Genesa 32:10 - Xitsonga (Bibele)

¹⁰ a ndzi ringani tintswalo ta wena hinkwato, ni ku tshembeka hinkwako loku u ku humeseleke nandza wa wena; kasi ndzi pele Yordani loyi, ndzi ri ni nhonga ya mina ntsena, kasi sweswi, ndzi hundzuke mixaxa mimbirhi.

BIBELE Mahungu Lamanene

¹⁰ Mina nandza wa wena a ndzi nga fanelanga ku kuma rirhandzu ra wena lero tshembeka, ni tintswalo hinkwato leti u ndzi kombeke tona. Loko ndzi pela nambu lowu wa Yordani, a ndzi khomile nhonga ntsena, kambe sweswi ndzi ni mintlawa mimbirhi.

Genesa 32:10 Referans Kwoze

Pisalema 18:35

U ndzi nyikile xitlhangu xa ku hlayiseka ka wena, Voko ra wena ra xinene ri ndzi tiyisile, Kambe vunene bya wena byi ndzi kurisile.

Genesa 24:27

“A ku khensiwe Yehovha Xikwembu xa n'wini wa mina Abrahama, loyi a nga rhutelangiki ku hlayisela n'wini wa mina tintswalo ta yena, ni ku tshembeka ka yena. Na mina, Yehovha u ndzi fambisile endleleni ya mina, ekaya ka vamakwavo va n'wini wa mina.”

2 SAMIELE 7:18

Kavaloko hosi Davhida a ya tshamisa emahlweni ka Yehovha, a ku: “Ndzi mani, Hosi Yehovha, ni yindlu yanga hi yihi, leswi u ndzi fikiseke kwalaho!

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”

2 Vakorinto 12:11

Loko ndzi tidzunisa, ndzi endlile hi vuhunguki, kasi hi n'wina mi ndzi susumeteleke kona; hikuva a ndzi fanele ku yimeriwa hi n'wina, hikuva a ndzi tluriwanga ha nchumu hi lava nga vaapostola lavakulu, hambi ndzi nga ri nchumu.

Luka 17:10

Hi mukhuva wolowo, na n'wina, kutakuloko mi hetile hinkwaswo leswi mi swi lerisiweke, vulani, mi ku: ‘Hi malandza lama nga pfuniki nchumu, hikuva hi endlile leswi hi faneleke ku swi endla.’ ”

Luka 5:8

Simoni Petro, kuteloko a swi vona, a khinsama emilengeni ya Yesu a ku eka yena: “Hosi, suka eka mina hikuva ndzi mudyohi.”

Mikiya 7:20

U ta kombisa Yakobo vunene, na Abrahama tintswalo leti u nga ti hlayela vatatana hi ku hlambanya ka ha ri emikarhini ya khale.

Esaya 63:7

Ndzi ta dzunisa tintswalo ta Yehovha, ni ku dzuneka ka yena, hilaha swi fanekelaka hinkwaswo leswi Yehovha a nga hi endlela swona, ni vunene bya yena lebyikulu eka yindlu ya Israele lebyi a nga va kombisa byona hi tintswalo ta yena, ni vukulu bya rirhandzu ra yena.

Esaya 6:5

Kutani ndzi ku: “Yo mina! Ndzi lovile! Hikuva ndzi munhu wa milomu ya thyaka, ndzi akile exikarhi ka tiko ra milomu ya thyaka, kutani mahlo ya mina ma vonile Hosi, Yehovha wa tinyimpi!”

Swivuriso 4:18

Ndlela ya lavo lulama yi kotisa ku vonakala, Ku hatima ka kona ku engeteleka ku fikela nhlekanhi lowukulu.

Pisalema 85:10

Vunene ni ku lulama swi hlanganile, Ku lulama ni ku rhula ku ntswontswanile;

Pisalema 84:7

Loko va famba, va engeteriwa matimba, Va kondza va ya humelela emahlweni ka Xikwembu le Siyoni.

Pisalema 61:7

A yi tshamise emahlweni ka Xikwembu hi laha ku nga heriki! Lerisa tintswalo ni swinene, swi yi langutela!

Pisalema 16:2

Ndzi te eka Yehovha: “Hi wena hosi yanga, A ndzi na rifuwo leri ku tlurisaka!”

Pisalema 8:5

U n'wi endlile loyi a nga hansinyana ka Xikwembu; Kutani u n'wi rhwexe ku kwetsima ni vukulu.

Ntirho 17:9

Hambiswiritano, lowo lulama u tiyisela endleleni ya yena, Ni lowa mavoko yo basa u engetela ku tiya mbilu.

Ntirho 8:7

Masungulo ya wena a ma ri lamatsongo, Kambe swa makumu swi ta tlurisisa ngopfu hi ku twakala.

Duteronoma 8:18

Anakanya Yehovha, Xikwembu xa wena, hikuva hi yena la ku nyikaka matimba ku tilavela rifuwo, a ta tiyisa ntwanano lowu a wu hlambanyeleke vatata wa wena, hilaha a swi endlaka namuntlha.

Genesa 32:7

Kutani Yakobo a chava ngopfungopfu, a hlomuriwa mbilu; kutani a pambula vanhu lava ngi a ri na vona, ni swifuwana, ni swifuwo, ni tikamela, a endla mitlhambi mimbirhi;

Genesa 32:5

ndzi ni tihomu ni timbhongolo, ni swifuwana, ni malandza ya vavanuna ni ya vavasati, ndzi tivisa sweswo hosi ya mina, ndzi ta tiva ku kuma tintswalo emahlweni ka wena.’ ”

Genesa 30:43

Sweswo munhu yeloyi a fuwa ngopfungopfu, a va ni swifuwana leswo tala ngopfu, ni malandza ya vavasati ni ya vavanuna, ni tikamela, ni timbhongolo.

Genesa 28:15

Kutani waswivo, ndzi na wena, ndzi ta ku hlayisa hinkwako laha u yaka kona, ndzi va ndzi ku tlherisela etikweni leri; hikuva ndzi nga ka ndzi nga ku tshiki ndzi nga si endlisisa leswi ndzi ku byeleke swona.”

Genesa 18:27

Abrahama a tlhela a ku: “Waswivo, ndzi tiyisile mbilu, ndzi vulavula ni Hosi, mina ndzi nga ntshuri ni nkuma!

2 SAMIELE 17:24

Davhida a fika eMahanayimi kutani Abixalomu a pela Yordani, ni vanhu hinkwavo va Israele lava ngi va ri na yena.

Genesa 24:12

Kutani a ku: “Yehovha Xikwembu xa n'wini wanga, Abrahama, ndzi hlanganise namuntlha ni loyi ndzi n'wi lavaka, u endla hi tintswalo eka n'wini wa mina, Abrahama.

Genesa 28:13

A vona na Yehovha, a yimile ehenhla ka rona, a ku: “Hi mina Yehovha Xikwembu xa Abrahama, tata wa wena, ni Xikwembu xa Isaka; tiko leri u etleleke eka rona, ndzi ta ri nyika wena ni vatukulu va wena.

Genesa 31:3

Kavaloko Yehovha a ku eka Yakobo: “Tlhelela etikweni ra vatata wa wena ni le xivandleni xa matswalo ya wena, ndzi ta va na wena.”