Genesa 3:14 - Xitsonga (Bibele)

¹⁴ Yehovha Xikwembu a ku eka nyoka: “Leswi u nga endlisa sweswo, u ta rhuketeriwa exikarhi ka swifuwo hinkwaswo, ni xikarhi ka swiharhi hinkwaswo swa tiko; u ta famba hi khwiri, u dya ntshuri hi masiku hinkwawo ya ku hanya ka wena.

BIBELE Mahungu Lamanene

¹⁴ Kutani HOSI Xikwembu xi ku ka nyoka: “Leswi u endleke mhaka leyi, u ta rhukaniwa ku tlula swifuwo ni swiharhi hinkwaswo; u ta hamba u famba hi khwiri; vutomi bya wena hinkwabyo u ta dya ntshuri.

Genesa 3:14 Referans Kwoze

Mikiya 7:17

Ma ta dya ntshuri ku fana ni nyoka ni swikokovi swa misava; ma ta huma emakhokholweni ya wona ma tshukile; ma chavela eka Yehovha, Xikwembu xa hina, hi ku rhurhumela, kutani ma ta ku chava.

Esaya 65:25

“Mhisi ni xinyimpfana swi ta dya swin'we, nghala yi ta dya byanyi tanihi homu; nyoka yi ta dya ntshuri; ku nga ka ku nga endliwi leswo biha, ni leswi onhaka, entshaveni hinkwayo ya mina leyo kwetsima,” ku vula Yehovha.

Pisalema 72:9

Lava tshamaka emananga va ta khinsama emahlweni ka yona, Ni valala va yona va ta nantswa ntshuri.

Esaya 29:4

U ta tsongahatiwa, rito ra wena ri ta huma ehansi, marito ya wena ma ta huma entshurini tanihi marito ya xindzhuti, ku vulavula ka wena ku ta huma entshurini tanihi rito ra ku n'unun'uta.

Levhitika 20:25

“Hlawulani swiharhi leswi tengeke exikarhi ka leswi nga tengangiki, ni tinyanyana leti tengeke eka leti nga tengangiki; mi nga tshuki mi tiendla lava nga tengangiki hi swiharhi, ni tinyanyana, ni hinkwaswo leswi kokovaka emisaveni, leswi ndzi mi tiviseke swona leswaku a swi lulamanga.

Genesa 9:6

Un'wana ni un'wana la nga ta halata ngati ya munhu, ngati ya yena yi ta halatiwa hi munhukulobye; hikuva Xikwembu xi endle munhu hi xifaniso xa xona.

Genesa 3:1

Nyoka a yi tlula hi mano swiharhi hinkwaswo swa tiko, leswi Yehovha Xikwembu a nga swi endla. Kutani yi ku eka wansati: “Kunene Xikwembu xi te: ‘Mi nga tshuki mi dya murhi ni wun'we wa ntanga!’ ”

Genesa 4:11

Sweswi, u ta rhuketeriwa hi misava leyi nga ahlamisa nomu wa yona, yi amukela ngati ya makwenu hi voko ra wena.