Genesa 21:23 - Xitsonga (Bibele)

²³ Sweswi, ndzi hlambanyele kwala, hi Xikwembu, leswaku u nga ka u nga ndzi xisi, hambi va ri vana va mina ni vatukulu va mina. Kukotisa loko ndzi ku endlele hi tintswalo, na wena, endlisa sweswo na mina, ni tiko leri u endzelaka eka rona.”

BIBELE Mahungu Lamanene

²³ hikokwalaho, ndzi kombela leswaku u ndzi tshembisa hi ku hlambanya emahlweni ka Xikwembu leswaku u nga ka u nga ndzi kanganyisi, mina ni vana va mina kumbe vatukulu va mina; ndzi tshembise leswaku leswi ndzi kombeke ku tshembeka ka mina eka wena, na wena u ta endla tano eka mina ni tiko ra mina leri u luveleke eka rona.”

Genesa 21:23 Referans Kwoze

Yoxuwa 2:12

Sweswi, ndza mi khongela, ndzi hlambanyeleni ha Yehovha leswaku, kukotisa leswi ndzi mi tsetseleleke, na n'wina mi ta tsetselela yindlu ya tatana, kambe ndzi nyikeni xitshembiso lexi tiyeke,

Genesa 20:14

Kavaloko Abimeleke a teka swifuwo leswitsongo ni leswikulu, ni makhumbi ya xinuna ni ya xisati, a nyika Abrahama, a n'wi tlherisela na Sara nsati wa yena.

Vaheveru 6:16

Hikuva loko va ri vanhu, va hlambanya hi loyi a va tlulaka hi vukulukumba, kutani ku kanetana hinkwako ka vona ku hela eku hlambanyeni loku tiyisaka timhaka.

2 Vakorinto 1:23

Kutani ndzi vitana Xikwembu, yi va mbhoni ya moya wa mina, leswaku a ku ri ku mi tsetselela, loko ndzi nga si ta eKorinto.

Yeremiya 4:2

Loko u hlambanya hi swinene, ni ku tiyisa, ni ku lulama u ku: ‘Yehovha wa hanya,’ matiko ma ta kateka ha yena, ma tidzunisa ha yena.”

1 SAMIELE 30:15

Davhida a ku eka yena: “U nga ndzi fambisa eka nyimpi leyi xana?” Kutani a ku: “Ndzi hlambanyele hi Xikwembu leswaku u nga ka u nga ndzi dlayi, hambi ku ndzi nyiketa emavokweni ya n'wini wa mina, kutani ndzi ta ku fambisa eka nyimpi leyi.”

1 SAMIELE 20:42

Kutani Yonatani a ku eka Davhida: “Famba hi ku tsaka leswi hi nga hlambanyelana hi vito ra Yehovha, hi te: ‘Yehovha a a ve exikarhi ka mina na wena, ni le xikarhi ka vana va mina ni vana va wena hi masiku!’ ”

1 SAMIELE 20:17

Yonatani a hlambanyisa kambe Davhida hi rirhandzu leri a n'wi rhandzeke ha rona; hikuva a a n'wi rhandza kukota moya wa yena.

1 SAMIELE 20:13

Yehovha a endle hi matimba eka Yonatani, ni ku n'wi engetelela! Kambe loko tatana a rhandza ku ku endla leswo biha, ndzi ta ku tivisa, ndzi ku balekisa, u tifambela hi ku tsaka; ntsena Yehovha a ve na wena, kukotisa loko ingi a ri na tatana!

Duteronoma 6:13

“U ta chava Yehovha, Xikwembu xa wena, u xi tirhela, ni ku hlambanya hi vito ra xona.

Genesa 31:53

Xikwembu xa Abrahama, ni Xikwembu xa Nahoro, Xikwembu xa tata wa vona, a xi avanyise exikarhi ka hina.” Kutani Yakobo a hlambanya ha Loyi a nga chaviwa hi Isaka.

Genesa 31:44

Sweswi-ke, tana hi endla xinakulobye, wena na mina, yi va mbhoni exikarhi ka mina na wena.”

Genesa 26:28

Va hlamula, va ku: “Hi swi vonisise swinene leswaku Yehovha u na wena, kutani hi ku: ‘A ku ve ku hlambanya exikarhi ka hina, na wena’, hi va hi tiyisa xinakulobye na wena.

Genesa 24:3

ndzi ku hlambanyisa ha Yehovha Xikwembu xa tilo, ni Xikwembu xa misava, leswaku u nga ka u nga tekeli n'wana wa mina nsati exikarhi ka vanhwana va Vakanana, volavo ndzi akeke exikarhi ka vona;

Genesa 21:24

Abrahama a ku: “Ndzi ta hlambanya.”

Genesa 47:31

Yakobo a ku: “Ndzi hlambanyele”; kutani a n'wi hlambanyela. Kutani Israele a korhamela exiseketelweni xa byetlelo bya yena.

Genesa 39:3

Kutani n'wini wa yena a vona leswaku Yehovha a a ri na yena, ni leswaku hinkwaswo leswi a swi endlaka, Yehovha a a n'wi katekisela swona evokweni ra yena.