Genesa 3:1 - Xitsonga (Bibele)

¹ Nyoka a yi tlula hi mano swiharhi hinkwaswo swa tiko, leswi Yehovha Xikwembu a nga swi endla. Kutani yi ku eka wansati: “Kunene Xikwembu xi te: ‘Mi nga tshuki mi dya murhi ni wun'we wa ntanga!’ ”

BIBELE Mahungu Lamanene

¹ Nyoka a yi ri ni mano ku tlula swiharhi hinkwaswo leswi HOSI Xikwembu xi swi endleke. Kutani yi ku ka wansati: “Xana i ntiyiso leswaku Xikwembu xi te: ‘Mi nga tshuki mi dya mihandzu ya murhi na wun'we laha ntangeni xana?’ ”

Genesa 3:1 Referans Kwoze

2 Vakorinto 11:3

Kambe ndzi tshukile leswaku, kumbexana swi ta kotisa loko nyoka yi ringile Evha hi mano ya yona, ni ka n'wina mianakanyo ya n'wina yi nga onhaka, yi lahlekeriwa hi vunene bya Kriste.

2 Vakorinto 11:14

Kambe a swi hlamarisi, hikuva Satana na yena, u ambala nghohe ya ntsumi ya ku vonakala.

Nhlavutelo 12:9

Kutani dragona leyikulu, yi nga nyoka ya khale, leyi vuriwaka Diyavulosi na Satana, leyi xisaka misava hinkwayo, yi cukumetiwa emisaveni ni tintsumi ta yona ti cukumetiwa na yona.

Nhlavutelo 20:2

kavaloko yi khoma dragona, nyoka ya khale, a nga Diyavulosi na Satana; yi n'wi bohela malembe ya khume ra madzana.

Matewu 4:3

Kutani muringi a n'wi tshinelela, a ku: “Loko u ri n'wana wa Xikwembu u nge maribye lawa, a ma hundzuke vuswa.”

Matewu 10:16

“Vonani, ndza mi rhuma mi fana ni tinyimpfu exikarhi ka mahlolwa, hikwalaho-ke tlharihani kukota tinyoka, mi va lavo kala mano kukota magugurhwana.

Matewu 4:6

a ku eka yena: “Loko u ri n'wana wa Xikwembu, jitama ehansi, hikuva ku tsariwile va ku: ‘Xi ta lerisa tintsumi ta xona, ti ta ku khawulela emavokweni ya tona leswaku nenge wa wena wu nga tshuki wu khunguvanyeka hi ribye.’ ”

Esaya 27:1

Hi siku rero, Yehovha u ta ba hi ripanga ra yena ro tika, lerikulu, ra matimba, eLevhiyatani, nyoka ya matsambo, Levhiyatani, nyoka ya makhinyakhinya; kutani u ta dlaya dragona leyi nga elwandle.

Eklesiasta 4:10

Hambi va wa, un'wana u ta pfuxa nakulobye; kasi la nga swakwe u ni khombo, loko a wa, a nga na wa vumbirhi la n'wi pfuxaka.

Matewu 4:9

kutani a ku eka yena: “Swilo leswo hinkwaswo ndzi ta ku nyika swona, loko u ndzi khinsamela hi matsolo, u ndzi gandzela.”

1 Petro 3:7

Hi mukhuva wolowo, na n'wina vavanuna, tshamani ni vasati va n'wina hi mukhuva lowu sasekeke, mi tiva leswaku va kotisa swibya leswi nga tiyangiki, mi va ni xichavo, hikuva na vona, swin'we na n'wina, va ta dya ndzhaka ya tintswalo ta vutomi, leswaku ku khongela ka n'wina ku nga ti tsandzekisiwa.

Nhlavutelo 12:15

Kutani nyoka yi humesa enon'wini wa yona mati kukotisa nambu endzhaku ka wansati, leswaku a tekiwa hi wona.