Genesa 27:4 - Xitsonga (Bibele)

⁴ U ta ndzi lunghisela murhu lowu ndzi wu rhandzaka, u ndzi nehela wona, ndzi dya, kutani moya wa mina wu ku katekisa ndzi nga si fa.”

BIBELE Mahungu Lamanene

⁴ kutani u ndzi lulamisela swakudya swo nandziha leswi ndzi swi tsakelaka, u ndzi tisela swona ndzi ta dya, leswaku ndzi ta ku katekisa ndzi nga si fa.”

Genesa 27:4 Referans Kwoze

Vaheveru 11:20

Hi ku pfumela, Isaka a katekisa Yakobo na Esawu, a anakanyile leswi nga ta ta.

Genesa 48:9

Yosefa a hlamula a ku eka tata wa yena: “I vana va mina, valavo Xikwembu xi ndzi nyikeke vona kwala.” Yakobo a ku eka yena: “Wa nga va neha eka mina, ndzi va katekisa.”

Genesa 49:28

Lava khume na vambirhi valavo, hi tona tinyimba hinkwato ta Israele, na wona marito lawa, hi wona lawa tata wa vona a nga ma vula siku a va katekisaka. A va katekisa un'wana ni un'wana hi ku katekisiwa ka yena.

Genesa 27:25

Kutani Isaka a ku: “Ndzi phamele ndzi dya vuhloti bya n'wananga, leswaku moya wa mina wu ku katekisa.” Kutani a n'wi phamela, a dya; a n'wi nehela ni vhinyo, a nwa.

Luka 24:51

Kuteloko a ha va katekisa, a avana na vona, a tlhandlukisiwela ehenhla etilweni.

Luka 2:34

Kutani Simiyoni a va katekisa, a ku eka Mariya, mana wa n'wana: “Vona, n'wana loyi, u vekeriwile ku khunguvanyeka ni ku pfuka ka lavo tala eIsraeleni, ni ku va xikombiso lexi nga ta landzuriwa;

Yoxuwa 22:6

Kutani Yoxuwa a va katekisa, a va rhumela ekaya; kutani va timukela emitsongeni ya vona.

Yoxuwa 14:13

Kavaloko Yoxuwa a n'wi katekisa, kutani a nyika Hebroni eka Kalebe n'wana Yefune, Mukenizi,

Genesa 27:7

‘Ndzi nehele nyama, u ndzi lunghisela murhu wunene, ndzi dya, ndzi ku katekisa emahlweni ka Yehovha ndzi nga si fa.’

Genesa 28:3

Xikwembu lexi nga ni matimba, xi ta ku katekisa, xi ku andzisa, xi ku kurisa, u endla vunyingi bya matiko;

Genesa 27:31

Na yena a lunghisa murhu wo xawula, a wu tisa eka tata wakwe, a ku eka tata wa yena: “Wa nga pfuka tatana, u dya vuhloti bya n'wanaku, moya wa wena wu ta tiva ku ndzi katekisa.”

Genesa 27:27

Kutani a tshinela, a n'wi ntswontswa. Kutani Isaka a twa ku nun'hwela ka tinguvu ta yena, a n'wi katekisa, a ku: “Kunene, ku nun'hwela ka n'wananga ku ni ku nun'hwela ka nsimu leyi nga katekisiwa hi Yehovha.

Genesa 27:23

Sweswo a nga n'wi tivanga hikuva mavoko ya yena a ma ri ni ringhala, ma fana ni mavoko ya Esawu makwavo, kutani a n'wi katekisa.

Genesa 24:60

Kutani va katekisa Rhaveka va ku eka yena: “Wena, makwerhu, u ve mana wa madzana ya ntsanda vahlayi, ni vatukulu va wena a va fuwe nyangwa ya lava nga ta va venga.”

Genesa 14:19

Kutani a katekisa Abrama, a ku: “A ku katekisiwe Abrama hi Xikwembu xa le henhlahenhla, n'wini wa tilo ni misava;

Genesa 27:5

Kasi Rhaveka a a ri karhi a swi twa, loko Isaka a vulavula na Esawu, n'wana wa yena. Esawu a ya enhoveni ku ya hlota nyama, a ta vuya na yona.

Genesa 27:9

Yana entlhambini, u ndzi tekela swimbutana swimbirhi leswinene, ndzi ta lunghisela tata wa wena murhu wunene lowu a wu rhandzaka.

Genesa 27:14

Kavaloko a ya swi teka, a swi neha ka mana wa yena, kutani mana wa yena a endla murhu wunene hilaha tata wa yena a wu rhandzeke hakona.

Genesa 27:17

kutani a nyika Yakobo, n'wanakwe, murhu ni vuswa lebyi a nga byi lunghisa.

Genesa 27:19

Yakobo a ku eka tata wa yena: “Hi mina Esawu, mativula ya wena, ndzi endlile hilaha u nga ndzi byela hakona. Wa nga pfuka, u tshamisa, u dya vuhloti bya mina, kutani moya wa wena wu ta ndzi katekisa.”