Genesa 21:25 - Xitsonga (Bibele)

²⁵ Kambe Abrahama a sola Abimeleke hikwalaho ka xihlovo xa mati lexi malandza ya Abimeleke i ngi ma xi tekile hi matimba.

BIBELE Mahungu Lamanene

²⁵ Hiloko Abrahama a vilela eka Abimeleke hi mhaka ya xihlovo lexi malandza ya Abimeleke ma n'wi tekeleke xona.

Genesa 21:25 Referans Kwoze

Matewu 18:15

“Loko makwenu a dyohile, yana u n'wi laya mi le swenu; loko a ku yingisa, u ta va u kumile makwenu.

Swivuriso 27:5

Ku tshinya ka le rivaleni, Ku tlula rirhandzu leri fihliweke.

Swivuriso 25:9

Hambi u tenga ni warikwenu, U nga boxi makungu ya un'wana,

Swivuriso 17:10

Munhu wa ku anakanya u twa ku tshinyiwa Ku tlula xihunguki loko xi biwa ka dzana.

Vaavanyisi 1:15

Kavaloko Akisa a xika embhongolweni, kutani Kalebe a ku eka yena: “U na yini?” Yena a ku: “Ndzi nyike xilo xin'wana, hikuva u ndzi nyikile tiko leri nga etlhelo ra le dzongeni, u ndzi ha ni swihlovo.” Hikwalaho Kalebe a n'wi nyika swihlovo swa le henhla ni swihlovo swa le hansi.

Genesa 29:8

Kutani va ku: “A hi swi koti loko mitlhambi hinkwayo yi nga si hlengeletiwa; kavaloko ribye ri susiwa enon'wini wa xihlovo, hi tiva ku nwisa swifuwana.”

Genesa 13:7

Kutani ku humelela mholovo exikarhi ka varisi va mitlhambi ya Abrama ni varisi va mitlhambi ya Lota (kasi Vakanana ni Vaperesi a va ri vaaki va tiko enkarhini wolowo).

Genesa 21:24

Abrahama a ku: “Ndzi ta hlambanya.”

Genesa 21:26

Kutani Abimeleke a ku: “A ndzi n'wi tivi loyi a nga endla leswo, kambe wena, a ku ndzi tivisanga swona, na mina, a ndzi nga si swi twa, loko ku nga ri namuntlha.”