Genesa 22:3 - Xitsonga (Bibele)

³ Kutani Abrahama a vindzuka, a boha mbhongolo ya yena, a teka malandza mambirhi, na Isaka n'wanakwe; a pandzela ni tihunyi ta gandzelo, kutani a suka a ya exivandleni lexi Xikwembu xi n'wi kombiseke xona.

BIBELE Mahungu Lamanene

³ Hiloko Abrahama a pfuka nimpundzu swinene, a bohelela xitshamu embhongolweni ya yena, a vita malandza ya yena mambirhi ya majaha, a teka na Isaka n'wana wa yena. Loko a tsemile tihunyi to ya hisa ha tona gandzelo, a suka a famba a kongoma endhawini leyi Xikwembu xi n'wi byeleke yona.

Genesa 22:3 Referans Kwoze

Pisalema 119:60

Ndza hatlisa, a ndzi hlweri Ku hlayisa swileriso swa wena.

Matewu 10:37

La rhandzaka tata wa yena, hambi a ri mana wa yena ku tlula mina, a nga ndzi faneli, ni la rhandzaka n'wana wa yena wa wanuna, hambi a ri wa wanhwana ku tlula mina, a nga ndzi faneli.

Luka 14:26

“Kungakuloko un'wana a ta eka mina, a nga vengi tata wa yena, ni mana wa yena, ni nsati wa yena, ni vana, ni vamakwavo, na byona vutomi bya yena, a nga ka a nga vi mudyondzisiwa wa mina.

Vagalatiya 1:16

ku ndzi pfuletela N'wana wa xona leswaku ndzi ya n'wi vula exikarhi ka vamatiko; a ndzi vutisanga nyama ni loko yi ri ngati;

Eklesiasta 9:10

Hinkwaswo leswi voko ra wena ri nga swi kumaka ku tirha, swi tirhe hi matimba ya wena hikuva exivandleni xa vafi laha u yaka kona, a ka ha ri na ntirho, hambi makungu, ni ku tiva, hambi vutlhari.

Genesa 21:14

Kutani Abrahama a pfuka wa ha ri mixo, a teka vuswa ni nghotsa ya mati a nyika Hagara, a swi rhwexa ekhatleni ra yena, a n'wi nyika ni n'wana, kutani a n'wi hlongola. Yena a tifambela, a ya lahleka emananga ya Berexeba.

Genesa 17:23

Kavaloko Abrahama a teka Iximaele, n'wana wa yena, ni vavanuna hinkwavo lava tswariweke endlwini ya yena, ni hinkwavo lava a nga va xava hi mali, vanhu hinkwavo va xinuna va yindlu ya Abrahama, a yimbisa nyama ya vona hi siku rolero, hilaha Xikwembu xi n'wi leriseke hakona.

Vaheveru 11:8

Hi ku pfumela, Abrahama, siku a vitaniweke, a yingisa, a rhurhela etikweni leri a nga ta ri nyikiwa hi mukhuva wa ndzhaka; kambe a rhurha a nga tivi laha a yaka kona.

Genesa 22:2

Kutani xi ku: “Teka n'wanaku, loyi a nga swakwe eka wena, loyi u n'wi rhandzaka, a nga Isaka, u ya etikweni ra Moriya, u n'wi tlhavela kona egandzelweni, entshaveni yin'wana leyi ndzi nga ta ku kombisa yona.”

Genesa 22:4

Hi siku ra vunharhu, Abrahama a tlakusa mahlo, a vona xivandla xexo a ha ri kule.

Genesa 22:18

Kutani matiko hinkwawo ya misava ma ta tikhensa hi rixaka ra wena, hikuva u yingisile rito ra mina.’ ”

Yoxuwa 8:10

Yoxuwa a pfuka nimixo, a kamba tiko, kutani a famba ku ya lwa na Ayi, yena ni vakulukumba va Israele va ri emahlweni ka tiko.

Yoxuwa 3:1

Yoxuwa a pfuka nimixo, kutani vana va Israele hinkwavo va suka eXitimi na yena, va ya fika eYordani, va yima kona, va nga si pela nambu.