Genesa 26:24 - Xitsonga (Bibele)

²⁴ Yehovha a tikombisa eka yena hi vusiku byebyo, a ku eka yena: “Hi mina Xikwembu xa Abrahama, tata wa wena, u nga chavi nchumu, hikuva ndzi na wena, ndzi ta ku katekisa, ndzi andzisa vatukulu va wena hikwalaho ka Abrahama, nandza wa mina.”

BIBELE Mahungu Lamanene

²⁴ Kutani hi vusiku byebyo, HOSI Xikwembu xi humelela eka yena, xi ku: “Hi mina Xikwembu xa tata wa wena Abrahama; u nga chavi hikuva ndzi na wena, ndzi ta ku katekisa ndzi ku nyika vatukulu lavo tala hikokwalaho ka nandza wa mina Abrahama.”

Genesa 26:24 Referans Kwoze

Eksoda 3:6

Xi engeta xi ku: “Hi mina Xikwembu xa tata wa wena, Xikwembu xa Abrahama, ni Xikwembu xa Isaka, ni Xikwembu xa Yakobo.” Kavaloko Muxe a funengeta mombo wa yena, hikuva a a chava ku languta Xikwembu.

Genesa 17:7

“Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

Genesa 15:1

Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

Timhaka 7:32

‘Hi mina Xikwembu xa vatata wa wena, Xikwembu xa Abrahama, ni xa Isaka, ni xa Yakobo.’ Kutani Muxe a khomiwa hi ku rhurhumela, a chava ni ku languta.

Genesa 24:12

Kutani a ku: “Yehovha Xikwembu xa n'wini wanga, Abrahama, ndzi hlanganise namuntlha ni loyi ndzi n'wi lavaka, u endla hi tintswalo eka n'wini wa mina, Abrahama.

Nhlavutelo 1:17

Kuteloko ndzi n'wi vonile, ndzi wela emilengeni ya yena wongi hi loko ndzi file, kutani a veka voko ra yena ra xinene ehenhla ka mina, a ku: “U nga chavi, ndzi Lowo rhanga ni Lowa makumu,

Genesa 28:13

A vona na Yehovha, a yimile ehenhla ka rona, a ku: “Hi mina Yehovha Xikwembu xa Abrahama, tata wa wena, ni Xikwembu xa Isaka; tiko leri u etleleke eka rona, ndzi ta ri nyika wena ni vatukulu va wena.

Genesa 13:16

Ndzi ta andzisa vatukulu va wena va fana ni ntshuri wa misava; hileswaku loko munhu a nga hlaya ntshuri wa misava, na vona va ta hlayiwa.

Vaheveru 13:6

Hikwalaho hi nga vula hi ku tshemba, hi ku: “Hosi i mupfuni wa mina, ndzi nga ka ndzi nga chavi nchumu; munhu a nga ndzi endla yini xana?”

Luka 12:32

“U nga chavi, wee ntlhambinyana, hikuva swi tsakisile Tata wa n'wina ku mi nyika vuhosi.

Matewu 22:32

‘Hi mina Xikwembu xa Abrahama, ni Xikwembu xa Isaka, ni Xikwembu xa Yakobo’? Xikwembu a hi Xikwembu xa lava feke, kambe i xa lava hanyaka.”

Esaya 44:2

ku vula Yehovha la ku endleke, la ku vumbeke ekhwirini ra mana wa wena, mupfuni wa wena: U nga chavi nchumu, nandza wa mina, Yakobo, Yexuruni wa mina, loyi ndzi n'wi hlawuleke.

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Genesa 31:5

“Ndza swi vona leswaku mombo wa tata wa n'wina a wa ha kotisi swa tolo na tolweni, kambe Xikwembu xa tatana a xi ri na mina.

Esaya 51:12

“Hi mina, hi mina la mi chavelelaka. U mani wena u chavaka vanhu lava nga ta fa, ni vana va vanhu lava nga ta hundza kukota byanyi,

Esaya 51:7

“Ndzi yingiseni, n'wina lava tivaka swo lulama, wena tiko leri nga ni nawu wa mina embilwini ya wena! Mi nga chaveni xisandzu xa vanhu, mi nga tshukisiwi hi mirhukano ya vona;

Genesa 22:19

Abrahama a tlhelela eka malandza ya yena; kutani va pfuka va famba swin'we eBerexeba. Kutani Abrahama a tshama kona eBerexeba.

Vaheveru 11:16

Kambe sweswi, va navela tiko ra rikwavo leri tlurisaka hi ku saseka, eka rikwavo ka le tilweni; hikwalaho Xikwembu xi nga riki na tingana hikwalaho ka vona, ni ku tivula Xikwembu xa vona, hikuva xi va lunghiserile muti.

