Genesa 3:17 - Xitsonga (Bibele)

¹⁷ Ni ka wanuna, a ku: “Leswi u yingiseke rito ra nsati wa wena, u dya murhi lowu ndzi nga ku lerisa, ndzi ku: ‘U nga tshuki u dya,’ misava yi rhuketeriwa hikwalaho ka wena. U ta dya swa yona hi ku vaviseka hi masiku hinkwawo ya ku hanya ka wena;

BIBELE Mahungu Lamanene

¹⁷ HOSI Xikwembu xi ku ka Adamu: “U pfumerile leswi nsati wa wena a ku byeleke swona, kutani u dya mihandzu ya murhi lowu ndzi ku leriseke ndzi ku: ‘U nga tshuki u yi dya.’ Hikokwalaho u vangele misava endzhukano, kutani swakudya leswi swi nga ta huma emisaveni, u ta swi kuma hi ku karhateka vutomi bya wena hinkwabyo.

Genesa 3:17 Referans Kwoze

Genesa 5:29

kutani a n'wi thya vito ra Nowa (ku wisa), a ku: “Yeloyi u ta hi wisisa emikarhalweni ya hina, ni le ntirhweni lowo tika wa mavoko ya hina, lowu pfuxiweke hikwalaho ka ku rhuketeriwa ka misava hi Yehovha.”

Yohane 16:33

Ndzi mi byerile timhaka leti, leswaku mi va ni ku rhula ka mina. Mi ta va ni nhlomulo emisaveni, kambe tiyisani timbilu, ndzi hlurile misava.”

Pisalema 127:2

A swi mi pfuni nchumu ku vindzuka nimixo Ni ku hlwela ku ya eku etleleni, Ni ku dya vuswa lebyi vavisaka! Murhandziwa wa yena wa nyikiwa leswo tano evurhongweni bya yena.

Eklesiasta 5:17

Kutani u dya hi masiku hinkwawo vuswa bya yena emunyameni, a ri ni tingana letikulu, a karihile hi ku vaviseka ka yena.

Ntirho 14:1

“Munhu la velekiweke hi wansati U ni masiku ma nga ri mangani; u xurha makhombo;

Varhoma 3:19

Kambe ha swi tiva leswaku hinkwaswo leswi vuriwaka hi nawu, swi byeriwa lava nga enawini, leswaku milomu hinkwayo yi siviwa; vanhu hinkwavo va ta kumiwa va ri ni nandzu emahlweni ka Xikwembu.

Ntirho 21:17

“Hi nkarhi wun'wana rivoni ra timbabva ri timeka, A va tali ku wela hi khombo, Xikwembu a xi andzise ku va avela vukari bya xona.

Luka 19:22

A ku eka yena: ‘Nandza lowo biha, ndzi ta ku avanyisa hi ku vula ka wena. U tivile leswaku ndzi munhu wo nonon'hwa, ndzi teka lexi ndzi nga xi vekangiki, ndzi tshovela lexi ndzi nga xi byalangiki.

Matewu 25:45

Hilaha a nga ta va hlamula, a ku: ‘Ndzi vurisile ndzi ri eka n'wina: Loko mi nga swi endlanga eka un'wana wa lavatsongo, a mi swi endlanga, ni le ka mina.’

Eklesiasta 2:17

Kutani ndzi venga vutomi, hi ku karhatiwa hi mitirho hinkwayo leyi endliwaka ehansi ka dyambu; kunene hinkwaswo i vuhava, ni ku landza mheho.

Eklesiasta 2:11

Kambe kuteloko ndzi langutisisa mitirho hinkwayo leyi mavoko ya mina ma yi endleke, ndzi hlaya ku karhateka loku ndzi tikarhateke hakona loko ndzi yi tirha, kutani ndzi vona leswaku hinkwaswo i vuhava ni ku landza mheho, a ri kona bindzu ehansi ka dyambu.

Genesa 3:11

Yehovha a ku: “U byeriwile hi mani leswaku a ku ambalanga nchumu? Kumbe xana u dyile murhi lowu ndzi nga ku lerisa, ndzi ku: ‘U nga tshuki u dya?’ ”

Genesa 3:6

Wansati, kuteloko a vona leswaku murhi a wu nandziha, ni leswaku wu navetisa mahlo, ni leswaku wu navetisa ku tlhariha, a kha mihandzu ya wona, a dya, a nyika ni nuna wa yena loyi ngi a ri na yena, kutani a dya.

Matewu 22:12

yi ku eka yena: ‘Nakulorhi, u nghenise ku yini la, u nga ri na nguvu ya nkhuvo?’ Yeloyi a miyela.

Vaheveru 6:8

kambe loko yi ri leyi humesaka mitwa ni mahlwehlwe, yi tshinyiwa, yi va yi ri ekusuhi ni ku rhukaniwa, kutani yi ta hela hi ku tshwa.

Genesa 3:18

yi ta ku mirisela mitwa ni mahlwehlwe, u ta dya byanyi bya nhova.

Genesa 8:21

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.