Genesa 28:19 - Xitsonga (Bibele)

¹⁹ Kutani a thya xivandla lexi vito ra Betele (yindlu ya Xikwembu); kasi eku sunguleni, vito ra muti a ri ri Luzi.

BIBELE Mahungu Lamanene

¹⁹ Kutani ndhawu leyi a yi thya vito ra Betele (hileswaku: “Yindlu-ya-Xikwembu”). Khale ndhawu leyi a yi tiviwa hi vito ra Luzi.

Genesa 28:19 Referans Kwoze

Genesa 48:3

Yakobo a ku eka Yosefa: “Xikwembu xa matimba hinkwawo xi tshama xi tikomba eka mina eLuzi, etikweni ra Kanana, xi ndzi katekisa,

Genesa 35:1

Xikwembu xi ku eka Yakobo: “Rhurha, u tlhandlukela eBetele, u ya aka kona, u akela kona gandzelo eka Xikwembu lexi nga tikombisa eka wena, nkarhi lowu u nga balekela mombo wa Esawu, makwenu.”

Hosiya 4:15

Loko ku oswana wena, Israele, Yuda yena a nga tshuki a tilavela nandzu! Mi nga tshuki mi ya Giligala, mi nga tlhandlukeli eBeta-Avene; mi nga tshuki mi hlambanya mi ku: “Ha Yehovha la hanyaka!”

1 TIHOSI 12:29

A veka rin'wana eBetele; rin'wana a ri veka eDani;

Genesa 12:8

Kutani a suka kona, a ya entshaveni ya le vuxeni ka Betele, a dzima kona ntsonga wa yena, a ri na Betele hitlhelo ra vupeladyambu, na Ayi hitlhelo ra vuxa: a aka kona gandzelo ra Yehovha, a khongela vito ra Yehovha.

Genesa 28:11

Kuteloko a fikile exivandleni lexi a nga etlela eka xona, hikuva dyambu a ri perile, a teka ribye rin'wana ra xivandla lexi, a seketela eka rona, a etlela kona.

Genesa 31:13

Hi mina Xikwembu xa Betele laha u nga tota xitsundzuxo, laha u nga ndzi hlambanyela kona, kutani sweswi, yima u suka etikweni leri, u tlhelela etikweni ra matswalo ya wena.’ ”

Genesa 35:6

Yakobo, ni vanhu hinkwavo lava ngi a ri na vona, va fika eLuzi, a nga Betele, etikweni ra Kanana.

Genesa 35:14

Yakobo a aka xitsundzuxo exivandleni xexo Xikwembu xi nga vulavula na yena eka xona, xi ri xitsundzuxo xa maribye, kutani a gandzela ehenhla ka xona, a chela ni mafurha ehenhla ka xona.

Genesa 35:15

Kutani Yakobo a thya xivandla xexo Xikwembu xi nga vulavula na yena eka xona, vito ra Betele (yindlu ya Xikwembu).

Yoxuwa 8:12

Kavaloko a teka vanhu lava lavaka ku va 5 000 kutani a va veka va tumbela, exikarhi ka Betele na Ayi, evupeladyambu ka muti.

Yoxuwa 18:13

Wu suka kona, kutani wu hundza eLuzi, edzongeni, eBetele; kutani wu rhelela eAtaroti-Adara, entshaveni leyi nga edzongeni ka Bet-Horoni wa le hansi.

1 SAMIELE 7:16

Lembe rin'wana ni rin'wana a a suka, a ya rhendzeleka hi Betele, na Giligala, na Mispa, a avanyisela Israele emitini hinkwayo leyi.

1 SAMIELE 10:3

U ta suka kona, u ya emahlweni, kutani u ta fika enkuhlwini wa Taboro: u ta hlanganisiwa kona ni vanhu vanharhu lava tlhandlukelaka eka Xikwembu, eBetele, un'wana a rhwele swimbutana swinharhu, un'wana a rhwele swinkwa swinharhu, un'wana kambe a rhwele xikutsu xa vhinyo;

Genesa 35:7

Kutani a akela kona gandzelo, a thya xivandla lexi vito ra Eli-Betele (Xikwembu xa Betele); hikuva hi kona Xikwembu xi nga tihlavutela eka yena enkarhini a balekaka emahlweni ka hosi ya yena.

Yoxuwa 16:2

ku suka eBetele, ndzilakana wu ya eLuzi, wu hundza ekusuhi ni ndzilakana wa Vaariki, eAtaroti;

Vaavanyisi 20:26

Kutani vana va Israele hinkwavo ni tiko hinkwaro, va tlhandlukela eBetele va karhi va rila, va yima kona emahlweni ka Yehovha, va titsonile swakudya hi siku rero, ku fikela madyambu, va humesela Yehovha magandzelo lama hisiwaka, ni magandzelo ya ku khensa.

2 TIHOSI 2:2

Eliya a ku eka Elixa: “Tshama la, hikuva Yehovha u ndzi rhumela eBetele.” Elixa a ku: “Yehovha wa hanya, ni moya wa wena wa hanya, ndzi nga ka ndzi nga ku tshiki.

2 TIKRONIKA 13:19

Abiya a hlongorisa Yerobuwamu, a n'wi tekela miti: eBetele, ni miti ya wona, na Yexana ni miti ya wona, na Efroni, ni miti ya wona.