Genesa 3:10 - Xitsonga (Bibele)

¹⁰ Yena a ku: “Ndzi twe rito ra wena entangeni, kutani ndzo chava, hikuva a ndzi ambalanga nchumu, kutani ndzo tumbela.”

BIBELE Mahungu Lamanene

¹⁰ Kutani yena a ku: “Ndzi ku twile loko u famba-famba entangeni, kutani ndzi ya tumbela hikuva a ndzi chava, leswi a ndzi nga ambalanga nchumu.”

Genesa 3:10 Referans Kwoze

Genesa 2:25

Kutani wanuna ni nsati wa yena a va tshama va nga ambalanga nchumu, kambe a va nga ri na tingana.

Esaya 57:11

A wu tshukisiwa, a wu chavisiwa hi mani ku ndzi landzula, hi ku ka u nga ndzi tsundzukanga, u nga vulanga nchumu ha mina? Xana a ndzi miyelanga ni khale, kasi a ku ndzi chavanga.

Esaya 47:3

Vuhava bya wena byi ta fununguriwa, tingana ta wena ti ta voniwa. Ndzi ta tirihisela, ndzi nga ka ndzi nga tsetseleri munhu.

Pisalema 119:120

Miri wa mina wu rhurhumela hi ku chava wena, Ndzi chava ku avanyisa ka wena.

1 Yohane 3:20

Hikuva loko timbilu ta hina ti hi avanyisa Xikwembu i xikulu eka timbilu ta hina, kambe xi tiva hinkwaswo.

Ntirho 23:15

Hikwalaho ndzi rhurhumelaka emahlweni ka xona, Loko ndzi xi anakanya, ndzi xi chava ngopfu.

Eksoda 3:6

Xi engeta xi ku: “Hi mina Xikwembu xa tata wa wena, Xikwembu xa Abrahama, ni Xikwembu xa Isaka, ni Xikwembu xa Yakobo.” Kavaloko Muxe a funengeta mombo wa yena, hikuva a a chava ku languta Xikwembu.

Esaya 33:14

Vadyohi va khomiwa hi ku chava le Siyoni, vasandzi va rhurhumela, va ku: “I mani exikarhi ka hina la nga ta tiya, a yima emahlweni ka ndzilo lowu hisaka? I mani la nga ta tiya a yima emahlweni ka malangavi lama nga timekiki?”

Nhlavutelo 16:15

[“Maswivo, ndza ta kukotisa khamba, ku katekile la hitekaka, la hlayisaka tinguvu ta yena, leswaku a nga tshuki a famba ntsena, tingana ta yena ti nga ti tshuka ti vonaka.”]

Eksoda 32:25

Muxe a vona leswaku tiko ri tintshunxile, hikuva Aroni a ri tshikile leswaku ri soriwa hi valala va rona.

Genesa 3:7

Kutani mahlo ya lavambirhi ma pfuleka, va tiva leswaku va tshama ntsena; kutani va rhungelela matluka ya nkuwa, va tiendlela tinguvu.

Genesa 3:11

Yehovha a ku: “U byeriwile hi mani leswaku a ku ambalanga nchumu? Kumbe xana u dyile murhi lowu ndzi nga ku lerisa, ndzi ku: ‘U nga tshuki u dya?’ ”

Eksoda 20:18

Tiko hinkwaro ri yingisa ku pfuma ni mpfumawulo wa nanga ri vona ku hatima, ni ntshava loko yi ri karhi yi mbuluka musi. Kuteloko tiko ri vone sweswo, ri rhurhumela ngopfu, ri yimela ekule.

Eksoda 20:19

Kutani va ku eka Muxe: “Vulavula na hina, hi ta ku yingisa; kambe Xikwembu xi nga tshuki xi vulavula na hina, hi nga ta fa.”

Duteronoma 5:25

Kutani sweswi, hi ta fela yini-ke? Hikuva ndzilo lowukulu lowu wu ta hi heta; kungakuloko hi twa kambe rito ra Yehovha Xikwembu xa hina, hi ta fa.

Ntirho 31:33

Loko ndzi funengetile ku homboloka ka mina kukota Adamu, Ndzi va ndzi fihla milandzu ya mina exifuveni xa mina,