Genesa 24:49 - Xitsonga (Bibele)

⁴⁹ Sweswi, kungakuloko mi rhandza ku endlela n'wini wanga hi tintswalo ni ku dzuneka, ndzi byeleni; kambe loko mi nga swi rhandzi, ndzi byeleni, ndzi tiva ku kongoma ra xinene kumbe ra ximatsi.”

BIBELE Mahungu Lamanene

⁴⁹ Kutani sweswi, ndzi kombela leswaku mi ndzi byela loko mi tsakela n'wini wanga ni loko mi ta kota ku n'wi pfuna; naswona loko mi nga swi koti ndzi byeleni, ndzi ta tiva leswaku ndzi fanele ku endla yini.”

Genesa 24:49 Referans Kwoze

Genesa 47:29

Kutani nkarhi wolowo Yakobo a nga ta fa ha wona, loko wu tshinerile, a vitana Yosefa, n'wana wa yena, a ku eka yena: “Loko ndzi kume tintswalo emahlweni ka wena, wanga veka voko ra wena ehansi ka ndzhumbi wa mina, u ndzi endlela hi tintswalo ni vunene, u nga ndzi lahli kwala Egipta.

Yoxuwa 2:14

Vavanuna lava va ku eka yena: “Vutomi bya hina ematshan'weni ya n'wina ku fa loko mi nga byeli munhu timhaka ta hina kutakuloko Yehovha a hi nyikile tiko, hi ta mi tsetselela ni ku mi endlela leswinene.”

Swivuriso 3:3

Vunene ni ntiyiso swi nga tshuki swi avana na wena; Titsimbe swona enhan'wini ya wena, u swi tsala embilwini ya wena:

Genesa 32:10

a ndzi ringani tintswalo ta wena hinkwato, ni ku tshembeka hinkwako loku u ku humeseleke nandza wa wena; kasi ndzi pele Yordani loyi, ndzi ri ni nhonga ya mina ntsena, kasi sweswi, ndzi hundzuke mixaxa mimbirhi.

Duteronoma 2:27

‘Ndzi pfumelele ku hundza etikweni ra wena. Ndzi ta famba hi gondzo ndzi nga ka ndzi nga hambukeli exineneni kumbe eximatsini.

Tinhlayo 20:17

Hi pfumelele ku tsemakanya tiko ra wena; hi nga ka hi nga tsemakanyi exikarhi ka masimu ni tivhinya, hi nga ka hi nga nwi mati ya swihlovo; hi ta famba hi gondzo, hi nga hambukeli etlhelweni ra xinene ni ra ximatsi, hi ko hi hundza emindzilekaneni ya wena.”