Genesa 23:4 - Xitsonga (Bibele)

⁴ “Ndzi muluveri ni muendzi exikarhi ka n'wina; ndzi nyikeni exikarhi ka n'wina sirha ndzi ri fuwa, ndzi tiva ku susa mufi wa mina emahlweni ka mina, ndzi n'wi yimbela.”

BIBELE Mahungu Lamanene

⁴ “Mina ndzi munhu wa le handle loyi a luveleke exikarhi ka n'wina; kutani sweswi ndzi kombela leswaku mi ndzi nyika ndhawu leyi yi nga ta va ya mina yo lahlela eka yona, leswaku ndzi ta lahla mufi wa mina ndzi hambana na yena.”

Genesa 23:4 Referans Kwoze

Vaheveru 11:9

Hi ku pfumela, u tshamile a ri muluveri etikweni leri a ri tshembisiweke, a tshama emitsongeni na Isaka, na Yakobo, lava ingi va ri vadyandzhaka swin'we na yena va ku tshembisa ku ri kun'we.

1 TIKRONIKA 29:15

Hikuva hi valuveri emahlweni ka wena ni vaendzi, kukotisa vatata wa hina hinkwavo, masiku ya hina ma fana ni ndzhuti emisaveni, kutani ku tshemba a ku kona.

Genesa 17:8

Ndzi ta ku nyika, na vona vatukulu va wena endzhaku ka wena, tiko leri u nga ka rona u ri muluveri, ri nga tiko ra Kanana hinkwaro, va ri fuma hilaha ku nga heriki, kutani ndzi va Xikwembu xa vona.”

Pisalema 119:19

Ndzi muendzi emisaveni; U nga ndzi fihleri ku lerisa ka wena!

Timhaka 7:5

Kambe a xi n'wi hanga ndzhaka kona, hambi xi ri xivandlanyana lexi ringanaka ku kandziya hi nkondzo; ntsena xi n'wi tshembisile leswaku xi ta n'wi nyika rona, ri va rifuwo ra yena ni ra vatukulu va yena endzhaku ka yena; a wu ri nkarhi lowu a nga si va na n'wana.

Pisalema 39:12

“Yehovha, yingisa xikhongelo xa mina, rhiyela ku huwelela ka mina ndleve! U nga miyeli loko ndzi rila; Hikuva ndzi muendzi eka wena, Ndzi muluveri kukota vatata wa mina hinkwavo.

Levhitika 25:23

“ ‘Masimu ma nga tshuki ma xavisiwa hilaha ku nga heriki, hikuva misava i ya mina; hikuva mi valuveri ni vaendzi eka mina.

Genesa 49:30

ebakweni leri nga ensin'wini ya Makapela, leri vandzakanaka na Mamre, etikweni ra Kanana; hi yona nsimu leyi Abrahama a yi xaveke eka Efroni, wa Muhiti, ku endla xilahlo xa masirha.

1 Petro 2:11

Varhandziwa, ndza mi khongotela hi laha mi nga vaendzi ni valuveri, ndzi ku: Alelani ku navela ka nyama loku lwaka ni moya,

Eklesiasta 12:7

ni ntshuri wu nga si tlhelela emisaveni laha wu humeke kona, ni moya wu nga si tlhelela eka Xikwembu lexi nyikeke wona.

Eklesiasta 12:5

siku vanhu va nga ta chava ku ya eswivandleni leswi tlakukeke, ku nga ta chaviwa etindleleni; siku murhi wa alimondi wu nga ta baleka, ni mherha yi nga ta tika, ni munhu a nga ta phirwa hi swakudya; siku munhu a nga ta tiyela endlwini ya yena ya makumu, ni varili va nga ta rhendzeleka emitsendzeleni.

Eklesiasta 6:3

Hambiloko munhu a nga veleka vana va dzana, a hanya malembe layo tala, ni loko masiku ya malembe ya yena ma andzisiwa, loko moya wa yena wu nga xurhi vunene, a va a pfumala ni sirha: ndzi ri, swi tsandza ni la velekiweke wu nga si va nkarhi, u n'wi tlula hi ku kateka.

Ntirho 30:23

Hikuva ndza swi tiva leswaku u ndzi yisa eku feni, Endlwini yoleyo hinkwavo lava hanyaka va faneleke ku hlengeletana eka yona.

Genesa 50:13

Vana va yena va n'wi yisa etikweni ra Kanana, va ya n'wi lahla ebakweni ra nsimu ya Makapela, leyo Abrahama ingi a yi xavile ka Efroni, wa Muhiti tlhelo ra vuxa ra Mamre, leswaku yi endla xilahlo xa masirha.

Genesa 47:9

Yakobo a ku eka Faro: “Masiku ya ku hanya ka mina i malembe ya dzana ni makume manharhu, kambe masiku ya ku hanya ka mina ma komanyanile, ma vuya ma biha; a ndzi fikanga emasikwini ni le malembeni ya vatatana, emikarhini ya ku hanya ka vona.”

Genesa 3:19

U ta dya vuswa hi nyuku wa mombo wa wena, u ko u tlhelela emisaveni, hikuva u humesiwile eka yona. Hikuva u ntshuri, u ta tlhelela entshurini.”

Timhaka 7:16

Kambe mitsumbu ya vona yi yisiwa eXikeme, yi lahliwa esirheni ra Abrahama leri ingi a ri xavile hi mali eka vana va Hemori, tata wa Xikeme.

Genesa 23:5

Vahiti va hlamula Abrahama va ku eka yena:

Eksoda 2:22

Kutani Sipora a veleka n'wana wa wanuna; Muxe a n'wi thya vito ra Gerixomu (muluveri), hikuva a ku: “Ndzi muluveri etikweni ra van'wana.”