Genesa 33:4 - Xitsonga (Bibele)

⁴ Kutani Esawu a tsutsuma a hlangana na yena; a n'wi singarhela, a wela enhan'wini ya yena, a n'wi ntswontswa, kutani va rila.

BIBELE Mahungu Lamanene

⁴ Kutani Esawu a tsutsuma a ya hlanganisa Yakobo, a fika a n'wi khoma a n'wi vukarha, a n'wi ntswontswa, kutani havambirhi va rila.

Genesa 33:4 Referans Kwoze

Pisalema 34:4

Ndzi lavile Yehovha, kutani u ndzi hlamurile; A ndzi kutsula eku chaveni hinkwako ka mina.

Luka 15:20

Kwalaho a pfuka, a ya eka tata wa yena. Kakuloko a ha ri ekule, tata wa yena a n'wi vona, a n'wi twela vusiwana; kutani a tsutsuma, a wela enhan'wini ya yena, a n'wi ntswontswa.

Genesa 32:28

Loyi a ku: “Vito ra ku a ri nga ha vuriwi Yakobo, kambe u ta va Israele (la hluleke Xikwembu); hikuva u kamane na Xikwembu, u lwile ni vanhu, kutani u va hlurile.”

Timhaka 20:37

Kavaloko hinkwavo va khomiwa hi ku rila ngopfungopfu, kutani va tiwisela enhan'wini ya Pawulo, va n'wi ntswontswa.

Swivuriso 16:7

Yehovha loko a tsakisiwa hi ku famba ka munhu, U twananisa na yena hambi va ri valala va yena.

Genesa 46:29

Kutani Yosefa a bohela kalichi yakwe, a khandziya, a ya hlangana na Israele, tata wakwe, eGoxeni, kutani a humelela eka yena, a wela enhan'wini ya yena, a rila a hlwela enhan'wini ya yena.

Genesa 45:2

Kavaloko a tlakusa rito, a rila; Vaegipta va swi twa, ni yindlu ya Faro yi swi twa.

Ntirho 2:12

Kuteloko va tlakuse mahlo va ha ri kule, a va n'wi tivanga; kutani va tlakusa marito, va rila, va handzula tinguvu ta vona va tikhuva hi ntshuri etinhlokweni ta vona, va wu tsutsuxa ehenhla.

Nehemiya 1:11

Oho! Yehovha, ndleve ya wena a yi rhiyeketele mikhongelo ya nandza wa wena, ni mikhongelo ya malandza ya wena lama tirhandzeleke ku chava vito ra wena; wanga tiyisa nandza wa wena, kutani u n'wi kumisa tintswalo emahlweni ka wanuna loyi.” Kambe a ndzi ri mucheleri wa hosi.

Genesa 43:30

Kutani Yosefa a hatlisa a huma, hikuva mbilu ya yena a yi pfurhela makwavo, a ya lava laha a nga rilelaka kona, a nghena endlwini leyi ya le xikarhi, a rila kona.

Swivuriso 21:1

Mbilu ya hosi i xinambyana xa mati evokweni ra Yehovha, U yi fambisa hinkwako laha a rhandzaka kona.

Genesa 43:34

Kutani a va avela swakudya leswi nga la emahlweni ka yena, ntsena mpandzwa wa Benjamini wu tlula mipandzwa ya vona hinkwavo kantlhanu. Va nwa, va tsaka na yena.

Genesa 29:11

Kutani Yakobo a ntswontswa Rahele, a tlakusa rito, a rila.

Genesa 29:13

Kuteloko Labani a twa mahungu ya Yakobo, n'wana wa makwavo, a tsutsuma, a ya hlangana na yena a n'wi singarhela, a n'wi ntswontswa, a n'wi yisa endlwini ya yena. Kavaloko Yakobo a ambela Labani timhaka teto hinkwato.

Genesa 32:11

Ndza ku khongela, ndzi ponise evokweni ra hosi ya mina, evokweni ra Esawu, hikuva ndza n'wi chava, a nga ta ta a ta ndzi ba, a dlaya vana ni mana wa vona.

2 SAMIELE 14:33

Kavaloko Yowabu a nghena eka hosi, a n'wi byela timhaka teto. Kutani a vitana Abixalomu; yena a ta ehosini, kutani a khinsama ehansi hi mombo wa yena emahlweni ka hosi; kutani hosi yi ntswontswa Abixalomu.

1 SAMIELE 20:41

Kuteloko wandzisanyana a sukile, Davhida a yima a languta edzongeni, a tiwisa ehansi emombyeni, a khinsama kanharhu. Kutani va ntswontswana va rila swin'we; Davhida a rila ngopfu ku tlurisa.