Genesa 24:7 - Xitsonga (Bibele)

⁷ Yehovha Xikwembu xa tilo, la ndzi humeseke endlwini ya tatana, ni le tikweni ra matswalo ya mina, a va a ndzi byela hi ku hlambanya, a ku: ‘Ndzi ta nyika vatukulu va wena tiko leri’, yeloyi u ta rhumela ntsumi ya yena emahlweni ka wena, u ta tekela n'wananga nsati kona.

BIBELE Mahungu Lamanene

⁷ HOSI Xikwembu xa matilo, xona lexi xi ndzi tekeke emutini wa tatana ni ku ndzi humesa etikweni ra rikwerhu, xi ndzi tshembisile hi ku hlambanya leswaku tiko leri xi ta ri nyika vatukulu va mina. Hikokwalaho xi ta rhumela ntsumi emahlweni ka wena, kutani wena u ta ya tekela n'wananga ensati etikweni leriya.

Genesa 24:7 Referans Kwoze

Vaheveru 1:14

Xana hinkwato a hi mimoya leyi tirhaka xana, leyi rhumiweke entirhweni, yi rhumeriwa lava nga ta fuwa ndzhaka ya ku hlayiseka xana?

Pisalema 34:7

Ntsumi ya Yehovha yi rhendzela lava n'wi chavaka, Kutani yi va kutsula.

Eksoda 33:2

Ndzi ta rhuma ntsumi leyi nga ta ku rhangela emahlweni kutani ndzi ta hlongola Vakanana ni Vaamori, ni Vahiti, ni Vaperesi, ni Vahivhi, ni Vayebusi,

Genesa 13:15

hikuva tiko leri u ri vonaka, ndzi ta ri nyika wena ni vatukulu va wena hilaha ku nga heriki.

Pisalema 73:24

U ta ndzi fambisa hi ku tsundzuxa ka wena, Kutani u ta ndzi amukela eku kwetsimeni.

Pisalema 32:8

Ndzi ta ku tlharihisa ndzi ku komba ndlela leyi u faneleke ku famba ha yona; Ndzi ta ku letela, ni mahlo ya mina ma ta va eka wena.

Eksoda 32:13

Tsundzuka Abrahama na Isaka, na Israele, malandza ya wena, lava u va hlambanyeleke loko u te eka vona: ndzi ta andzisa vatukulu va n'wina, va ta kota tinyeleti ta le tilweni; kutani ndzi ta nyika vatukulu va n'wina tiko hinkwaro leri ndzi ri vuleke va ri fuma hilaha ku nga heriki.’ ”

Genesa 15:18

Hi siku rolero, Yehovha a tiyisa ntwanano na Abrama, a ku: “Ndzi nyikile tiko leri eka vatukulu va wena, ku suka enambyeni wa Egipta, ku fikela enambyeni lowukulu, wu nga nambu wa Yufrata,

Nhlavutelo 11:13

Enkarhini wolowo ku tsekatseka lokukulu ka misava ku va kona, kutani ku avanyisa ka khume ka muti ku hindzimuka, vanhu va ntlhanu wa magidigidi na magidigidi mambirhi 7 000 va dlawa hi ku tsekatseka kuloku ka misava; kutani van'wana va khomiwa hi ku chava, va dzunisa Xikwembu xa le tilweni.

Vaheveru 11:9

Hi ku pfumela, u tshamile a ri muluveri etikweni leri a ri tshembisiweke, a tshama emitsongeni na Isaka, na Yakobo, lava ingi va ri vadyandzhaka swin'we na yena va ku tshembisa ku ri kun'we.

Timhaka 7:5

Kambe a xi n'wi hanga ndzhaka kona, hambi xi ri xivandlanyana lexi ringanaka ku kandziya hi nkondzo; ntsena xi n'wi tshembisile leswaku xi ta n'wi nyika rona, ri va rifuwo ra yena ni ra vatukulu va yena endzhaku ka yena; a wu ri nkarhi lowu a nga si va na n'wana.

Daniele 2:44

Emikarhini ya tihosi leti, Xikwembu xa matilo xi ta pfuxa ku fuma loku nga taka ku nga onhaki, ni siku ni rin'we, kutani vuhosi bya kona byi nga ka byi nga hundzeli eka tiko rin'wana; ku ta seletela ni ku herisa ku fuma kuloku hinkwako kambe kona ku ta va kona hilaha ku nga riki na makumu;

Pisalema 103:20

Khensani Yehovha, n'wina tintsumi ta yena, Leti tiyeke matimba, leti endlaka swileriso swa yena, Hi ku yingisa mpfumawulo wa rito ra yena!

Yoxuwa 1:6

Tiya mbilu, u tiya hikuva hi wena la nga ta fumisa tiko leri misava leyi ndzi hlambanyeleke vatata wa vona ku va nyika yona.

Duteronoma 34:4

Yehovha a ku eka yena: “Hi rona tiko leri ndzi ri hlambanyeleke Abrahama, na Isaka, na Yakobo, loko ndzi te: ‘Ndzi ta ri nyika vatukulu va wena; ndzi ku kombisile rona emahlweni ya wena, kambe u nga ka u nga peleli ka rona.’ ”

Duteronoma 1:8

Vonani, ndzi mi nyikile tiko; fambani, mi ya teka tiko leri Yehovha a hlambanyeleke vatata wa n'wina Abrahama, na Isaka, na Yakobo, ku va nyika rona, ni vatukulu va vona endzhaku ka vona.’

