Genesa 3:16 - Xitsonga (Bibele)

¹⁶ Eka wansati, a ku: “Ndzi ta ku engetelela ngopfu ku vaviseka ka ku tika ka wena, u ta veleka vana hi ku vaviseka; ku navela ka wena ku ta ya eka nuna wa wena, kambe yena u ta ku fuma.”

BIBELE Mahungu Lamanene

¹⁶ HOSI Xikwembu xi ku ka wansati: “Ndzi ta andzisa switlhavi swa ku tika ka wena, loko u veleka vana, u ta twa ku vava, hambiswiritano a wu nga tshiki ku navela nuna wa wena, kutani u ta fumiwa hi yena.”

Genesa 3:16 Referans Kwoze

Tito 2:5

va ve ni ku titsongahata, ni ku tenga, ni ku titshamela emakaya ka vona; va ve lavanene, lava yingisaka vanuna va vona, leswaku rito ra Xikwembu ri nga tshuki ri sandziwa.

Vakolosa 3:18

N'wina vavasati, yingisani vanuna va n'wina hilaha swi fanelaka eHosini.

1 Vakorinto 11:3

Kambe ndzi rhandza loko mi swi tiva leswaku nhloko ya wanuna un'wana ni un'wana i Kriste; kutani nhloko ya wansati i nuna, kutani nhloko ya Kriste, i Xikwembu.

1 Timotiya 2:15

Hambiswiritano, u ta ponisiwa hi ku veleka vana, loko a tshama eku pfumeleni, ni le rirhandzwini, ni le ku kwetsimeni, a ri ni ku chava.

1 Vakorinto 14:34

Kukotisa etikerekeni hinkwato ta vakwetsimi, vavasati va n'wina a va miyele etinhlengeletanweni; hikuva a va pfumeleriwi ku vulavula; va fanele ku yingisa, kukota leswi nawu wu swi vulaka na wona.

1 Vakorinto 7:4

Miri wa nsati a wu le ku fumeni ka yena, kambe wu le ku fumeni ka nuna; ni miri wanuna a wu le ku fumeni ka yena, kambe wu le ku fumeni ka nsati wa yena.

Yohane 16:21

Loko wansati a veleka, u twa ku vaviseka, hikuva nkarhi wa yena wu fikile; kambe loko a velekile n'wana, a nga ha anakanyi ku xaniseka ka yena, hi ku tsaka ka yena, hikuva ku velekiwile munhu emisaveni.

Genesa 4:7

Loko u endla swinene, xana a u nga ti khensiwa xana? Kambe loko u nga endli swinene, vudyoho byi tshamile enyangweni; ku navela ka byona ku ta ku wonga; kambe wena, u fanele ku byi hlula.”

Yeremiya 6:24

Hi twile mpfumawulo wa rona, kutani mavoko ya hina ma herile matimba; khombo ri hi khomile, hi vaviseka kukotisa la velekaka.

Tinhlayo 30:13

Kambe loko nuna wa yena a swi landzurile siku a swi tweke, hinkwawo marito ya ku hlambanya, ni ya ku tiboha lama humeke enon'wini wa yena, ma ta hlanhliwa, nuna wa yena u swi landzurile, kutani Yehovha u ta n'wi rivalela.

1 Vatesalonika 5:3

Hikuva siku va nga ta ku: “Ku rhurile, ku tsakiwile!” Hilaha ku onhaka loku nga languteriwangiki ku nga ta va wela ehenhla, kukota mbeleko loko yi humelela la tikeke, va nga ka va nga poni.

Estere 1:20

Ku lerisa loku endliwaka hi hosi ku ta twiwa eku fumeni ka yena hinkwako (hambi ku kurile), kutani vavasati hinkwavo va ta chava vanuna va vona ku sungula hi lonkulu ku yisa ka lontsongo.”

Yeremiya 22:23

Wena, muaki wa Lebanoni, la akeke emarhavini ya tikedari, u ta kolorisa ku yini, siku khombo ri ku humelelaka, ri ri khombo leri fanaka ni ra muveleki!”

Yeremiya 13:21

“U ta ku yini, siku ku vekiwaka ehenhla ka wena ku ku fuma, lava u va toloveteke rirhandzu ra wena xana? Xana u nga ka u nga khomiwi hi ku vaviseka, kukotisa wansati la velekaka-ke?

Esaya 21:3

Hikwalaho swisuti swa mina swi tele ku vaviseka; ku lun'wa ku ndzi khomile tanihi loko wansati a veleka; ndza solovanya loko ndzi n'wi twa, ndzi tshukile loko ndzi n'wi vona.

Esaya 13:8

Va tlhakamile, gome ni mapfalo swi va khomile; va hlalavandzeka tanihi wansati la velekaka, va langutana va huwelela; mimombo ya vona yi tshwukile tanihi ndzilo.

Yeremiya 49:24

Damaska u tsanile, u tilunghisele ku baleka, kambe wa rhurhumela; khombo ni ku vaviseka ku n'wi khomile kukotisa loyi a velekaka.

Yeremiya 4:31

Hikuva ndzi twa nkosi wo nge i wa la velekaka, mikosi ya wansati la nga ekhombyeni ra ku veleka n'wana wa mativula; i nkosi wa nhwanyana wa Siyoni, a hefemuteka, a ri karhi a tshambuluta mavoko a ku: “Yo! Yowee! Moya wa mina wu tikeriwile hi vadlayi.”

Esaya 53:11

Hikwalaho ka ntirho wa moya wa yena, u ta tsaka, a xurha; hi ku tiva ka yena, nandza wa mina wa ku lulama u ta khanisa vanhu vo tala, kutani yena hi xiviri xa yena u ta tirhwalela ku dyoha ka vona.

Pisalema 48:6

Ku rhurhumela ku ti khomile, Kukotisa ku vaviseka loku khomaka wansati loko a veleka.

1 Timotiya 2:13

Hikuva Adamu u rhange a vumbiwa, kutani ndzhaku ku vumbiwa Evha;

1 TIKRONIKA 4:9

Yabese a dzunisiwa ku tlurisa vamakwavo; mana wa yena a n'wi thya Yabese (ntirho), a ku: “Ndzi n'wi velekile hi ku vaviseka.”