Genesa 23:16 - Xitsonga (Bibele)

¹⁶ Abrahama a twisisa Efroni, a pimela Efroni hi xikalo mali leyi a nga yi vula, Vahiti va ri karhi va swi twa, a nga tixikele ta silivhere ya mune wa madzana lama amukeriwaka exikarhi ka vaxavi.

BIBELE Mahungu Lamanene

¹⁶ Hiloko Abrahama a nkhenselana na Efroni, a n'wi pimela tisilivhere leti a ti vuleke emahlweni ka Vahiti, ti nga tisilivhere ta 400 hi ku landza mpimo lowu vekiweke hi vamabindzu.

Genesa 23:16 Referans Kwoze

Zakariya 11:12

Ndzi ku eka tona: “Loko swi nga va swinene emahlweni ka n'wina, ndzi nyikeni hakelo ya mina: loko swi nga ri tano, yi tshikeni.” Kutani va ndzi pimela hakelo ya mina, yi va mali ya makume manharhu.

Yeremiya 32:9

Kavaloko ndzi tixavela nsimu ya Hanamele, n'wana wa tatana lontsongo eAnatoto, ndzi n'wi pimela mali ti nga tixikele ta silivhere ta 17.

1 Vatesalonika 4:6

Munhu a nga tshuki a kandziyela makwavo, hambi ku ri ku n'wi dya, ni ku n'wi kanganyisa emhakeni, ni loko yi ri yin'we hikuva Hosi i murihiseri wa swilo hinkwaswo leswo tano, kukota leswi hi tshamaka hi mi byela khale hi ku vurisa loku tiyeke.

Vafilipiya 4:8

Loko swi ri tano, vamakwerhu, hinkwaswo leswi nga ntiyiso, hinkwaswo leswi sasekeke, hinkwaswo leswi lulameke, hinkwaswo leswi tengeke, hinkwaswo leswi rhandzekaka, hinkwaswo leswi khensiwaka, hinkwaswo leswi nga ni vunene ni ku dzunisiwa, leswo hinkwaswo, mi va mi swi anakanya.

Varhoma 13:8

Mi nga tshuki mi va ni nandzu eka munhu, loko wu nga ri wa ku rhandzana hikuva la rhandzaka van'wana, hi yena la hetiseke nawu.

Matewu 7:12

Kutani swilo hinkwaswo leswi mi rhandzaka leswaku vanhu va mi endlela swona, na n'wina swi endleni eka vona, hikuva hi wona nawu ni vaprofeta.

Ezekiele 45:12

Loko yi ri xikele, yi ringana ni tigera ta makume mambirhi. Eka n'wina, mina yi ta va ya tixikele ta makume mambirhi, ni tixikele ta makume mambirhi na ntlhanu, ni tixikele ta khume na ntlhanu.

Ntirho 28:15

Nsuku lowu tengeke wu nga ka wu nga byi xavi, Ni ntsopfu, wu nga ka wu nga pimeriwi nxavo wa byona;

Eksoda 30:13

Hinkwavo lava nga ta hlayiwa va ta humesa hafu ya xikele (hi mpimo wa xikele ya vukwetsimelo lexi nga ni makume mambirhi ya tiobola), hafu ya xikele yi ta nyikiwa Yehovha.

Genesa 43:21

kuteloko hi fike ebyetlelweni hi tshunxa mikwama ya hina, ho tshukela mali ya un'wana ni un'wana enon'wini wa nkwama wa yena, mali ya hina, hi matshamela ya yona; hi tlhela hi yi teka emavokweni ya hina;

Genesa 23:15

“Hosi yanga, yingisa: Nsimu ya mune wa madzana ya tixikele ta silivhere exikarhi ka mina na wena, i nxini-ke? Yimbela mufi wa wena.”

Timhaka 7:16

Kambe mitsumbu ya vona yi yisiwa eXikeme, yi lahliwa esirheni ra Abrahama leri ingi a ri xavile hi mali eka vana va Hemori, tata wa Xikeme.

Genesa 49:29

Kutani a va lela, a ku eka vona: “Sweswi, ndzi ta amukeriwa eka varikwerhu; mi ta ndzi lahla eka vatatana, ebakweni ra le nsin'wini ya Efroni, wa Muhiti,

Genesa 50:13

Vana va yena va n'wi yisa etikweni ra Kanana, va ya n'wi lahla ebakweni ra nsimu ya Makapela, leyo Abrahama ingi a yi xavile ka Efroni, wa Muhiti tlhelo ra vuxa ra Mamre, leswaku yi endla xilahlo xa masirha.

2 SAMIELE 14:26

Kakuloko a byewula misisi (kambe a a byewula lembe rin'wana ni rin'wana, hikuva misisi ya yena a yi n'wi tikela, kutani a a yi tsema), misisi ya nhloko ya yena a yi ringana ku tika ka tixikele ta madzana mambirhi exikalweni xa hosi.

Yeremiya 32:10

Ndzi tsala tsalwa ra nxavo, ndzi ri tiyisa, ndzi teka timbhoni ndzi ringanisa mali exikalweni.

2 SAMIELE 24:24

Hosi yi ku eka Arawuna: “A hi swona, kambe ndzi ta swi xava eka wena hi mali hikuva ndzi nga ka ndzi nga humeseli Yehovha, Xikwembu xa mina, magandzelo lama nga humeseriwangiki nchumu hi mina.” Kutani Davhida a xava xivuya ni tihomu hi tixikele ta silivhere ya ntlhanu wa makume.