Genesa 21:8 - Xitsonga (Bibele)

⁸ Kambe n'wana a kula, a va a lumuriwa; Abrahama a endla nkhuvo lowukulu siku Isaka a lumuriwaka ha rona.

BIBELE Mahungu Lamanene

⁸ Loko Isaka a kurile, a lumuriwa. Hi siku ra ku lumuriwa ka yena, Abrahama a endla nkhuvo lowukulu.

Genesa 21:8 Referans Kwoze

1 SAMIELE 1:22

Kambe Hana a nga tlhandlukanga, hikuva a ku eka nuna wa yena: “Loko wandzisanyana a lumukile, ndzi ta n'wi yisa, u ta kombisiwa emahlweni ka Yehovha, kutani u ta tshama kona masiku hinkwawo.”

Hosiya 1:8

Kutani Gomere a lumula Lo-Ruhama, a tika, a veleka wandzisanyana; Yehovha a ku eka Hosiya: “U n'wi thya vito ra Lo-Ami, (la nga riki tiko ranga),

Pisalema 131:2

Ina, ndzi rhulisile, ndzi miyetile moya wa mina, Kukota n'wana la lumuriweke ka mana wa yena;

1 TIHOSI 3:15

Solomoni a sisimuka evurhongweni, kutani maswivo, a ku ri ku lorha. Kuteloko a fikile eYerusalema, a yima emahlweni ka areka ya ntwanano wa Yehovha, a humesa tiholokosta ni magandzelo ya ku khensa. Kutani a endlela malandza hinkwawo ya yena nkhuvo.

2 SAMIELE 3:20

Kavaloko Abinere a ta eka Davhida eHebroni, a ri ni vanhu va makume mambirhi kutani Davhida a endlela Abinere ni vanhu lava ingi a ri na vona xifihlulo.

Genesa 40:20

Kutani hi siku ra vunharhu, siku ra ku tswariwa ka Faro, a endlela malandza ya yena hinkwawo nkhuvo; a tlakusa nhloko ya ndhuna ya vacheleri, ni nhloko ya ndhuna ya vaphameri exikarhi ka malandza ya yena;

Genesa 29:22

Kutani Labani a rhamba vanhu hinkwavo va muti, a va endlela nkhuvo.

Genesa 26:30

Isaka a va fihluta, va dya, va nwa.

Genesa 19:3

Kutani Lota a phikelela ngopfu, va ko va hambukela eka yena, va nghena endlwini ya yena; kutani a va lunghisela xilalelo, a sweka xinkwa lexo kala comela, va dya.

Estere 1:3

elembeni ra vunharhu ra ku fuma ka yena, a endla nkhuvo, a wu endlela tihosana hinkwato ta yena, ni malandza hinkwawo ya yena; ni nyimpi ya Peresi ni ya Mediya, ni tihosana, ni vakulukumba va matiko ya yena, lava hlengeletaneke emahlweni ka yena.

1 SAMIELE 25:36

Abigayele a fika eka Nabala, kutani waswivo, a a endla endlwini ya yena xifihlulo kukota xifihlulo xa hosi; kutani mbilu ya Nabala yi tsakile; a pyopyiwile ngopfu; kambe a nga n'wi byelanga nchumu, hambi lexitsongo, hambi lexikulu ri ko ri xa.

Vaavanyisi 14:12

Kutani Samsoni a ku eka vona: “Ndza ha mi byela mawetana, loko mi ndzi hlamusela wona swinene hi masiku ya ntlhanu na mambirhi ya nkhuvo, mi vula, ndzi ta mi nyika tinguvu ta 30 ta ntsembyana, ni swiambalo swin'wana swa 30.

Vaavanyisi 14:10

Kutani tata wa yena a ngirimela eka wansati; Samsoni a endla nkhuvo kona, hilaha wu nga mukhuva wa majaha.

Genesa 21:7

A engeta a ku: “I mani loyi i ngi a ta byela Abrahama, a ku: ‘Sara u ta an'wisa vana!’ Kasi ndzi n'wi nyikile n'wana eku dyuhaleni ya yena.”

Genesa 21:9

Kutani Sara a vona n'wana Hagara, wa Muegipta, loyi a nga n'wi velekela Abrahama, a ri karhi a hleka.

1 SAMIELE 1:24

Kuteloko a n'wi lumurile, a n'wi tlhandlukisa na yena, a a ri ni tinkunzi tinharhu, ni efa ya mapa, ni nkwama wa vhinyo; kutani a n'wi heleketa endlwini ya Yehovha, eXilo, kambe wandzisanyana a a ri lontsongo ngopfu.