Genesa 3:5 - Xitsonga (Bibele)

⁵ kambe Xikwembu xi tiva leswaku siku mi nga ta dya, mahlo ya n'wina ma ta pfuleka, mi ta kotisa Xikwembu, mi tiva swo saseka ni swo biha.”

BIBELE Mahungu Lamanene

⁵ Xikwembu xa swi tiva leswaku loko mo dya, mahlo ya n'wina ma ta pfuleka, kutani mi ta fana na xona, mi tiva swo biha ni leswo saseka.”

Genesa 3:5 Referans Kwoze

Ezekiele 28:2

“N'wana wa munhu, u nge eka hosi ya Tiri, u ku: Hosi Yehovha u ri: Hikuva mbilu ya wena yi titlakusile, u vule leswaku: ‘Ndzi xikwembu, ndzi tshame exitshan'weni xa Xikwembu, exikarhi ka malwandle,’ kambe u munhu, a ku Xikwembu, hambi u veke mbilu ya wena ku fana ni mbilu ya Xikwembu.

2 Vatesalonika 2:4

la kanetaka ni la titlakuselaka ehenhla ka hinkwaswo leswi vuriwaka Xikwembu ni leswi khinsameriwaka, a ko a tshamisa kukota Xikwembu etempeleni ya Xikwembu, a ri karhi a tivula Xikwembu.

Genesa 2:17

kambe loko wu ri murhi wo tivisa swo saseka ni swo biha, u nga tshuki u dya, hikuva siku u dyaka, u ta fa.”

2 Vakorinto 11:3

Kambe ndzi tshukile leswaku, kumbexana swi ta kotisa loko nyoka yi ringile Evha hi mano ya yona, ni ka n'wina mianakanyo ya n'wina yi nga onhaka, yi lahlekeriwa hi vunene bya Kriste.

2 Vakorinto 4:4

va nga valavo xikwembu xa misava leyi xi va dlayeke mahlo ya ku anakanya, hileswaku va nga pfumeri, va nga ti tshuka va tsuvukeriwa hi ku vonakala ka Evhangeli leyi kwetsimaka ya Kriste, xi nga xifaniso xa Xikwembu.

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Matewu 6:23

Kambe loko tihlo ra wena ri bihile, miri hinkwawo wa wena wu ta va emunyameni. Kutani-ke, loko ku vonakala loku nga eka wena wu ri munyama, munyama wona wu ta va lowo yini!

Genesa 3:22

Kutani Yehovha Xikwembu a ku: “Maswivo, munhu u hundzukile, a kotisa un'wana wa hina loko ku ri ku tiva leswo saseka ni leswo biha; kambe sweswi, a nga fanekeli ku tshambuluta voko a teka na wona murhi wa vutomi, a dya, a hanya hilaha ku nga heriki.”

Genesa 3:10

Yena a ku: “Ndzi twe rito ra wena entangeni, kutani ndzo chava, hikuva a ndzi ambalanga nchumu, kutani ndzo tumbela.”

Genesa 3:7

Kutani mahlo ya lavambirhi ma pfuleka, va tiva leswaku va tshama ntsena; kutani va rhungelela matluka ya nkuwa, va tiendlela tinguvu.

Nhlavutelo 13:14

Xi hambukisa lava akeke emisaveni hi masingita lawa xi nga nyikiwa matimba ya ku ma endla emahlweni ka xivandza, xi ri karhi xi byela lava akeke emisaveni leswaku va endlela xivandza lexi ngi xi ri ni mbanga ya tlhari, xi tlhela xi hanya, xifaniso.

Nhlavutelo 13:4

Kutani va gandzela dragona hikuva a yi nyikile xivandza matimba ya yona, va gandzela ni xivandza, va ku: “I mani la ringanaka ni xivandza, i mani la nga tiyaka ku lwa na xona?”

Daniele 4:30

Kutani hosi yi vulavula, yi ku: “Xana a hi yena Babilona lonkulu, loyi ndzi n'wi akeke hi matimba ya mina lamakulu leswaku byi endla vuako bya hosi, a va a dzunisa vukulukumba bya mina xana?”

