Genesa 28:15 - Xitsonga (Bibele)

¹⁵ Kutani waswivo, ndzi na wena, ndzi ta ku hlayisa hinkwako laha u yaka kona, ndzi va ndzi ku tlherisela etikweni leri; hikuva ndzi nga ka ndzi nga ku tshiki ndzi nga si endlisisa leswi ndzi ku byeleke swona.”

BIBELE Mahungu Lamanene

¹⁵ Vona, ndzi na wena; ndzi ta ku hlayisa hinkwako lomu u nga ta ya kona, ndzi tlhela ndzi ku vuyisa etikweni leri, hikuva ndzi nga ka ndzi nga ku tshiki ku kondza ndzi endla hinkwaswo leswi ndzi ku byeleke swona.”

Genesa 28:15 Referans Kwoze

Yoxuwa 1:5

A ku na munhu la nga ta tiya ku yima emahlweni ka wena hi masiku hinkwawo ya vutomi bya wena; hilaha ndzi byeleke Muxe hakona, ndzi ta va na wena, ndzi nga ka ndzi nga ku tshiki, ndzi nga ka ndzi nga ku siyi.

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Yeremiya 1:19

Va ta lwa na wena, kambe va nga ka va nga ku hluri, hikuva ndzi na wena ku ku lwela,” ku vula Yehovha.

Duteronoma 31:6

Tiyisani mbilu, mi tiya! Mi nga chaveni, kambe mi nga chavisiwi hi vona, hikuva Yehovha, Xikwembu xa wena, a famba emahlweni ka wena, a nga ka a nga ku siyi, a nga ka a nga ku tshiki.”

Genesa 26:24

Yehovha a tikombisa eka yena hi vusiku byebyo, a ku eka yena: “Hi mina Xikwembu xa Abrahama, tata wa wena, u nga chavi nchumu, hikuva ndzi na wena, ndzi ta ku katekisa, ndzi andzisa vatukulu va wena hikwalaho ka Abrahama, nandza wa mina.”

Genesa 31:3

Kavaloko Yehovha a ku eka Yakobo: “Tlhelela etikweni ra vatata wa wena ni le xivandleni xa matswalo ya wena, ndzi ta va na wena.”

Genesa 26:3

Sala etikweni roleri, kutani ndzi ta va na wena, ndzi ku katekisa, hikuva matiko lawa, ndzi ta ma nyika wena ni vatukulu va wena, ndzi va ndzi tiyisa ku hlambanya loku ndzi nga hlambanyela Abrahama, tata wa wena.

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.

Matewu 18:20

Hikuva laha vambirhi, kumbe vanharhu va hlengeletanaka kona hi vito ra mina, ndzi kona exikarhi ka vona.”

Esaya 43:2

Loko u pela mati, ndzi ta va na wena, ni milambu yi nga ka yi nga ku nwerisi. Loko u famba endzilweni u nga ka u nga tshwi, ni langavi ri nga ka ri nga ku hisi.

1 TIHOSI 8:57

Yehovha, Xikwembu xa hina, a a ve na hina kukotisa leswi ngi a ri ni vatatana; a nga hi tshiki, a nga hi rivali,

Pisalema 46:7

Yehovha wa mavandla u na hina, Xikwembu xa Yakobo i xichavelo xa hina lexi tlakukeke!

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina hi masiku hinkwawo, ku ko ku hela misava.”

1 Timotiya 4:8

Hikuva ku titiyisa emirini swa pfunanyana; kambe vukhongeri byi pfuna hinkwako, byi ni ku tshembisa ka vutomi bya sweswi ni ka lebyi nga ta ta.

Tinhlayo 23:19

Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

Genesa 48:21

Kutani Israele a ku eka Yosefa: “Waswivo, ndza fa; kambe Xikwembu xi ta va na n'wina, xi ta mi tlherisela etikweni ra vakokwa wa n'wina.

Esaya 8:10

Kanelani makungu, ma ta hundzuka swahava! Lerisani milawu, kambe yi nga ka yi nga humeleri, hikuva Xikwembu xi na hina!

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

Vaavanyisi 6:16

Yehovha a ku eka yena: “Kunene ndzi ta va na wena u ta hlula Vamidiyani kukotisa loko a ri munhu un'we.”

Yuda 1:1

Yuda, nandza wa Yesu Kriste, makwa Yakobo; Eka lava vitiweke va nga lava hlawuriweke hi Xikwembu Tatana, lava hlayisiwaka hi Yesu Kriste:

Pisalema 46:11

Yehovha wa tinyimpi u na hina, Xikwembu xa Yakobo i xichavelo xa hina lexi tlakukeke.

