Genesa 32:9 - Xitsonga (Bibele)

⁹ Kutani Yakobo a ku: “Oho! Xikwembu xa tatana Abrahama, ni Xikwembu xa tatana Isaka, wena Yehovha, loyi u nga te eka mina: ‘Tlhelela eka rikwenu ni le tikweni ra vatata wa wena, ndzi ta ku endla swinene,’

BIBELE Mahungu Lamanene

⁹ Kutani Yakobo a khongela a ku: “We Xikwembu xa Abrahama kokwa wa mina ni xa Isaka tata wa mina, we HOSI, u ndzi byerile u ku: ‘Tlhelela eka n'wina etikweni ra rikwenu, kutani mina ndzi ta ku endlela leswinene.’

Genesa 32:9 Referans Kwoze

Genesa 31:42

Xikwembu xa tatana, Xikwembu xa Abrahama, lexi Isaka a xi chavaka, loko ngi xi nga ndzi lwelanga, i ngi u ndzi tlherisele hakunene ndzi nga ri na nchumu. Kambe Xikwembu xi vonile ku soriwa ka mina, ni ku xaniseka ka mavoko ya mina, kutani matolo xi avanyisile.”

Genesa 31:13

Hi mina Xikwembu xa Betele laha u nga tota xitsundzuxo, laha u nga ndzi hlambanyela kona, kutani sweswi, yima u suka etikweni leri, u tlhelela etikweni ra matswalo ya wena.’ ”

Genesa 28:13

A vona na Yehovha, a yimile ehenhla ka rona, a ku: “Hi mina Yehovha Xikwembu xa Abrahama, tata wa wena, ni Xikwembu xa Isaka; tiko leri u etleleke eka rona, ndzi ta ri nyika wena ni vatukulu va wena.

Genesa 31:3

Kavaloko Yehovha a ku eka Yakobo: “Tlhelela etikweni ra vatata wa wena ni le xivandleni xa matswalo ya wena, ndzi ta va na wena.”

Pisalema 50:15

Kutani u vitana eka mina hi siku ra mahlomulo, Ndzi ta ku lwela, kutani wena u ta ndzi dzunisa.”

Genesa 31:53

Xikwembu xa Abrahama, ni Xikwembu xa Nahoro, Xikwembu xa tata wa vona, a xi avanyise exikarhi ka hina.” Kutani Yakobo a hlambanya ha Loyi a nga chaviwa hi Isaka.

Pisalema 91:15

U ta vitana eka mina, kutani ndzi ta n'wi hlamula; Ndzi ta va na yena ekhombyeni, Ndzi n'wi kutsula ni ku n'wi dzunisa;

2 TIKRONIKA 32:20

Kambe hosi Hezekiya a khongela emhakeni leyi a ri na Esaya, n'wana Amotsi, muprofeta, va huwelela eka tilo.

2 TIKRONIKA 20:6

kutani a ku: “Oho! Yehovha, Xikwembu xa vatata wa hina, a hi wena Xikwembu xa matilo, ni mufumi wa matiko hinkwawo xana? Evokweni ra wena ku ni matimba ni ntamu, a ku na munhu la tivaka ku lwa na wena.

1 SAMIELE 30:6

Davhida a a ri enhlomulweni lowukulu, hikuva vunyingi a byi ehleketa ku n'wi khandla hi maribye, hikuva mimoya ya vona hinkwavo a yi tele mbitsi, un'wana ni un'wana hikwalaho ka vana va yena. Kambe Davhida a lava matimba eka Yehovha, Xikwembu xa yena.

Eksoda 3:6

Xi engeta xi ku: “Hi mina Xikwembu xa tata wa wena, Xikwembu xa Abrahama, ni Xikwembu xa Isaka, ni Xikwembu xa Yakobo.” Kavaloko Muxe a funengeta mombo wa yena, hikuva a a chava ku languta Xikwembu.

Genesa 31:29

Ndzi ni matimba evokweni ra mina ya ku mi endla swo biha; kambe Xikwembu xa tata wa n'wina xi vulavule na mina matolo, xi ku eka mina: ‘U nga tshuki u vulavula na Yakobo leswinene, hambi swi ri leswo biha.’

Genesa 17:7

“Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

2 TIKRONIKA 20:12

Oho! Xikwembu xa hina! Xana u nga ka u nga va avanyisi xana? Hikuva hi pfumala matimba emahlweni ka vunyingi lebyi, lebyikulu, lebyi taka ehenhla ka hina; loko hi ri hina, a hi tivi leswi hi nga ta swi endla, kambe mahlo ya hina ma langutela wena.”

Genesa 28:15

Kutani waswivo, ndzi na wena, ndzi ta ku hlayisa hinkwako laha u yaka kona, ndzi va ndzi ku tlherisela etikweni leri; hikuva ndzi nga ka ndzi nga ku tshiki ndzi nga si endlisisa leswi ndzi ku byeleke swona.”

Genesa 32:8

a ku: “Kungakuloko Esawu a ta tlhava ntlhambi wun'wana, wun'wana ntlhambi lowu nga ta siyiwa, wu ta kuma ku pona.”

Genesa 49:25

Hi wona ntirho wa Xikwembu xa tata wa wena, lexi nga ta ku pfuna; Ni wa Lowa matimba hinkwawo la nga ta ku katekisa Hi mikateko ya matilo ya le henhla, Ni mikateko ya xidziva xa le hansi, Ni mikateko ya mavele ni ya xifuva xa mutswari.

Yeremiya 32:16

“Kuteloko ndzi nyikile Baruku, n'wana Neriya, tsalwa ra nxavo, ndzi khongela Yehovha, ndzi ku: