Genesa 24:32 - Xitsonga (Bibele)

³² Kutani nuna loyi a fika endlwini, va tshunxa tikamela, va ti nyika byanyi byo oma ni swakudya swa swifuwo; ku nehiwa ni mati ku hlamba milenge ya yena, ni milenge ya vanhu lava i ngi a ri na vona.

BIBELE Mahungu Lamanene

³² Kutani lowa nandza a ya nghena endlwini, Labani yena a ntshunxa tikamela, a nyika lowa nandza byanyi bya tona ni swakudya swin'wana swa tona; a n'wi nyika ni mati yo hlamba milenge, a nyika ni vavanuna lava a a ri na vona.

Genesa 24:32 Referans Kwoze

Vaavanyisi 19:21

A n'wi yisa endlwini ya yena, a nyika timbhongolo byanyi, kutani va tihlantswa milenge va dya, va nwa.

Genesa 43:24

Munhu yeloyi a va heleketa endlwini ya Yosefa, a va nyika mati, va hlantswa milenge ya vona, a fihluta ni timbhongolo ta vona.

Genesa 18:4

Ha nga lava matinyana, mi hlamba milenge, mi wisa ehansi ka murhi.

1 Timotiya 5:10

a va ni vumbhoni bya leswaku u ni mitirho leyinene, a wundlile vana va yena, a amukerile vaendzi, ni ku hlantswa milenge ya vakwetsimi, ni ku pfuna lava nga enhlomulweni, ni ku tinyiketa mitirho hinkwayo leyinene.

Luka 7:44

Kutani a rhendzelekela ka wansati, a ku eka Simoni: “Nsati loyi, wa n'wi vona-ke? Ndzi nghene endlwini ya wena, a ku ndzi hanga mati ndzi hlamba milenge; yena u tsakamisile milenge yanga hi minyembeti, a hlangula hi misisi ya nhloko yakwe.

Genesa 19:2

a ku: “Vonani, tihosi tanga, ndza mi khongela, hambukelani endlwini ya nandza wa n'wina, mi etlela kona, mi hlamba milenge; kutani mi ta vindzuka nimixo mi famba hi ndlela ya n'wina.” Va ku: “E-e, kambe hi ta etlela ehubyeni.”

1 SAMIELE 25:41

Kutani a pfuka, a khinsama, a ku: “Waswivo, nandza wa wena u ta va khumbi leri nga ta hlantswa milenge ya malandza ya hosi yanga.”

Genesa 24:33

Kutani swakudya swi vekiwa emahlweni ka yena, kambe yena a ku: “Ndzi nga ka ndzi nga dyi ndzi nga si vula mhaka ya mina.” Labani a ku: “Vulavula.”

Genesa 29:13

Kuteloko Labani a twa mahungu ya Yakobo, n'wana wa makwavo, a tsutsuma, a ya hlangana na yena a n'wi singarhela, a n'wi ntswontswa, a n'wi yisa endlwini ya yena. Kavaloko Yakobo a ambela Labani timhaka teto hinkwato.