Genesa 24:3 - Xitsonga (Bibele)

³ ndzi ku hlambanyisa ha Yehovha Xikwembu xa tilo, ni Xikwembu xa misava, leswaku u nga ka u nga tekeli n'wana wa mina nsati exikarhi ka vanhwana va Vakanana, volavo ndzi akeke exikarhi ka vona;

BIBELE Mahungu Lamanene

³ kutani ndzi ta ku hlambanyisa emahlweni ka HOSI Xikwembu xa matilo ni misava, leswaku u nge tshuki u laverile n'wananga ensati exikarhi ka vanhwanyana va Vakanana lava ndzi tshamaka etikweni ra vona;

Genesa 24:3 Referans Kwoze

1 Vakorinto 7:39

Wansati u bohiwile eka nuna wa yena hi nawu, emikarhini hinkwayo ya ku hanya ka nuna wa yena; kambe loko nuna wa yena a file, u tshunxekile; a nga tekana ni loyi a n'wi rhandzaka, kambe a ku ve eHosini.

Nehemiya 13:25

Kutani ndzi va holovela, ndzi va rhukana, ndzi va ni van'wana, ndzi va hluva misisi, ndzi va hlambanyela hi Xikwembu, ndzi ku: “Mi nga nyika vana va n'wina eka vana va vona, mi nga teki vana va vona, na n'wina mi nga tekelani na vona.

Genesa 28:8

kutani Esawu, loko a vona leswaku vanhwana va Kanana va bihile emahlweni ka Isaka, tata wa yena,

Yeremiya 10:11

“Mi ta va byerisa sweswo, mi ku: ‘Swikwembu leswi nga ka swi nga endli tilo ni misava, swona swi ta susiwa emisaveni ni le hansi ka matilo.’ ”

2 TIHOSI 19:15

Kutani Hezekiya a khongela Yehovha, a ku: “Yehovha, Xikwembu xa Israele, la tshamiseke exikarhi ka tikerubu! Wena ntsena u Xikwembu xa matiko hinkwawo ya misava; hi wena la endleke matilo ni misava.

Eksoda 34:16

kutani u vutela vana va wena vanhwanyana va vona, kutani vanhwanyana va vona va hambukisa vana va wena, leswaku va landzela swikwembu swa vona.

Nehemiya 9:6

Hi wena Yehovha u ri swaku, hi wena u endleke matilo ni matilo ya matilo, ni mavandla hinkwawo ya wona, ni misava, ni hinkwaswo leswi nga ehenhla ka yona, ni malwandle, ni leswi nga eka wona, hi wena la hanyisaka swilo leswi hinkwaswo, mavandla ya le matilweni ma karhi ma khinsama emahlweni ka wena.

2 TIKRONIKA 2:12

Hiramu a engeta, a ku: “A ku khensiwe Yehovha, Xikwembu xa Israele, la nga endla matilo ni misava, hikuva u nyikile hosi Davhida n'wana la tlhariheke, la nga ni vutivi ni ku twisisa, la nga ta akela Yehovha yindlu, a ta tiakela ni yindlu ya vuhosi.

Yoxuwa 2:12

Sweswi, ndza mi khongela, ndzi hlambanyeleni ha Yehovha leswaku, kukotisa leswi ndzi mi tsetseleleke, na n'wina mi ta tsetselela yindlu ya tatana, kambe ndzi nyikeni xitshembiso lexi tiyeke,

Duteronoma 10:20

“U ta chava Yehovha, Xikwembu xa wena, u xi tirhela, u namarhela xona, u va u hlambanya hi vito ra xona.

Duteronoma 6:13

“U ta chava Yehovha, Xikwembu xa wena, u xi tirhela, ni ku hlambanya hi vito ra xona.

Tinhlayo 5:21

muprista u ta hlambanyisa wansati hi ku hlambanya lokukulu, a ku eka yena: “Yehovha a a ku nyikete endzhukanweni ni ku yirisiwa etikweni ra wena, a ondzisa matsheve ya wena ni ku kukumukisa khwiri ra wena,

Eksoda 23:13

Mi ta hlayisa hinkwaswo leswi ndzi mi leriseke swona. Mi nga tshuki mi vula mavito ya swikwembu swin'wana; ma nga humi emilon'wini ya n'wina.

