Genesa 24:42 - Xitsonga (Bibele)

⁴² “Hi kona ndzi fikeke namuntlha exihlobyeni ndzi ku: ‘Yehovha, Xikwembu xa n'wini wanga Abrahama, kungakuloko u katekisa ndlela leyi ndzi nga na yona,

BIBELE Mahungu Lamanene

⁴² “Kutani namuntlha loko ndzi fika exihlobyeni xa mati, ndzi khongerile ndzi ku: ‘We HOSI, wena Xikwembu xa n'wini wa mina Abrahama, ndzi kombela leswaku u ndzi humelerisa eriendzweni ra mina.

Genesa 24:42 Referans Kwoze

Nehemiya 1:11

Oho! Yehovha, ndleve ya wena a yi rhiyeketele mikhongelo ya nandza wa wena, ni mikhongelo ya malandza ya wena lama tirhandzeleke ku chava vito ra wena; wanga tiyisa nandza wa wena, kutani u n'wi kumisa tintswalo emahlweni ka wanuna loyi.” Kambe a ndzi ri mucheleri wa hosi.

Varhoma 1:10

a ndzi tshiki ku kombela emikhongelweni ya mina leswaku, loko ku ri ku rhandza ka Xikwembu xi ndzi humesela riendzo leri katekeke ra ku ta eka n'wina,

Pisalema 90:17

Tintswalo ta Yehovha, Xikwembu xa hina, a ti ve ka hina! Hi tiyisele ntirho wa mavoko ya hina, Ina, tiyisa ntirho wa mavoko ya hina!

Pisalema 37:5

Tshikela Yehovha ndlela ya wena, u n'wi tshemba, Kutani yena u ta tirha.

Ezra 8:21

Loko ha ha ri enambyeni wa Ahavha, ndzi vula siku ra ku titsona swakudya, hi ta titsongahata emahlweni ka Xikwembu xa hina, leswaku hi tikombelela eka xona riendzo lerinene ra hina, ni ra vana va hina ni ra swilo hinkwaswo swa hina.

Timhaka 10:22

Va ku: “Korneliyo ndhuna ya dzana, wanuna la lulameke, la chavaka Xikwembu, la dzunisiwaka hi tiko hinkwaro ra Vayuda, u lerisiwile hi ntsumi leyo kwetsima ya Xikwembu ku ku vitanela emutini wa yena, a ta yingisa leswi u nga ta n'wi byela swona.”

Genesa 39:3

Kutani n'wini wa yena a vona leswaku Yehovha a a ri na yena, ni leswaku hinkwaswo leswi a swi endlaka, Yehovha a a n'wi katekisela swona evokweni ra yena.

Genesa 24:31

A ku eka yena: “Tana, wena la nga katekisiwa hi Yehovha! U yimela yini la handle kasi ndzi lunghisile yindlu ni ndhawu ya tikamela?”

Genesa 24:11

Kutani a khinsamisa tikamela ehandle ka muti, ekusuhi ni xihlovo xa mati, hi nkarhi wa madyambu, enkarhini lowu ku humaka vavasati lava yaka eku keni ka mati.

Genesa 24:27

“A ku khensiwe Yehovha Xikwembu xa n'wini wa mina Abrahama, loyi a nga rhutelangiki ku hlayisela n'wini wa mina tintswalo ta yena, ni ku tshembeka ka yena. Na mina, Yehovha u ndzi fambisile endleleni ya mina, ekaya ka vamakwavo va n'wini wa mina.”

1 SAMIELE 1:13

Kambe Hana a a vulavula embilwini ya yena, milomu ya yena yi vendzavendza ntsena, kambe rito ra yena ri nga twakali.

1 SAMIELE 9:6

Kutani nandza a ku eka yena: “Waswivo, munhu wa Xikwembu u kona emutini lowu, kambe i munhu la dzuniwaka. Hinkwaswo leswi a swi vulaka swi humelela. Sweswi, a hi yeni kona, kumbe u ta hi tivisa ndlela leyi hi nga ta famba ha vona.”