Genesa 28:22 - Xitsonga (Bibele)

²² Kutani ribye leri ndzi ri yimiseke ndzi ri endla xitsundzuxo, yi ta va yindlu ya Xikwembu; kutani eka hinkwaswo leswi u nga ta ndzi nyika swona, ndzi ta ku humesela hakunene ku avanyisa ka vukhume.”

BIBELE Mahungu Lamanene

²² Ribye leri ra xitsundzuxo leri ndzi ri yimiseke, ri ta va yona yindlu ya wena Xikwembu. Eka hinkwaswo leswi u nga ta ndzi nyika swona, ndzi ta ku humesela vukhume bya swona.”

Genesa 28:22 Referans Kwoze

Genesa 35:7

Kutani a akela kona gandzelo, a thya xivandla lexi vito ra Eli-Betele (Xikwembu xa Betele); hikuva hi kona Xikwembu xi nga tihlavutela eka yena enkarhini a balekaka emahlweni ka hosi ya yena.

Genesa 14:20

a ku katekisiwe Xikwembu xa le henhlahenhla lexi nyiketeke valala va wena evokweni ra wena.” Kutani Abrama a n'wi pambulela ku avanyisa ka khume ka hinkwaswo.

Genesa 35:1

Xikwembu xi ku eka Yakobo: “Rhurha, u tlhandlukela eBetele, u ya aka kona, u akela kona gandzelo eka Xikwembu lexi nga tikombisa eka wena, nkarhi lowu u nga balekela mombo wa Esawu, makwenu.”

Genesa 33:20

Kutani a aka gandzelo kona, a ri thya vito ra Eli-Elohe-Israele (Xikwembu, i Xikwembu xa Israele).

Genesa 28:17

A khomiwa hi ku chava, a ku: “Xivandla lexi, xa chavisa swonghasi! Kwala, i yindlu ya Xikwembu; i nyangwa ya matilo!”

Genesa 12:8

Kutani a suka kona, a ya entshaveni ya le vuxeni ka Betele, a dzima kona ntsonga wa yena, a ri na Betele hitlhelo ra vupeladyambu, na Ayi hitlhelo ra vuxa: a aka kona gandzelo ra Yehovha, a khongela vito ra Yehovha.

Genesa 21:33

Kutani Abrahama a byala mikuhlu eBerexeba, a khongela kona vito ra Yehovha, Xikwembu xa mikarhi leyi nga heriki.

Genesa 47:24

Kutaku siku ra ku tshovela, xirhundzu xa vuntlhanu, mi ta nyika Faro, swirhundzu leswa mune swi ta va swa n'wina, swi va swa mbewu leyi mi nga ta byala yona, swi mi fihluta ni va tindlu ta n'wina, ni swihlangi swa n'wina.”

Genesa 47:26

Hikwalaho Yosefa a veka nawu etikweni ra Egipta, ku kondza ku fika sweswi, hileswaku Faro a a nyikiwe ku pambula ka vuntlhanu. Masimu ya vaprista hi wona ntsena lama nga fuwangiki hi Faro.

Malakiya 3:10

Tisani endlwini ya vuhlayiselo ku avanyisa ka vukhume ka hinkwaswo leswi mi swi fuweke, swakudya swi va kona endlwini ya mina; mi ndzi ringa hakona, ku vula Yehovha wa mavandla, kutani mi ta vona xana ndzi nga ka ndzi nga mi pfuleri mafasitere ya tilo, ndzi va ndzi mi chululela ku kateka hi mpimo lowu tlurisaka!