Eksoda 20:7

“U nga tshuki u tlanga hi vito ra Yehovha Xikwembu xa wena, hikuva Yehovha a nga ka a nga tshiki nandzu wa la tlangaka hi vito ra yena.

Genesa 50:25

Yosefa a hlambanyisa vana va Israele, a ku: “Ndzi vurisile, Xikwembu xi ta mi endzela, emikarhini yeleyo mi ta susa marhambu ya mina kwala, mi famba na wona.”

Genesa 27:46

Kutani Rhaveka a ku eka Isaka: “Ndzi nyenya vutomi hikwalaho ka vana va Vahiti; kungakuloko Yakobo a teka exikarhi ka vanhwana va Vahiti nsati la kotisaka volavo, exikarhi ka vanhwana va tiko leri, vutomi byi nga ndzi pfuna yini xana?”

Genesa 21:23

Sweswi, ndzi hlambanyele kwala, hi Xikwembu, leswaku u nga ka u nga ndzi xisi, hambi va ri vana va mina ni vatukulu va mina. Kukotisa loko ndzi ku endlele hi tintswalo, na wena, endlisa sweswo na mina, ni tiko leri u endzelaka eka rona.”

Genesa 14:19

Kutani a katekisa Abrama, a ku: “A ku katekisiwe Abrama hi Xikwembu xa le henhlahenhla, n'wini wa tilo ni misava;

Genesa 6:4

Emikarhini yeleyo a ku ri kona emisaveni vanhu va swihontlovila. Loko vana va Xikwembu va yile eka vanhwana va vanhu, va kuma vana ha vona. Hi tona tinhenha leti nga twakala ngopfu khale.

Genesa 6:2

vana va Xikwembu va vona leswaku vanhwanyana va vanhu va sasekile, kutani va titekela eka vona vasati exikarhi ka hinkwavo lava va nga va hlawula.

Vaheveru 6:16

Hikuva loko va ri vanhu, va hlambanya hi loyi a va tlulaka hi vukulukumba, kutani ku kanetana hinkwako ka vona ku hela eku hlambanyeni loku tiyisaka timhaka.

Sofoniya 1:5

ni lava khinsamelaka huvo ya tilo va ri ehenhla ka tindlu; ni lava khinsamaka, va hlambanya ha Yehovha, ni lava hlambanyaka ha Milikomo;

Yeremiya 12:16

Kambe kungakuloko va dyondza swinene milawu ya tiko ra mina, leswaku va ta hlambanya hi vito ra mina, va ku: ‘Ha Yehovha la hanyaka,’ hi laha va dyondziseke tiko ra mina ku hlambanya ha Baali, ndzi ta va akisa xiharhi ka tiko ra mina.

Yeremiya 4:2

Loko u hlambanya hi swinene, ni ku tiyisa, ni ku lulama u ku: ‘Yehovha wa hanya,’ matiko ma ta kateka ha yena, ma tidzunisa ha yena.”

Esaya 65:16

“Mani na mani la nga ta rhandza ku katekisiwa etikweni, u ta rhandza ku katekisiwa hi Xikwembu xa ntiyiso, kutani un'wana na un'wana la nga ta hlambanya, u ta hlambanya hi Xikwembu xa ntiyiso; hikuva nhlomulo wo sungula wu ta rivariwa, wu ta va wu hundzile emahlweni ka mina.

Esaya 48:1

Yingisani, n'wina va yindlu ya Yakobo, lava mi thyiweke hi vito ra Israele, lava mi humeke exihlobyeni xa Yuda; n'wina lava mi hlambanyaka hi vito ra Yehovha, lava mi dzunisaka vito ra Xikwembu xa Israele, lava mi nga ni ku kanganyisa ni ku pfumala ku lulama,

Esaya 45:23

Ndzi hlambanya ha mina; swo lulama swi humile enon'wini wa mina, ri ri rito leri nga taka ri nga kanetiwi, leswaku tsolo rin'wana ni rin'wana ri ta ndzi korhamela, ni leswaku ririmi rin'wana ni rin'wana ri ta hlambanya ha mina.

