Genesa 22:1 - Xitsonga (Bibele)

¹ Endzhaku ka timhaka teto, Xikwembu xi ringa Abrahama, xi ku eka yena: “Abrahama!” A hlamula a ku: “Hi mina loyi!”

BIBELE Mahungu Lamanene

¹ Endzhaku ka timhaka leti, Xikwembu xi kambela Abrahama xi ku: “Abrahama!” Yena a hlamula a ku: “Hi mina loyi.”

Genesa 22:1 Referans Kwoze

Vaheveru 11:17

Hi ku pfumela, Abrahama, siku a ringiwaka a humesa Isaka egandzelweni, kutani loyi a nga nyikiwa ku tshembisiwa, a nyiketa la nga tswariwa eka yena a ri swakwe,

Duteronoma 8:2

“Tsundzuka ndlela hinkwayo leyi Yehovha, Xikwembu xa wena, a ku fambiseke ha yona emananga, hi malembe ya 40 ku ku tsongahata ni ku ku ringa, u ta tiva leswi nga embilwini ya wena: leswaku kumbe xana u ta hlayisa milawu ya yena, kumbe u nga yi hlayisi.

1 Petro 1:7

leswaku ku ringiwa ka ku pfumela ka n'wina loku hundzisaka nsuku lowu lovaka, (kasi na wona wu ringetiwa hi ndzilo) ku ta mi hundzukela ku dzunisiwa, ni xichavo, ni ku kwetsima, siku ku nga ta humelela Yesu Kriste;

Yakobo 2:21

Xana Abrahama, tata wa hina, a nga hlayiwanga la lulameke hi mitirho, siku a nyiketeke n'wana wa yena, Isaka, egandzelweni xana?

1 Vakorinto 10:13

A mi si humelela hi ndzingo lowu nga ringaniki munhu. Kambe Xikwembu xa tshembeka, xi nga ka xi nga pfumeri leswaku mi humeleriwa hi ndzingo lowu mi hlulaka; kambe ndzingo, loko wu ri kona, xi ta mi nyika ni ndlela ya ku huma eka wona, mi ta kota ku wu rhwala.

Swivuriso 17:3

Xirhengele i xa ntsopfu ni swa nsuku, Kambe la ringetaka timbilu, i Yehovha.

Duteronoma 8:16

lexi ku dyiseke emananga, manna leyi nga tiviwiki hi vatata wa wena, ku ku tsongahata, ni ku ku ringa, kambe xi ta ku katekisa kandzhaku.

Eksoda 3:4

Yehovha a vona leswaku u hambukele ku ta languta, Xikwembu xi n'wi vitana xi ri exikarhi ka xihlahla, xi ku: “Muxe, Muxe!” Yena a ku: “Hi mina loyi.”

Genesa 22:11

Kavaloko ntsumi ya Yehovha yi n'wi vitana yi ri etilweni, yi ku: “Abrahama, Abrahama!” Yena a ku: “Hi mina loyi!”

Genesa 22:7

Kavaloko Isaka a vutisa Abrahama, tata wa yena, a ku: “Tatana!” Yena a ku: “Hi mina loyi, n'wananga.” Isaka a ku: “Ndzilo hi lowu ni tihunyi hi leti, kambe nyimpfu yi kwihi leyo tlhavela?”

Esaya 6:8

Kutani ndzi twa rito ra Hosi, ri ku: “Ndzi ta rhuma mani, i mani la nga ta famba ematshan'weni ya hina?” kutani ndzi ku: “Hi mina loyi, ndzi rhume.”

2 TIKRONIKA 32:31

Kakuloko tihosi ta Babilona ti rhuma tintsumi eka yena ku vutisa mahlori lama humeleleke etikweni ra Israele, Xikwembu xi n'wi tshika ku n'wi ringa xi ta tiva hinkwaswo leswi ngi swi ri embilwini ya yena.

Eksoda 16:4

Kutani Yehovha a ku eka Muxe: “Waswivo, ndzi ta mi nisela vuswa lebyi humaka etilweni, tiko ri ta huma ri tihlengeletela leswi ringanaka siku rin'wana ni rin'wana, leswaku ndzi va ringa loko va ta famba hi nawu wa mina, kumbe loko swi nga ri tano.

Duteronoma 13:3

u nga tshuki u yingisa marito ya muprofeta loyi, ni ya mulorhi loyi, hikuva Yehovha, Xikwembu xa n'wina, a mi ringa ku tiva xana mi rhandza Yehovha, Xikwembu xa n'wina, hi timbilu hinkwato ta n'wina, ni mimoya hinkwayo ya n'wina.

Vaavanyisi 2:22

Ndzi ta ringa Vaisraele ha wona, ndzi ta vona loko kumbe va ta hlayisa ndlela ya Yehovha ku famba ha yona, kukotisa leswi vatata wa vona va nga yi hlayisa, kumbe a swi nga vi tano.”

2 SAMIELE 24:1

Vukari bya Yehovha byi pfurhela kambe Vaisraele, kutani a va pfuka hi Davhida loko a ku: “Yana, u hlaya Vaisraele ni va Yuda.”

Pisalema 11:5

Yehovha u kamba la lulameke; Moya wa yena wu venga lowo homboloka ni la rhandzaka ku pfukela matimba.

Genesa 15:1

Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

Genesa 21:11

Kambe rito leri ri vavisa Abrahama, hikwalaho ka n'wana wa yena.

Genesa 37:13

Kavaloko Israele a ku eka Yosefa: “A ndzi ku vamakwenu va ye ku riseni eXikeme? Tana-ke, ndzi ku rhuma eka vona.”

Genesa 46:2

Kutani Xikwembu xi vulavula na Israele hi swivonakariso swa vusiku, xi ku: “Yakobo, Yakobo!” A hlamula a ku: “Hi mina loyi.”

1 SAMIELE 3:4

Yehovha a vitana Samiele. Yena a ku: “Hi mina loyi.”