Genesa 22:2 - Xitsonga (Bibele)

² Kutani xi ku: “Teka n'wanaku, loyi a nga swakwe eka wena, loyi u n'wi rhandzaka, a nga Isaka, u ya etikweni ra Moriya, u n'wi tlhavela kona egandzelweni, entshaveni yin'wana leyi ndzi nga ta ku kombisa yona.”

BIBELE Mahungu Lamanene

² Xi ku ka yena: “Teka Isaka n'wana wa wena loyi a ngo va un'we, loyi naswona u n'wi rhandzaka, kutani u ya etikweni ra Moriya u ya humesa ha yena gandzelo leri hisiwaka, u ri humesela ehenhla ka ntshava leyi ndzi nga ta ku komba yona.”

Genesa 22:2 Referans Kwoze

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga tswariwa a ri swakwe, leswaku un'wana ni un'wana la pfumelaka eka yena, a nga tshuki a lova, kambe a va ni vutomi lebyi nga heriki.

Varhoma 8:32

Xona lexi nga tsetselelangiki N'wana wa xona wa xiviri, kambe xi n'wi tshikele hina hinkwerhu, xana xi nga ka xi nga hi nyiki ha yini swilo hinkwaswo na yena xana?

Vaheveru 11:17

Hi ku pfumela, Abrahama, siku a ringiwaka a humesa Isaka egandzelweni, kutani loyi a nga nyikiwa ku tshembisiwa, a nyiketa la nga tswariwa eka yena a ri swakwe,

Genesa 22:16

yi ku: “Ndzi hlambanyile ha mina, ku vula Yehovha, ndzi ri: ‘Leswi u endliseke sweswo, u nga ndzi alelanga n'wana wa wena, loyi a nga swakwe,

Genesa 17:19

Kutani Xikwembu xi ku: “E-e, kambe Sara, nsati wa wena, u ta ku velekela n'wana wa wanuna, u ta n'wi thya vito ra Isaka; ndzi ta tiyisa ntwanano wa mina na yena, wu va ntwanano lowu nga ka wu nga heleli vatukulu va yena.

2 TIHOSI 3:27

Kavaloko yi teka n'wana wa yona wa mativula, loyi a faneleke ku fuma ematshan'weni ya yona, yi n'wi humesa yi endla gandzelo leri hisiwaka ha yena erirhangwini. Kutani ku holova lokukulu ku va kona exikarhi ka Vaisraele, va tshika hosi ya Mowabu, va suka va tlhelela etikweni ra vona.

Genesa 22:12

Kutani yi ku: “U nga yisi voko ra wena eka n'wana, u nga n'wi endli nchumu; hikuva sweswi, ndza swi tiva leswaku u chava Xikwembu, ni leswaku a u ndzi alelanga n'wanaku, loyi a nga swakwe.”

2 TIKRONIKA 3:1

Solomoni a sungula ku aka yindlu ya Yehovha eYerusalema, entshaveni ya Moriya, laha Yehovha a humeleleke eka Davhida, tata wa yena, endhawini leyi Davhida a yi lunghiseke exivuyeni xa Orinani, wa ka Yebusi.

Vaavanyisi 11:39

Kuteloko tin'hweti timbirhi ti herile, a tlhelela eka tata wa yena, kutani a n'wi endla hi ku hlambanya ka yena, a nga tivanga wanuna.

Vaavanyisi 11:31

la nga ta huma etinyangweni ta yindlu ya mina ku ta ndzi hlanganisa siku ndzi tlhelaka hi ku rhula, loko ndzi hlurile vana va Amoni, u ta va wa Yehovha, ndzi ta n'wi endla holokosta (gandzelo leri hisiwaka).”

Genesa 21:12

Kutani Xikwembu xi ku eka Abrahama: “U nga tshuki u vaviseka hikwalaho ka wandzisanyana ni ka khumbi ra wena; hinkwaswo leswi Sara a nga ta ku byela, pfumela, hikuva eka yena Isaka, ku ta huma rixaka leri nga ta thyiwa ha wena.

Varhoma 5:8

Kambe Xikwembu xi kombisile ngopfu rirhandzu ra xona eka hina, hileswaku loko ha ha ri vadyohi, Kriste u hi ferile.

Mikiya 6:7

Xana Yehovha u ta tsakisiwa hi makhuna ya makume ya madzana, ni madzana ya madzana ya milambu ya mafurha? Xana ndzi ta humesa n'wana wa mina wa mativula ematshan'weni ya ku homboloka ka mina ni loyi a humeke ekhwirini ra mina hikwalaho ka xidyoho xa moya wa mina?

Genesa 8:20

Kutani Nowa a akela Yehovha alitari, kutani a pambula exikarhi ka swifuwo hinkwaswo leswi tengeke, ni le xikarhi ka tinyanyana hinkwato leti tengeke, a humesa holokosta ealitarini.

Genesa 22:3

Kutani Abrahama a vindzuka, a boha mbhongolo ya yena, a teka malandza mambirhi, na Isaka n'wanakwe; a pandzela ni tihunyi ta gandzelo, kutani a suka a ya exivandleni lexi Xikwembu xi n'wi kombiseke xona.

Genesa 22:9

Va fika exivandleni lexi Xikwembu xi n'wi byeleke xona. Abrahama a aka gandzelo, a lunghisa tihunyi, a boha Isaka, n'wana wa yena, a n'wi tlhandleka egandzelweni, ehenhla ka tihunyi.

Genesa 21:3

Kutani Abrahama a thya n'wana loyi a nga tswaleriwa yena, loyi Sara a n'wi velekeleke, vito ra Isaka.