Genesa 32:11 - Xitsonga (Bibele)

¹¹ Ndza ku khongela, ndzi ponise evokweni ra hosi ya mina, evokweni ra Esawu, hikuva ndza n'wi chava, a nga ta ta a ta ndzi ba, a dlaya vana ni mana wa vona.

BIBELE Mahungu Lamanene

¹¹ Ndzi kombela leswaku u ndzi lamulela eka makwerhu Esawu, hikuva ndzi chava leswaku a nga ta a ta hi herisa hinkwerhu, a herisa ni vavasati ni vana va vona.

Genesa 32:11 Referans Kwoze

Swivuriso 18:19

Makwavo wa munhu u tlula hi ku nonon'hwa muti wa khokholo, Ku hambana ka vamakwavo ku kotisa timbanti ta yindlu ya vuhosi.

Matewu 6:13

U nga hi yisi emiringweni, kambe u hi lwela eka lowo biha.’

Hosiya 10:14

Mikitsikitsi yi ta humelelela tiko ra wena, ni makhokholo ya wena ma ta herisiwa hinkwawo, kukotisa loko ku herisiwe Beta-Arabele hi Xalimani hi siku ra nyimpi, loko vana va fayiwa kun'we ni vamana wa vona.

Daniele 3:17

Loko swi nga endleka leswaku Xikwembu xa hina lexi hi xi tirhelaka xi hi ponisa, xi ta hi ponisa ekheleni ra ndzilo lowo leva ni le vokweni ra wena, hosi.

Pisalema 142:6

Yingisa ku vilela ka mina! Hikuva ndzi ni masangu lamakulu. U ndzi kutsula eka vaxanisi va mina, Hikuva va ndzi tlula hi matimba.

Pisalema 119:134

Ndzi kutsule eku xanisiweni ka vanhu, Leswaku ndzi ta hlayisa swiletelo swa wena!

Pisalema 43:1

Ndzi avanyisele, Xikwembu, u ndzi lwela Eka rixaka leri nga ku rhandziki; Ndzi ponise ka munhu wa ku hemba ni wa ku homboloka.

Pisalema 31:2

Wa nga ndzi yingisa, u hatlisa ku ndzi ponisa! U va ribye ra mina ra xichavelo, Ni khokholo laha ndzi nga chavelaka kona.

Pisalema 25:20

Hlayisa moya wa mina, u ndzi kutsula; Ndzi nga khomiwi hi tingana, hikuva ndzi ku tshembile!

Pisalema 16:1

Ndzi hlayise, Xikwembu, hikuva ndzi chavele ka wena.

1 SAMIELE 24:15

Hosi ya Israele yi humile endzhaku ka mani xana? U landzela mani xana? I mbyana leyi feke, kumbe vutseka xana?

1 SAMIELE 12:10

Kutani va huwelela eka Yehovha, va ku: ‘Hi dyohile, hikuva hi tshikile Yehovha, hi tirhele va Baali ni va Astarte. Sweswi hi ponise emavokweni ya valala va hina, kutani hi ta ku tirhela.’

Genesa 27:41

Kutani Esawu a venga Yakobo hikwalaho ka ku katekisiwa loku tata wa yena a nga n'wi katekisa hakona. Esawu a ku embilwini ya yena: “Masiku ya nkosi wa tatana ma kusuhi, kutani ndzi ta dlaya Yakobo, makwerhu.”

Duteronoma 22:6

“Kungakuloko u vona endleleni ya wena xisaka xa tinyanyana lexi nga emurhini, kumbe ehansi, xi ri ni mavondlo kumbe mandza, mana wa wona a ri karhi a alamela mavondlo, hambi mandza, u nga tshuki u teka mavondlo ni mana wa wona;

Genesa 27:42

Kambe va ya ambela Rhaveka marito ya Esawu, mativula ya yena, kutani a rhuma ku ya vitana Yakobo, n'wana wa yena wa ndzisana, a ku eka yena: “Waswivo, Esawu, makwenu, u lava ku tirihisela eka wena hi ku ku dlaya.

Genesa 32:3

Kavaloko Yakobo a rhangisa tintsumi emahlweni, ti ya eka Esawu, makwavo, etikweni ra Seyira, ebanyini ra Edomu,

Genesa 32:7

Kutani Yakobo a chava ngopfungopfu, a hlomuriwa mbilu; kutani a pambula vanhu lava ngi a ri na vona, ni swifuwana, ni swifuwo, ni tikamela, a endla mitlhambi mimbirhi;

Genesa 33:4

Kutani Esawu a tsutsuma a hlangana na yena; a n'wi singarhela, a wela enhan'wini ya yena, a n'wi ntswontswa, kutani va rila.

Genesa 24:27

“A ku khensiwe Yehovha Xikwembu xa n'wini wa mina Abrahama, loyi a nga rhutelangiki ku hlayisela n'wini wa mina tintswalo ta yena, ni ku tshembeka ka yena. Na mina, Yehovha u ndzi fambisile endleleni ya mina, ekaya ka vamakwavo va n'wini wa mina.”

2 SAMIELE 7:18

Kavaloko hosi Davhida a ya tshamisa emahlweni ka Yehovha, a ku: “Ndzi mani, Hosi Yehovha, ni yindlu yanga hi yihi, leswi u ndzi fikiseke kwalaho!