Genesa 39:21

Kambe Yehovha a va na Yosefa, a n'wi endla hi nsovo, a n'wi kumisa tintswalo emahlweni ka n'wini wa khotso.

Genesa 39:2

Kutani Yehovha a va na Yosefa; a a ri munhu wa nkateko; a tshama endlwini ya n'wini wa yena.

Eksoda 3:12

Xikwembu xi ku: “Ndzi ta va na wena. Xikombiso xa leswaku hi mina la ku rhumaka, hi lexi: kutakuloko u humesile tiko ra mina eEgipta, mi ta tirhela Xikwembu entshaveni leyi.”

Genesa 48:16

ni ntsumi leyi nga ndzi lamula eku biheni hinkwako, a xi katekise varisanyana lavo; a va thyiwe vito ra mina, ni mavito ya vakokwana Abrahama na Isaka, va andza ngopfungopfu laha emisaveni.”

Genesa 32:9

Kutani Yakobo a ku: “Oho! Xikwembu xa tatana Abrahama, ni Xikwembu xa tatana Isaka, wena Yehovha, loyi u nga te eka mina: ‘Tlhelela eka rikwenu ni le tikweni ra vatata wa wena, ndzi ta ku endla swinene,’

Genesa 46:4

Na mina ndzi ta ngirimela eEgipta na wena, kambe ndzi ta tlhela ndzi ku tlhandlukisela halenu hakunene; Yosefa u ta ku vuyetela mahlo.”

Genesa 21:20

Xikwembu xi va ni wandzisanyana, a va a kula, kutani a tshama emananga, a va mucopi wa vurha.

Genesa 31:5

“Ndza swi vona leswaku mombo wa tata wa n'wina a wa ha kotisi swa tolo na tolweni, kambe Xikwembu xa tatana a xi ri na mina.

Genesa 31:13

Hi mina Xikwembu xa Betele laha u nga tota xitsundzuxo, laha u nga ndzi hlambanyela kona, kutani sweswi, yima u suka etikweni leri, u tlhelela etikweni ra matswalo ya wena.’ ”

Genesa 35:3

kutani hi ta suka hi tlhandlukela eBetele, ndzi akela kona gandzelo eka Xikwembu lexi nga ndzi hlamula siku ra khombo ra mina, xi nga va na mina endleleni leyi ingi ndzi fambile eka yona.”

Eksoda 13:11

“Kutakuloko Yehovha a ku fikisile etikweni ra Vakanana hilaha a hlambanyeleke wena ni vatata wa wena, a va a ku nyika rona,

Tinhlayo 6:24

“ ‘Yehovha a a ku katekise, a a ku hlayise.

Duteronoma 7:9

U ta tiva leswaku i Yehovha, Xikwembu xa wena, la nga Xikwembu, Xikwembu lexi tshembekaka, lexi hlayisaka ntwanano wa xona ni tintswalo, ku fika etinxakeni ta khume ra madzana, eka lava n'wi rhandzaka, ni ka lava hlayisaka milawu ya yena;

Duteronoma 30:3

Yehovha, Xikwembu xa wena, xi ta tlherisa vakhomiwa va wena, xi ku tsetselela, xi engeta xi ku hlengeleta ematikweni hinkwawo lawa Yehovha, Xikwembu xa wena, ingi xi ku hangalasele kona.

Duteronoma 31:8

Yehovha u ta famba emahlweni ka wena, u ta va na wena; a nga ka a nga ku tshiki, a nga ka a nga ku siyi; u nga chavi, u nga heli mbilu.”

Genesa 30:25

Kuteloko Rahele a velekile Yosefa, Yakobo a byela Labani a ku: “Ndzi tshike ndzi muka ekaya ka mina eka rikwerhu.

Levhitika 26:42

ndzi ta tsundzuka ntwanano wa mina na Yakobo, kambe ndzi ta tsundzuka ntwanano wa mina na Isaka, ni ntwanano wa mina na Abrahama, ndzi va ndzi tsundzuka ni tiko;

Levhitika 26:45

Ndzi ta tsundzuka ntwanano lowo ndzi wu endleke ni vatata wa vona lava ndzi va humeseke ha wona etikweni ra Egipta, emahlweni ka matiko, leswaku ndzi va Xikwembu xa vona: hi mina Yehovha.’ ”

Pisalema 91:11

Hikuva u ta ku lerisela tintsumi ta yena, Ti ku hlayisa etindleleni ta wena hinkwato;

Yeremiya 16:15

kambe va ta ku: ‘Yehovha wa hanya, la humeseke vana va Israele etikweni ra n'walungu ni le matikweni hinkwawo, laha ingi a va hangalasile kona,’ kutani ndzi ta va tlherisela etikweni ra vona leri ndzi ri nyikeke vatata wa vona.