Genesa 22:9 - Xitsonga (Bibele)

⁹ Va fika exivandleni lexi Xikwembu xi n'wi byeleke xona. Abrahama a aka gandzelo, a lunghisa tihunyi, a boha Isaka, n'wana wa yena, a n'wi tlhandleka egandzelweni, ehenhla ka tihunyi.

BIBELE Mahungu Lamanene

⁹ Loko va fika endhawini leyi Xikwembu xi n'wi byeleke yona, Abrahama a aka alitari, a veketela tihunyi ehenhla ka yona, kutani a boha n'wana wa yena Isaka, a n'wi tlhandleka alitarini ehenhla ka tihunyi.

Genesa 22:9 Referans Kwoze

Yakobo 2:21

Xana Abrahama, tata wa hina, a nga hlayiwanga la lulameke hi mitirho, siku a nyiketeke n'wana wa yena, Isaka, egandzelweni xana?

1 Petro 2:24

hi yena la rhwaleke swidyoho swa hina emirini wa yena exihambanweni, leswaku hi fa hitlhelo ra swidyoho kambe hi hanyela ku lulama; loyi kambe mi horisiweke hi matshimbi ya yena.

Vaheveru 9:28

hi mukhuva wolowo, na yena Kriste, kuteloko a tiendlile mhamba kan'we ku susa ku dyoha ka lavo tala, a ta humelela ra vumbirhi a nga ha ri na swidyoho, eka lava n'wi languteleke leswaku a va hanyisa.

Vaefesa 5:2

mi famba erirhandzwini kukotisa loko Kriste, na yena, a mi rhandzile, kutani u tinyiketele hina, a va mhamba ni gandzelo ra ku nun'hwela eka Xikwembu.

Vagalatiya 3:13

Kriste u hi kutsurile eku rhukaniweni ka nawu hi ku hlayiwa la rhukaniweke ematshan'weni ya hina hikuva ku tsariwile va ku: “Ku rhukaniwe mani na mani la hayekiweke emhandzeni,”

Timhaka 8:32

Ndzimana ya buku leyi ingi a yi hlaya hi leyi: “U yisiwile ku tlhaviweni kukota nyimpfu, kambe a ri tanihi xinyimpfana xa mbheveve emahlweni ka la xi tsemelaka voya, kutani a xi ahlamisinga nomu wa xona.

Marka 15:1

Nimpundzu, vaprista lavakulu va endla makungu ni vakulukumba, ni vatsari, ni va huvo hinkwayo. Kuteloko va bohile Yesu, va famba na yena, va ya n'wi nyiketa Pilato.

Matewu 27:2

Kuteloko va n'wi bohile va famba na yena, va ya n'wi nyiketa hosi Pontiyo Pilato.

Pisalema 118:27

Yehovha i Xikwembu, u hi voningile. Bohani hi mapindza mhamba ya nkhuvo, Mi yi tisa etimhondzweni ta alitari.

Genesa 12:7

Kutani Yehovha a humelela eka Abrama, a ku eka yena: “Misava leyi, ndzi ta yi nyika vatukulu va wena.” Kutani a akela kona gandzelo eka Yehovha la nga humelela eka yena.

Genesa 8:20

Kutani Nowa a akela Yehovha alitari, kutani a pambula exikarhi ka swifuwo hinkwaswo leswi tengeke, ni le xikarhi ka tinyanyana hinkwato leti tengeke, a humesa holokosta ealitarini.

Genesa 12:8

Kutani a suka kona, a ya entshaveni ya le vuxeni ka Betele, a dzima kona ntsonga wa yena, a ri na Betele hitlhelo ra vupeladyambu, na Ayi hitlhelo ra vuxa: a aka kona gandzelo ra Yehovha, a khongela vito ra Yehovha.

Genesa 13:18

Kavaloko Abrama a andlamuka a ya tshama emikuhlwini ya Mamre, lowu nga Hebroni, kutani kona a akela Yehovha gandzelo.

Genesa 22:8

Abrahama a ku: “N'wananga, Xikwembu xi ta vona ku tilavela nyimpfu ya mhamba.” Kutani a va ri karhi va famba havambirhi swin'we.

Genesa 22:10

Kutani Abrahama a tshambuluta voko, a teka mukwana a ku a tlhava n'wanakwe.

1 TIHOSI 18:33

A lunghisa tihunyi, a yevula nkunzi, a yi veka ehenhla ka tihunyi.