Genesa 32:30 - Xitsonga (Bibele)

³⁰ Yakobo a thya xivandla xexo vito ra Penuwele (mombo wa Xikwembu); hikuva a a ku: “Ndzi vone Xikwembu emombyeni, kambe vutomi bya mina byi hlayisekile.”

BIBELE Mahungu Lamanene

³⁰ Hikokwalaho, Yakobo a thya ndhawu leyi vito ra Penuwele (hileswaku: “Mombo-wa-Xikwembu”), hikuva a a ku: “Ndzi vonile mombo wa Xikwembu, kambe ndza ha hanya.”

Genesa 32:30 Referans Kwoze

Tinhlayo 12:8

ndzi vulavula na yena hi nomu, ndzi tikombisa eka yena kunene, ku nga ri hi xifaniso, kutani a vona xivumbeko lexinene xa Yehovha. A mi chavanga ha yini ku hleva nandza wa mina, Muxe xana?”

Genesa 16:13

Kutani a thya Yehovha la vulavuleke na yena vito ra Atta-el-royi (Xikwembu lexi ndzi vonaka), hikuva a a ku: “Kasi xana ndzi vonile kokwala Xikwembu lexi, xi ri karhi xi ndzi vona.”

Esaya 6:5

Kutani ndzi ku: “Yo mina! Ndzi lovile! Hikuva ndzi munhu wa milomu ya thyaka, ndzi akile exikarhi ka tiko ra milomu ya thyaka, kutani mahlo ya mina ma vonile Hosi, Yehovha wa tinyimpi!”

Duteronoma 5:24

mi te: ‘Vonani, Yehovha, Xikwembu xa hina, xi hi kombisile ku kwetsima ka xona, ni vukulu bya xona, hi yingisile rito ra xona endzilweni, hi vonile namuntlha Xikwembu loko xi vulavula ni vanhu, kambe vanhu va ha hanya.

Yohane 1:18

Xikwembu a xi voniwanga hi munhu ni siku ni rin'we; N'wana la nga swakwe, la nga exifuveni xa Tatana, hi yena loyi a nga hi tivisa xona.

Vaheveru 11:27

Hi ku pfumela, u sukile eEgipta, a nga chavi ku kariha ka hosi; hikuva a a tiyile kukotisa loko ngi a vona loyi a nga voniwiki.

2 Timotiya 1:10

kutani sweswi ta ha ku vonakisiwa hi ku humelela ka Mulondzovoti wa hina, Yesu Kriste, la heriseke matimba ya rifu, la humeseke vutomi eku vonakaleni, ni ku tshama loku nga heriki hi Evhangeli,

Vaefesa 1:17

leswaku Xikwembu xa Hosi ya hina, Yesu Kriste, Tata wa ku vonakala, xi mi nyika Moya wa vutlhari ni wa ku hlavutela, eku tiviweni ka xona;

Eksoda 33:14

Yehovha a ku: “Mombo wa mina wu ta famba, kutani ndzi ta ku wisisa.”

Vakolosa 1:15

Hi yena a nga xifaniso xa Xikwembu lexi nga voniwiki, mativula ya hinkwaswo leswi nga endliwa.

Vagalatiya 1:6

Ndza hlamala hikuva mi tshikile la mi vitaneke etintswalweni ta Kriste, mi hatlise ku hundzela eEvhangelini yin'wana,

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

2 Vakorinto 3:18

Hina hinkwerhu lava hlalelaka hi xivonivoni ku kwetsima ka Hosi, hi mahlo lama nga sirheriwangiki, hi hundzukile xifaniso xi ri xin'we na yena, hi ku kwetsima loku yisaka eku kwetsimeni, ku nga hi Moya wa Hosi.

1 TIHOSI 12:25

Yerobuwamu a aka Xikeme, entshaveni ya Efrayimi, a tshama kona; a tlhela a huma kona a ya aka Penuwele.

Vaavanyisi 8:17

A mbundzuxa ni khokholo ra Penuwele, a dlaya vavanuna va muti.

Vaavanyisi 8:8

Loko a suka kona a fika ePenuwele, a vulavula kona hi mukhuva wu ri wun'we, vanhu va Penuwele va n'wi hlamula hilaha vanhu va Sukoti va n'wi hlamuleke hakona.

Duteronoma 34:10

A ku pfukanga eIsraeleni muprofeta kukotisa Muxe loyi Yehovha a nga n'wi tiva hi xivumbeko,

Genesa 28:19

Kutani a thya xivandla lexi vito ra Betele (yindlu ya Xikwembu); kasi eku sunguleni, vito ra muti a ri ri Luzi.

1 Vakorinto 13:12

Sweswi, hi vona hi xivonivoni, hi ritsandze; enkarhini wolowo hi ta vona hi mahlo lama langutanaka; sweswi ndzi tiva tlhelo rin'wana ntsena; enkarhini wolowo ndzi ta tiva kukota loko ndzi tiviwile na mina.

Yoxuwa 5:13

Kuteloko Yoxuwa a ri ekusuhi na Yeriko, a tlakusa mahlo a languta; kutani waswivo, wanuna a a yimile emahlweni ka yena, a ri ni tlhari leri vangamaka evokweni ra yena; Yoxuwa a ya eka yena, a ku: “U wa ka hina xana, kumbe u wa valala va hina?”

Genesa 35:9

Xikwembu xi engeta xi tikombisa eka Yakobo loko a ri karhi a vuya hi le Padani-Aramu, xi n'wi katekisa.

Vaavanyisi 13:17

Kutani Manowaka a vutisa ntsumi, a ku: “Vito ra wena u mani xana, hi ta tiva ku ku dzunisa loko ku humelele lexi u xi vuleke?”

Vaavanyisi 13:18

Ntsumi ya Yehovha yi ku eka yena: “U vutisela yini vito ra mina xana? Hi leri chavisaka!”

Esaya 9:5

Hikuva ntanghu yin'wana ni yin'wana leyi munhu a yaka enyimpini ha yona, ni nguvu leyi pfulunganeke engatini, swi ta hoxiwa emalangavini swi hisiwa hi ndzilo.