Genesa 27:27 - Xitsonga (Bibele)

²⁷ Kutani a tshinela, a n'wi ntswontswa. Kutani Isaka a twa ku nun'hwela ka tinguvu ta yena, a n'wi katekisa, a ku: “Kunene, ku nun'hwela ka n'wananga ku ni ku nun'hwela ka nsimu leyi nga katekisiwa hi Yehovha.

BIBELE Mahungu Lamanene

²⁷ Hiloko a tshinela a n'wi ntswontswa, kutani Isaka a twa ku nun'hwela ka swiambalo swa yena, a n'wi katekisa a ku: “Vonani, swiambalo swa n'wananga swi nun'hwela ku fana ni nsimu leyi HOSI yi yi katekiseke!

Genesa 27:27 Referans Kwoze

Vaheveru 6:7

Hikuva misava leyi nwaka mati ya mpfula leyi yi yi nelaka kanyingi, yi tlhela yi mirisa swo mila leswinene, leswi pfunaka lava tirimelaka, yona yi kuma ku katekisiwa hi Xikwembu;

Pisalema 65:10

U cheleta vurimo bya yona, u fayetela mabuwu ya yona, U yi olovisa hi timpfula, u katekisa mirombo ya mavele.

Genesa 26:12

Isaka a byala timbewu etikweni leri, kutani hi lembe rolero a tshovela ka dzana; hikuva Yehovha a a n'wi katekisile.

Vaheveru 11:20

Hi ku pfumela, Isaka a katekisa Yakobo na Esawu, a anakanyile leswi nga ta ta.

Risimu ra Tinsimu 2:13

Murhi wa nkuwa wu humesa mihandzu ya wona leya rilambyana, Ni tivhinya ti neha risuna lero nandziha. Pfuka, murhandziwa wa mina, xisaseki xa mina, u ta!

Genesa 27:15

Kutani Rhaveka a teka tinguvu ta Esawu, mativula ya yena, leta nkoka leti ngi a ri na tona endlwini, a ambexa Yakobo, n'wana wa yena wa ndzisana.

Genesa 27:26

Kavaloko Isaka, tata wa yena, a ku eka yena: “Wa nga tshinelela, u ndzi ntswontswa n'wananga.”

Genesa 48:10

Kambe mahlo ya Israele a ma kunguhele hi ku dyuhala, a tsandzeka ku vona. Yosefa a va tshineta, yena a va ntswontswa, a va singarhela.

Duteronoma 33:13

Eka Yosefa, a ku: “Tiko ra yena ri ta katekisiwa i Yehovha Hi leswo saseka swa le tilweni, yi ri mberha, Ni swa le xidziveni lexi nga ehansi,

Genesa 27:39

Kavaloko Isaka, tata wa yena, a hlamula, a ku: “Waswivo, muti wa wena wu ta pfumala mafurha ya misava, ni mberha leyi humaka etilweni, ehenhla.

Genesa 48:15

Kavaloko a katekisa Yosefa, a ku: “Xikwembu lexi vakokwana, Abrahama na Isaka, va fambeke emahlweni ka xona, Xikwembu lexi nga ndzi risa mpfhuka ndzi velekiwa ku fikela sweswi,