Tinhlayo 32:11

‘Vanhu lava humeke eEgipta, ku suka eka va malembe ya makume mambirhi, ni lava tlulaka, va nga ka va nga voni tiko leri ndzi ri hlambanyeleke Abrahama na Isaka, na Yakobo, hikuva a va ndzi landzanga swinene;

Tinhlayo 14:30

mi nga ka mi nga ngheni etikweni leri ndzi hlambanyeke leswaku ndzi ta mi akisa eka rona, loko a nga ri Kalebe, n'wana Yefune, na Yoxuwa, n'wana Nuni.

Tinhlayo 14:16

‘Hi leswi Yehovha a tsandzekeke ku nghenisa tiko leri emisaveni leyi a va hlambanyeleke leswaku a ta va nyika yona, kutani u va dlayile emananga.’

Eksoda 13:5

Kutakuloko Yehovha a mi fikisile etikweni ra Vakanana, ni ra Vahiti, ni ra Vaamori, ni ra Vahivhi, ni ra Vayebusi, leri a nga hlambanyela vatata wa n'wina ku mi nyika rona, tiko ra ntswamba ni vulombe; hi n'hweti leyi, mi ta hlayisa ku lerisa loku.

Genesa 26:24

Yehovha a tikombisa eka yena hi vusiku byebyo, a ku eka yena: “Hi mina Xikwembu xa Abrahama, tata wa wena, u nga chavi nchumu, hikuva ndzi na wena, ndzi ta ku katekisa, ndzi andzisa vatukulu va wena hikwalaho ka Abrahama, nandza wa mina.”

Genesa 17:8

Ndzi ta ku nyika, na vona vatukulu va wena endzhaku ka wena, tiko leri u nga ka rona u ri muluveri, ri nga tiko ra Kanana hinkwaro, va ri fuma hilaha ku nga heriki, kutani ndzi va Xikwembu xa vona.”

Yonasi 1:9

Yena a ku eka vona: “Ndzi Muheveru, ndzi chava Yehovha, Xikwembu xa matilo, la endleke lwandle ni misava.”

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Ezra 1:2

“Ku vula Korexe, hosi ya Vaperesi: Yehovha, Xikwembu xa le matilweni, xi ndzi nyikile vuhosi hinkwabyo bya misava; kambe xi ndzi lerisile leswaku ndzi n'wi akela yindlu eYerusalema, etikweni ra Yuda.

Vaavanyisi 2:1

Kutani ntsumi ya Yehovha yi suka eGiligala yi tlhandlukela eBokimi, yi ku: “Ndzi te ndzi ta mi humesa eEgipta, ndzi mi tisa etikweni leri ndzi hlambanyeke leswaku ndzi ta ri nyika vatata wa n'wina; a ndzi te, ndzi nga ka ndzi nga onhi ni siku ni rin'we ntwanano wa mina lowu ndzi wu endleke na n'wina.

Genesa 16:7

Ntsumi ya Yehovha yi kuma Hagara a ri ekusuhi ni xihlovo xa mati emananga, kusuhi ni xihlovo xa ndlela ya Xuru;

Genesa 21:17

Kambe Xikwembu xi twa rito ra wandzisanyana, kutani ntsumi ya Xikwembu yi vitana Hagara yi ri etilweni, yi ku: “U na yini, Hagara? U nga chavi, hikuva Xikwembu xi twile rito ra wandzisanyana laha a nga kona.

Genesa 22:11

Kavaloko ntsumi ya Yehovha yi n'wi vitana yi ri etilweni, yi ku: “Abrahama, Abrahama!” Yena a ku: “Hi mina loyi!”

Genesa 24:3

ndzi ku hlambanyisa ha Yehovha Xikwembu xa tilo, ni Xikwembu xa misava, leswaku u nga ka u nga tekeli n'wana wa mina nsati exikarhi ka vanhwana va Vakanana, volavo ndzi akeke exikarhi ka vona;

Genesa 24:40

Kutani a ku eka mina: ‘Yehovha, yeloyi ndzi fambaka emahlweni ka yena, u ta rhumela eka wena ntsumi ya yena, u ta katekisa ndlela ya wena, u ta tekela n'wananga nsati wa ka rikwerhu, ni wa yindlu ya tatana.

Tinhlayo 11:12

Xana ndzi tikile ndzi ni nyimba ya tiko leri hinkwaro, xana? Kumbe xana ndzi ri tswarile, leswi u nga te eka mina: ‘Ri veleke hilaha muveleki a velekaka n'wana loyi a n'wi an'wisaka,’ ku fika etikweni leri u ri tshembiseke vatata wa vona?

Yoxuwa 24:3

Kutani ndzi tekile tata wa n'wina, Abrahama, ehase ka nambu, ndzi n'wi fambisile etikweni hinkwaro ra Kanana, ndzi va ndzi n'wi andzisela vana, ndzi n'wi nyika Isaka.

Pisalema 136:26

Dzunisani Xikwembu xa matilo, Hikuva tintswalo ta yena hi leti nga heriki!