Esaya 14:14

Ndzi ta tlhandluka ehenhla ka mapapa, ndzi ko ndzi fana ni muungameri la tlakukeke.’

1 TIHOSI 22:6

Kavaloko hosi ya Israele yi hlengeleta vaprofeta, va lava ku va mune wa madzana, kutani a ku eka vona: “Xana ndzi nga ya hlasela Ramoto wa Giliyadi, kumbe ndzi nga yi xana?” Kutani va ku: “Tlhandluka, Yehovha u ta wu nyiketa emavokweni ya hosi.”

Eksoda 20:7

“U nga tshuki u tlanga hi vito ra Yehovha Xikwembu xa wena, hikuva Yehovha a nga ka a nga tshiki nandzu wa la tlangaka hi vito ra yena.

Eksoda 5:2

Kutani Faro a ku: “Yehovha i mani leswaku ndzi yingisa rito ra yena, ndzi tshika Israele a famba? Yehovha a ndzi n'wi tivi, na Israele ndzi nga ka ndzi nga n'wi tshiki a famba.”

Daniele 6:7

Tinganakana hinkwato ta ku fuma, tihosi ni masatrapi, vatsundzuxi ni tindhuna, va kanerile ku veka nawu wa hosi ni ku lerisa loku tiyeke, loku vulaka leswaku un'wana ni un'wana la nga ta khongela xikwembu xin'wana, ni loko ku ri munhu un'wana hi masiku ya makume manharhu, loko ku nga ri ku khongela wena, hosi, u ta hoxiwa ekheleni ra tinghala.

Ezekiele 28:9

Xana u ta ku, ndzi xikwembu, emahlweni ka la nga ta ku tlhava xana? Kambe u munhu ku nga ri xikwembu, evokweni ra la ku tlhavaka.

Ezekiele 13:22

Leswi mi hlunamisaka moya wa lowo lulama hi mavunwa ya n'wina, kasi mina a ndzi n'wi hlunamisanga; ma tiyisa mandla ya lowo biha leswaku a nga hundzuki emikhuveni ya yena leyo biha ku kuma vutomi;

Pisalema 12:4

Va nga vona lava nge: “Hi ta hlula hi tindzimi ta hina, Milomu yi na hina; hi nga fuma hi mani?”

2 TIKRONIKA 32:15

Sweswi Hezekiya a nga tshuki a mi xisa, a nga ha mi kuceteli hi mukhuva lowu kambe mi nga pfumeli ka yena; hikuva a ku na xikwembu xa tiko rihi ni rihi ni xa ku fuma kwihi ni kwihi, le xi koteke ku ponisa tiko ra xona evokweni ra mina, ni le mavokweni ya vatata wa mina: swi tsandza ni Xikwembu xa n'wina, xi nga ka xi nga mi ponisi evokweni ra mina!’ ”

Ezekiele 29:3

Vulavula, u ku: Hosi Yehovha u ri: Vona, Faro, ndzi le ka wena, hosi ya Egipta, ngwenya leyikulu leyi etlelaka emilambyeni ya yona, leyi vuleke leswaku: ‘Nambu wa mina i wa mina, hi mina ndzi tiendleleke wona!’

Ezekiele 28:12

“N'wana wa munhu, tlakusa xirilo eka hosi ya Tiri, u ku eka yena: Hosi Yehovha u ri: U tikombisile leswaku u hetisekile, u tele vutlhari u hetiserile hi ku saseka.

Genesa 2:9

Kutani Yehovha Xikwembu a mirisa emisaveni mirhi ya tinxaka hinkwato leyi navetaka mahlo, ni leyi nandzihaka, ni murhi wa vutomi exikarhi ka ntanga, ni murhi wo tivisa swo saseka ni swo biha.

Vaavanyisi 3:2

leswaku tinyimba ta vana va Israele ti ta tiva ku dyondza nyimpi, ti ri leti nga tivangiki tinyimpi to sungula: