Genesa 25:11 - Xitsonga (Bibele)

¹¹ Kuteloko Abrahama a file, Xikwembu xi katekisa Isaka, n'wana wa yena; Isaka a tshama ekusuhi ni xihlovo xa Berilahayi-Royi.

BIBELE Mahungu Lamanene

¹¹ Loko Abrahama a lovile, Xikwembu xi katekisa n'wana wa yena Isaka. Isaka a a tshama eBerilahayi-Royi.

Genesa 25:11 Referans Kwoze

Genesa 22:17

ndzi ta ku katekisa kunene, ndzi andzisa vatukulu va wena ngopfungopfu, va ta kotisa tinyeleti ta le tilweni, ni sava ra le ribuwini ra lwandle, kambe rixaka ra wena ri ta fuma nyangwa ya valala va rona.

Genesa 16:14

Hilaha va nga thya xihlovo lexi vito ra xihlovo xa Berilahayi-Royi (Muhanyi la ndzi vonaka); xihlovo lexi xi le xikarhi ka Kadexe na Berede.

Genesa 24:62

Kambe Isaka a a vuyile ekaya, a suke exihlobyeni xa Berilahayi-Royi, kasi a a akile etikweni ra le dzongeni.

Genesa 17:19

Kutani Xikwembu xi ku: “E-e, kambe Sara, nsati wa wena, u ta ku velekela n'wana wa wanuna, u ta n'wi thya vito ra Isaka; ndzi ta tiyisa ntwanano wa mina na yena, wu va ntwanano lowu nga ka wu nga heleli vatukulu va yena.

Genesa 12:2

Ndzi ta ku endla tiko lerikulu; ndzi ku katekisa, ndzi kurisa vito ra wena, u va xihlovo xa mikateko.

Genesa 50:24

Kutani Yosefa a ku eka vamakwavo: “Ndza fa; Xikwembu xi ta mi endzela kunene, xi ta mi humesa etikweni leri, xi mi yisa etikweni leri xi nga hlambanyela Abrahama, na Isaka, na Yakobo, leswaku xi ta va nyika rona.”

Genesa 12:3

Ndzi ta katekisa lava nga ta ku katekisa, ndzi rhuketela lava nga ta ku rhuketela, kambe ha wena ku ta katekisiwa tinxaka hinkwato ta misava.”

Genesa 26:3

Sala etikweni roleri, kutani ndzi ta va na wena, ndzi ku katekisa, hikuva matiko lawa, ndzi ta ma nyika wena ni vatukulu va wena, ndzi va ndzi tiyisa ku hlambanya loku ndzi nga hlambanyela Abrahama, tata wa wena.

Genesa 24:35

Yehovha u katekisile ngopfu n'wini wa mina, la nga hundzuka munhu wa matimba; u n'wi nyikile swifuwo leswitsongo ni leswikulu ni mali yo basa ni nsuku, ni makhumbi ya xinuna ni ya xisati, ni tikamela ni timbhongolo.

Genesa 26:12

Isaka a byala timbewu etikweni leri, kutani hi lembe rolero a tshovela ka dzana; hikuva Yehovha a a n'wi katekisile.

Pisalema 112:2

Rixaka ra yena ri ta va ni matimba emisaveni; Vatukulu va lavo lulama va ta katekisiwa.