Genesa 17:8

Ndzi ta ku nyika, na vona vatukulu va wena endzhaku ka wena, tiko leri u nga ka rona u ri muluveri, ri nga tiko ra Kanana hinkwaro, va ri fuma hilaha ku nga heriki, kutani ndzi va Xikwembu xa vona.”

Genesa 21:17

Kambe Xikwembu xi twa rito ra wandzisanyana, kutani ntsumi ya Xikwembu yi vitana Hagara yi ri etilweni, yi ku: “U na yini, Hagara? U nga chavi, hikuva Xikwembu xi twile rito ra wandzisanyana laha a nga kona.

Genesa 22:17

ndzi ta ku katekisa kunene, ndzi andzisa vatukulu va wena ngopfungopfu, va ta kotisa tinyeleti ta le tilweni, ni sava ra le ribuwini ra lwandle, kambe rixaka ra wena ri ta fuma nyangwa ya valala va rona.

Genesa 28:3

Xikwembu lexi nga ni matimba, xi ta ku katekisa, xi ku andzisa, xi ku kurisa, u endla vunyingi bya matiko;

Genesa 28:15

Kutani waswivo, ndzi na wena, ndzi ta ku hlayisa hinkwako laha u yaka kona, ndzi va ndzi ku tlherisela etikweni leri; hikuva ndzi nga ka ndzi nga ku tshiki ndzi nga si endlisisa leswi ndzi ku byeleke swona.”

Genesa 30:27

Labani a ku eka yena: “I ngi ndzi nga kuma tintswalo emahlweni ka wena! Ndzi tsundzukile leswaku Yehovha u ndzi katekisile hikwalaho ka wena.”

Genesa 46:1

Israele a suka a ri ni swilo swa yena hinkwaswo; a fika eBerexeba, a humesela Xikwembu xa Isaka, tata wa yena, magandzelo.

Duteronoma 13:17

Ku nga tshuki ku namarhela ni xilo xin'we xa leswo yila evokweni ra wena; leswaku Yehovha a vuyela evukarini bya yena, a ku twela vusiwana, a ku endlela hi musa kutani a ku andzisela hilaha a hlambanyeke hakona eka vatata wa wena,

Genesa 39:2

Kutani Yehovha a va na Yosefa; a a ri munhu wa nkateko; a tshama endlwini ya n'wini wa yena.

Genesa 39:3

Kutani n'wini wa yena a vona leswaku Yehovha a a ri na yena, ni leswaku hinkwaswo leswi a swi endlaka, Yehovha a a n'wi katekisela swona evokweni ra yena.

Eksoda 14:13

Kutani Muxe a ku eka tiko: “Mi nga chavi; yimani mi ta vona hilaha Yehovha a nga ta mi lamulela hakona namuntlha; hikuva Vaegipta lava mi va vonaka sweswi, a mi nga ha tlheli mi va vona kambe.

Levhitika 26:42

ndzi ta tsundzuka ntwanano wa mina na Yakobo, kambe ndzi ta tsundzuka ntwanano wa mina na Isaka, ni ntwanano wa mina na Abrahama, ndzi va ndzi tsundzuka ni tiko;

Levhitika 26:45

Ndzi ta tsundzuka ntwanano lowo ndzi wu endleke ni vatata wa vona lava ndzi va humeseke ha wona etikweni ra Egipta, emahlweni ka matiko, leswaku ndzi va Xikwembu xa vona: hi mina Yehovha.’ ”

Duteronoma 31:6

Tiyisani mbilu, mi tiya! Mi nga chaveni, kambe mi nga chavisiwi hi vona, hikuva Yehovha, Xikwembu xa wena, a famba emahlweni ka wena, a nga ka a nga ku siyi, a nga ka a nga ku tshiki.”

Rhuti 3:11

Sweswi, n'wananga, u nga tshuki u chava, hikuva ndzi ta ku endla hinkwaswo leswi u nga ta ndzi byela swona, hikuva huvo hinkwayo ya tiko ra mina yi tiva leswaku u nsati lonene.

1 TIHOSI 17:13

Eliya a ku eka yena: “U nga chavi! Muka u endla hilaha u nga vula hakona; ntsena rhanga u ndzi swekela ximbhundzwana, u ndzi tisela xona ehandle, kutani u ya tiswekela, u swekela ni n'wana wa wena.

Swirilo 3:57

U ndzi tshinelele ekusuhi siku leri ndzi nga huwelela eka wena, U ku: ‘U nga tshuki u chava.’