Genesa 22:12 - Xitsonga (Bibele)

¹² Kutani yi ku: “U nga yisi voko ra wena eka n'wana, u nga n'wi endli nchumu; hikuva sweswi, ndza swi tiva leswaku u chava Xikwembu, ni leswaku a u ndzi alelanga n'wanaku, loyi a nga swakwe.”

BIBELE Mahungu Lamanene

¹² Yi ku ka yena: “N'wana yoloye u nga tshuki u n'wi endla nchumu, ni ku n'wi khumba u nga n'wi khumbi. Sweswi ndza swi tiva leswaku wa xi chava Xikwembu, hikuva a wu alanga ku xi nyika n'wana wa wena loyi a ngo va un'we.”

Genesa 22:12 Referans Kwoze

Yakobo 2:18

Kambe un'wana a nga ku: “U ni ku pfumela, kasi mina ndzi ni mitirho”; ndzi kombe ku pfumela ka wena loku nga riki na mitirho, kutani mina ndzi ta ku komba ku pfumela ka mina hi mitirho ya mina.

1 SAMIELE 15:22

Samiele a ku: “Xana Yehovha u tsakisiwa hi tiholokosta ni magandzelo ku fana ni loko va yingisa rito ra Yehovha xana? Waswivo! Ku yingisa ku tlula magandzelo; ku hlayisa rito ra yena, ku tlula mafurha ya tinyimpfu.

Varhoma 8:32

Xona lexi nga tsetselelangiki N'wana wa xona wa xiviri, kambe xi n'wi tshikele hina hinkwerhu, xana xi nga ka xi nga hi nyiki ha yini swilo hinkwaswo na yena xana?

1 Vakorinto 10:13

A mi si humelela hi ndzingo lowu nga ringaniki munhu. Kambe Xikwembu xa tshembeka, xi nga ka xi nga pfumeri leswaku mi humeleriwa hi ndzingo lowu mi hlulaka; kambe ndzingo, loko wu ri kona, xi ta mi nyika ni ndlela ya ku huma eka wona, mi ta kota ku wu rhwala.

Matewu 19:29

Kutani un'wana ni un'wana la tshikeke vamakwavo, va xinuna kumbe va xisati, hambi a ri tata wa yena, kumbe mana wa yena, kumbe vana, ni loko ma ri masimu, kumbe tindlu, hikwalaho ka vito ra mina, u ta nyikiwa ka dzana, a dya ndzhaka ya vutomi lebyi nga heriki.

Eklesiasta 12:13

A hi yingiseni makumu ya timhaka hinkwato: Chava Xikwembu, u hlayisa milawu ya xona, hikuva hi yona mfanelo hinkwayo ya munhu;

Genesa 26:5

hikuva Abrahama u yingisile rito ra mina, u hlayisile leswi ndzi n'wi vekeleke swona, ni milawu ya mina, ni ku lerisa ka mina, ni tindlela ta mina.”

Genesa 22:2

Kutani xi ku: “Teka n'wanaku, loyi a nga swakwe eka wena, loyi u n'wi rhandzaka, a nga Isaka, u ya etikweni ra Moriya, u n'wi tlhavela kona egandzelweni, entshaveni yin'wana leyi ndzi nga ta ku kombisa yona.”

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga tswariwa a ri swakwe, leswaku un'wana ni un'wana la pfumelaka eka yena, a nga tshuki a lova, kambe a va ni vutomi lebyi nga heriki.

Pisalema 147:11

Yehovha u tsakela lava n'wi chavaka, Lava tshembaka tintswalo ta yena.

Pisalema 25:12

Xana munhu hi wihi la chavaka Yehovha? U ta n'wi komba ndlela leyi a fanelaka ku yi hlawula.

Varhoma 5:8

Kambe Xikwembu xi kombisile ngopfu rirhandzu ra xona eka hina, hileswaku loko ha ha ri vadyohi, Kriste u hi ferile.

2 Vakorinto 8:12

Hikuva ku rhandza ka mbilu loko ku ri kona, munhu u ta tsakisa Xikwembu hi leswi a nga na swona, ku nga ri hi leswi a swi pfumalaka.

Timhaka 9:31

Kambe tikereke a ti tshamile hi ku rhula hinkwako etikweni ra Yudiya, ni ra Galeliya, ni ra Samariya, ti akisiwa, ti famba exichabyeni xa Hosi; kutani ti andza hi ku chavelela ka Moya lowo Kwetsima.

Swivuriso 1:7

Ku chava Yehovha, i masungulo ya vutivi hinkwabyo; Kambe lavo rivala va tsan'wa vutlhari ni dyondzo.

