Genesa 32:28 - Xitsonga (Bibele)

²⁸ Loyi a ku: “Vito ra ku a ri nga ha vuriwi Yakobo, kambe u ta va Israele (la hluleke Xikwembu); hikuva u kamane na Xikwembu, u lwile ni vanhu, kutani u va hlurile.”

BIBELE Mahungu Lamanene

²⁸ Kutani a ku: “Vito ra wena a ri nga ha vi Yakobo, kambe u ta va Israele, hikuva u pfinyanile ni Xikwembu ni vanhu, kambe u hlurile.”

Genesa 32:28 Referans Kwoze

Nhlavutelo 2:17

“ ‘La nga ni tindleve a a yingise leswi Moya wu swi byelaka tikereke: Loyi a nga ta hlula, ndzi ta n'wi nyika manna laya fihliweke; ndzi n'wi nyika ni ribye lero basa, leri ku tsariweke eka rona, vito lerintshwa leri nga tiviwiki hi munhu, loko a nga ri loyi a ri amukelaka.’

Genesa 35:10

Xikwembu xi ku eka yena: “Vito ra wena u Yakobo; vito ra wena a wu nga ha vuriwi Yakobo, kambe vito ra wena u ta va Israele”; sweswo xi n'wi thya vito ra Israele.

Genesa 17:5

A va nga ha ku vuli hi vito ra Abrama, kambe vito ra wena u ta va Abrahama, hikuva ndzi ku endle tata wa matiko lamanyingi.

Genesa 17:15

Kutani Xikwembu xi ku eka Abrahama: “Loko a ri Sarayi, nsati wa wena, a wu nga ha tshami u n'wi vula hi vito ra Sarayi, kambe vito ra yena u ta va Sara.

Esaya 65:15

Vito ra n'wina ri ta sala ri va ndzhukano exikarhi ka vahlawuriwa va mina; kutani Hosi Yehovha u ta ku dlaya kambe u ta thya vahlawuriwa va yena vito rin'wana.

Swivuriso 16:7

Yehovha loko a tsakisiwa hi ku famba ka munhu, U twananisa na yena hambi va ri valala va yena.

Genesa 33:4

Kutani Esawu a tsutsuma a hlangana na yena; a n'wi singarhela, a wela enhan'wini ya yena, a n'wi ntswontswa, kutani va rila.

Yohane 1:42

Kutani a n'wi yisa eka Yesu. Yesu, kuteloko a n'wi langutile, a ku: “U Simoni n'wana Yona; u ta thyiwa Kefasi” (hileswaku Petro).

Genesa 25:31

Yakobo a ku: “Rhanga u ndzi xavisela vukulukumba bya wena.”

2 TIHOSI 17:34

Ku fikela namuntlha va landzela mikhuva ya vona ya ku sungula, va nga chavi Yehovha ntsena; kambe a va landzi milawu ni mikhuva ya vona, hambi wu ri nawu ni ku lerisa loku Yehovha a ku leriseleke vana va Yakobo, loyi a n'wi thyeke vito ra Israele.

2 SAMIELE 12:25

a tivisa Davhida mhaka leyi hi Natani, muprofeta kutani yena a n'wi thya vito ra Yedidiya (murhandziwa wa Yehovha), hikwalaho ka Yehovha.

1 SAMIELE 26:25

Kutani Sawulo a ku eka Davhida: “A ku katekisiwe n'wananga, Davhida! Kunene u ta katekisiwa emitirhweni ya wena.”

Genesa 32:24

Yakobo a sala a le swakwe; kutani munhu a lwa na yena, a kamana na yena byi ko byi xa.

Genesa 31:24

Kutani Xikwembu xi ta eka Labani, wa Muaramu, enorhweni wa vusiku, xi ku eka yena: “U nga tshuki u vulavula na Yakobo leswinene, hambi leswo biha.”

Tinhlayo 13:16

Hi wona mavito ya vavanuna lava Muxe a va rhumeke ku ya kamba tiko; kutani Muxe a thya Hoxeya, n'wana Nuni, vito ra Yoxuwa.

1 TIHOSI 18:31

Kutani Eliya a teka maribye ya khume na mambirhi hi ntsengo wa tinyimba ta vana va Yakobo loyi Yehovha a n'wi byeleke, a ku: “Vito ra wena ri ta va Israele.”

Genesa 33:20

Kutani a aka gandzelo kona, a ri thya vito ra Eli-Elohe-Israele (Xikwembu, i Xikwembu xa Israele).

Genesa 32:27

Loyi a ku eka yena: “Vito ra wena u mani?” Yena a ku: “Yakobo.”

1 TIKRONIKA 1:34

Abrahama a tswala Isaka. Vana va xinuna va Isaka: Esawu na Israele.

Esaya 43:1

Sweswi Yehovha la ku tumbuluxeke, wena Yakobo, la ku vumbeke, wena Israele u vula sweswo, a ku: “U nga chavi nchumu hikuva ndza ku kutsula, ndza ku vitana hi vito ra wena, u wa mina.