Genesa 26:14 - Xitsonga (Bibele)

¹⁴ A a fuwe mitlhambi ya swifuwo leswitsongo ni leswikulu, ni malandza lamanyingi; kutani Vafilista va n'wi vondzoka.

BIBELE Mahungu Lamanene

¹⁴ A a ri ni mintlhambi ya swifuwo leswikulu ni leswitsongo, ni malandza layo tala, kutani Vafilista va n'wi vondzoka.

Genesa 26:14 Referans Kwoze

Genesa 37:11

Kutani vamakwavo va n'wi xondzolota; kambe tata wakwe a anakanya timhaka teto, a ti hlayisa.

Eklesiasta 4:4

Kambe ndzi tsundzukile ntirho hinkwawo ni ntirho wihi ni wihi lowu nga ni vutlhari, kutani ndzi vonile leswaku munhu un'wana u ni mona eka un'wana. Na swona i swahava ni ku landza mheho.

Swivuriso 27:4

Ku kariha ku ni nsele, ku holova i ku tala ka nambu, Loko ma ri mavondzo i mani a nga ta yima emahlweni ka wona?

Swivuriso 10:22

Mikateko ya Yehovha yi fuwisa munhu, A nga n'wi engeteli mikarhalo.

Pisalema 112:3

Ndzalo ni rifuwo swi ta va kona endlwini ya yena, Ku lulama ka yena ku tshama hi masiku.

Ntirho 42:12

Kutani Yehovha a katekisa mahetelelo ya Yobo ku tlurisa ku sungula ka yena; a fuwa tinyimpfu ta 14 000, ni tikamela ta 6 000, ni tihavi ta majoko ya 1 000, ni timbhongolo ta mantswele ta 1 000.

Ntirho 5:2

Kasi vukari byi dlaya wa rihuhu, Ni xihunguki xi dlayiwa hi mona.

Ntirho 1:3

Swifuwo swa yena a ti ri tinyimpfu ta 7 000, ni tikamela ta 3 000, ni tihomu leti ringanaka majoko ya 500, ni timbhongolo ta matswele ta 500, ni malandza layo tala; munhu yeloyi a a tlula vavanuna hinkwavo va le vuxeni hi vukulu.

1 SAMIELE 18:9

Ku sungula siku lero ni ku ya emahlweni, Sawulo a languta Davhida hi tihlo lero biha.

Genesa 13:2

Abrama a a fuwe ngopfu swifuwo, ni mali yo basa, ni ya nsuku.

Genesa 12:16

Kutani Abrama a rhurheriwa swinene hikwalaho ka nsati wa yena, a kuma swifuwo leswitsongo ni leswikulu, ni timbhongolo, ni makhumbi ya xinuna ni ya xisati, ni matswele ya timbhongolo, ni tikamela.

Pisalema 112:10

Lowo biha u vona sweswo, kutani a vilela ha swona, U getsela meno, a omelela, Ku navela ka lavo biha ku endliwa swahava.

Genesa 24:35

Yehovha u katekisile ngopfu n'wini wa mina, la nga hundzuka munhu wa matimba; u n'wi nyikile swifuwo leswitsongo ni leswikulu ni mali yo basa ni nsuku, ni makhumbi ya xinuna ni ya xisati, ni tikamela ni timbhongolo.

Genesa 25:5

Abrahama a nyika Isaka hinkwaswo leswi ngi a ri na swona.

Genesa 30:43

Sweswo munhu yeloyi a fuwa ngopfungopfu, a va ni swifuwana leswo tala ngopfu, ni malandza ya vavasati ni ya vavanuna, ni tikamela, ni timbhongolo.