Pisalema 25:14

Makungu ya Yehovha i ya lava n'wi chavaka, Ku va dyondzisa ntwanano wa yena.

Eksoda 20:20

Kutani Muxe a ku eka tiko: “Mi nga chaveni hikuva Xikwembu xi tile ku ta mi ringa leswaku nchavo wa xona wu va emahlweni ka n'wina leswaku mi nga dyohi.”

Matewu 16:24

Yesu a engeta a ku eka vadyondzisiwa va yena: “Kungakuloko munhu a rhandza ku ndzi landza, a a titshike, a tirhwalela xihambano xa yena, a ndzi landza hi le ndzhaku.

Yeremiya 19:5

kutani va akele Baali swivandla leswi tlakukeke ku hisa kona vana va vona endzilweni yi va holokosta ya Baali, swi nga leswi ndzi nga va lerisangiki, ndzi nga va byelangiki swona, leswi swi nga ka swi nga humi embilwini ya mina.

Ntirho 28:28

Kutani xi ku eka munhu: ‘Vona, xichavo xa Hosi, hi byona vutlhari; Ku papalata swo biha, hi kona ku twisisa.’ ”

Nehemiya 5:15

kasi vafumi vo rhanga lava ngi va ri kona emahlweni ka mina, a va tikela tiko, va teka vuswa ni vhinyo eka vona, ehandle ka tixikele ta mune wa makume ta silivhere, ni malandza ya vona a ma fuma hi matimba ehenhla ka tiko.

Genesa 20:11

Kutani Abrahama a ku: “A ndzi ku kumbe, ku chava Xikwembu ku hava etikweni leri, kutani va ta ndzi dlaya hikwalaho ka nsati wa mina.

Vaheveru 12:28

Hikwalaho, leswi hi nga amukela ku fuma loku nga tsekatsekiki, a hi hlayiseni tintswalo leswaku hi tirhela Xikwembu ha tona hi mukhuva lowu xi tsakisaka, hi mafundza ni xichavo.

Matewu 5:16

Ku vonakala ka n'wina a ku voningise vanhu sweswo, va ta vona mitirho ya n'wina leyo saseka, va dzunisa Tata wa n'wina la nga etilweni.

Malakiya 4:2

“Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

Yeremiya 32:40

Ndzi ta endla ntwanano lowu nga heriki na vona, leswaku ndzi nga ka ndzi nga va fularheli, ndzi ta va endla swinene, ndzi veka xichavo xa mina etimbilwini ta vona, va nga ha ndzi fularheli.

Pisalema 111:10

Ku chava Yehovha i ku sungula ka vutlhari; Hinkwavo lava ku hlayisaka va ni ku twisisa lokunene. Ku dzuna ka yena ku tshama hi laha ku nga heriki.

Pisalema 2:11

Tirhelani Yehovha hi xichavo, Kutani mi tsaka hi ku rhurhumela.

Pisalema 1:6

Hikuva Yehovha u tiva ndlela ya lavo lulama, Kambe ndlela ya lavo homboloka yi helela eku onhakeni.

Ntirho 5:19

Emakhombyeni ya ntlhanu na rin'we u ta ku kutsula, Ni ka laya ntlhanu na mambirhi, a ku na swo biha leswi nga ku khumbaka.

Vaheveru 11:19

a va a ringanisa leswaku Xikwembu xi ni matimba ya ku pfuxa, hambi ku ri eku feni; kwalaho kunene a tlhela a n'wi kuma hi lexi ringanaka ni ku pfuka eku feni.

Genesa 42:18

Hi siku ra vunharhu, Yosefa a ku eka vona: “Endlisani sweswo, mi ta hanya; ndzi munhu la chavaka Xikwembu.

Nhlavutelo 19:5

Kutani rito ri huma exiluvelweni, ri ku: “Khensani Xikwembu xa hina, n'wina hinkwenu malandza ya xona, na n'wina lava xi chavaka, lavakulu ni lavatsongo!”

Genesa 22:13

Abrahama a tlakusa mahlo, a languta, a vona khuna ri ri ndzhaku ka yena, ri phasiwile exihlahlaneni hi timhondzo; Abrahama a ya teka khuna, a ri tlhavela magandzelo ematshan'weni ya n'wanakwe.

Genesa 22:16

yi ku: “Ndzi hlambanyile ha mina, ku vula Yehovha, ndzi ri: ‘Leswi u endliseke sweswo, u nga ndzi alelanga n'wana wa wena, loyi a nga swakwe,

Ntirho 1:1

Munhu a a ri kona etikweni ra Usi, vito ra yena a a ri Yobo. A a ri munhu la fambaka hi ku tenga ni ku lulama; a chava Xikwembu, a tinga swo biha.