Pisalema 115:15

Mi vakateki va Yehovha, La endleke tilo ni misava.

1 SAMIELE 20:17

Yonatani a hlambanyisa kambe Davhida hi rirhandzu leri a n'wi rhandzeke ha rona; hikuva a a n'wi rhandza kukota moya wa yena.

Levhitika 19:12

“ ‘Mi nga tshuki mi hlambanya hi vito ra mina hi ku hemba, hikuva mi ta va mi tlangile hi vito ra Xikwembu xa n'wina. Hi mina Yehovha.

Eksoda 22:11

ku hlambanya eka Yehovha ku ta va kona exikarhi ka vanhu lavambirhi, ku ta tiviwa xana a nga ni yivanga swifuwo swa warikwavo; n'wini wa xona u ta pfumela ku hlambanya, kutani a nga ka a nga riheriwi ha nchumu.

Genesa 14:22

Kambe Abrama a hlamula hosi ya Sodoma, a ku: “Ndzi tlakuse voko eka Yehovha, Xikwembu xa le henhlahenhla, n'wini wa tilo ni misava, ndzi ri:

Genesa 24:7

Yehovha Xikwembu xa tilo, la ndzi humeseke endlwini ya tatana, ni le tikweni ra matswalo ya mina, a va a ndzi byela hi ku hlambanya, a ku: ‘Ndzi ta nyika vatukulu va wena tiko leri’, yeloyi u ta rhumela ntsumi ya yena emahlweni ka wena, u ta tekela n'wananga nsati kona.

Genesa 28:1

Kavaloko Isaka a vitana Yakobo, a n'wi katekisa, a n'wi lerisisa sweswo, a ku: “U nga tshuki u teka nsati exikarhi ka vanhwana va Kanana.

Genesa 47:31

Yakobo a ku: “Ndzi hlambanyele”; kutani a n'wi hlambanyela. Kutani Israele a korhamela exiseketelweni xa byetlelo bya yena.

Vaavanyisi 14:3

Kambe tata wa yena ni mana wa yena, va ku eka yena: “Xana a ku na wansati exikarhi ka vanhwana va vamakwenu ni le tikweni ra rikwenu hinkwaro xana, leswaku u ya titekela nsati eka Vafilista lava nga yimbangiki?” Samsoni a ku eka tata wa yena: “Ndzi tekele yena, hikuva u ndzi tsakisile.”

Pisalema 136:26

Dzunisani Xikwembu xa matilo, Hikuva tintswalo ta yena hi leti nga heriki!

Genesa 34:9

endlani xinakulobye na hina, hi ta mi nyika vanhwana va hina, n'wina mi teka vanhwana va hina.

Genesa 38:2

Kutani Yuda a vona kona n'wana wa wanhwana wa munhu wa Mukanana la vuriwaka Xuwa, a n'wi teka, a ya eka yena.

1 SAMIELE 30:15

Davhida a ku eka yena: “U nga ndzi fambisa eka nyimpi leyi xana?” Kutani a ku: “Ndzi hlambanyele hi Xikwembu leswaku u nga ka u nga ndzi dlayi, hambi ku ndzi nyiketa emavokweni ya n'wini wa mina, kutani ndzi ta ku fambisa eka nyimpi leyi.”

Ezra 5:11

Kutani va hi hlamule, va ku: ‘Hi malandza ya Xikwembu xa le matilweni ni le misaveni, hi pfuxa yindlu leyi akiweke khale, ku ni malembe layo tala yi akiwile yi va yi hela hi hosi yin'wana leyikulu ya Vaisraele.

Yeremiya 29:6

tekani vasati mi veleka vana va xinuna ni va xisati, mi tekisa vana va n'wina vasati; mi lavela vanhwana va n'wina vanuna, va veleka vana va xinuna ni va xisati; mi andza kona, mi nga tsongahali.