaba ku xaniseka, kutani va va hlongola etikweni ra vona.

Esaya 62:4

U nga ka u nga ha vuriwi la tshikiweke va nga ka va nga ha vuri tiko ra wena swirilo kambe u ta vuriwa: Ndzi titsakele ha yena, ni tiko ra wena Mutekiwa; hikuva Yehovha u ta titsakela ha wena, ni tiko ra wena ri ta va ni nuna.

Esaya 5:13

Hikwalaho tiko ra mina ri yisiwaka eku bohiweni ri nga swi tivi; vakulukumba va rona i vandla leri khomiweke hi ndlala; vunyingi bya rona byi oma hi torha.

Risimu ra Tinsimu 8:6

Ndzi teke, ndzi va embilwini ya wena kukotisa mfungho, Kukotisa mfungho evokweni ra wena; Hikuva rirhandzu ri ni matimba ku fana ni rifu, Makwanga ma tiya kukotisa xivandla xa vafi. Ku hiseka ka wona i ku hiseka ka ndzilo, I langavi ra Yehovha.

2 TIHOSI 5:1

Naamani ndhuna ya nyimpi ya hosi ya Siriya, a a ri munhu lonkulu emahlweni ka hosi ya yena, a a dzunisiwa, hikuva Yehovha a a ponisile Vasiriya ha yena. Kambe wanuna loyi, wa nhenha, a a ri ni nhlokonho.

1 SAMIELE 22:14

Ahimeleke a hlamula, a ku eka yena: “I mani exikarhi ka malandza hinkwawo ya wena la tshembekaka kukotisa Davhida, mukon'wana wa hosi yi nga ndhuna leyi tivaka timhaka ni leyi dzunisiwaka endlwini ya wena?

Tinhlayo 22:15

Kutani Balaka a engeta a rhuma tindhuna leto talanyana, leti tlulaka leto rhanga hi vukulu.

Genesa 41:20

Kutani tihomu leta ku ondza leto nyenyetsa, ti dya tihomu leta ntlhanu na timbirhi leto rhanga, leto nona.

Genesa 29:20

Kutani Yakobo a tirhela Rahele hi malembe ya ntlhanu na mambirhi; ma va eka yena masiku ma nga ri mangani, hikuva a a n'wi rhandza.

Genesa 34:18

Kutani marito ya vona ma nandziha emahlweni ka Hamoro, ni le mahlweni ka Xikeme, n'wana Hamoro.

Genesa 34:20

Hamoro a ya na Xikeme, n'wanakwe, ehubyeni ya nyangwa ya muti wa vona; kutani va vulavula ni vanhu va muti, va ku: