Genesa 21:22 - Xitsonga (Bibele)

²² Enkarhini wolowo, Abimeleke na Pikolo, ndhuna ya nyimpi ya yena, a vulavula na Abrahama a ku: “Xikwembu xi na wena eswilweni hinkwaswo leswi u swi endlaka.

BIBELE Mahungu Lamanene

²² Enkarhini wolowo, Abimeleke a ya eka Abrahama a ri na Pikolo mufambisi wa mavuthu ya yena, a fika a ku ka Abrahama: “Xikwembu xi na wena eka hinkwaswo leswi u swi endlaka;

Genesa 21:22 Referans Kwoze

Genesa 26:26

Kavaloko Abimeleke a huma eGerara, a ta eka yena a ri na Ahuzata, nakulobye, na Pikolo, ndhuna ya nyimpi ya yena.

Yoxuwa 3:7

Yehovha a ku eka Yoxuwa: “Namuntlha ndzi ta sungula ku ku kurisa emahlweni ka Vaisraele hinkwavo, va ta tiva leswaku ndzi ta va na wena kukotisa leswi ingi ndzi ri na Muxe.

Genesa 26:28

Va hlamula, va ku: “Hi swi vonisise swinene leswaku Yehovha u na wena, kutani hi ku: ‘A ku ve ku hlambanya exikarhi ka hina, na wena’, hi va hi tiyisa xinakulobye na wena.

Genesa 20:2

Abrahama a a vula Sara, nsati wa yena, makwerhu. Kavaloko Abimeleke, hosi ya Gerara, a rhuma ku ya vutla Sara.

Vaheveru 13:5

Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”

1 Vakorinto 14:25

hi mukhuva wolowo, makungu ya mbilu ya yena ma vonakisa, kutani u ta tiwisela ehansi hi mombo, a khongela Xikwembu, kutani u ta vula leswaku Xikwembu xi le xikarhi ka n'wina hi xiviri.

Varhoma 8:31

Xana hi ta ku yini etimhakeni teto xana? Loko Xikwembu xi hi yimela, i mani la nga lwaka na hina xana?

Esaya 8:10

Kanelani makungu, ma ta hundzuka swahava! Lerisani milawu, kambe yi nga ka yi nga humeleri, hikuva Xikwembu xi na hina!

Nhlavutelo 3:9

Vona, ndzi ta ku tisela van'wana va sinagoga ya Satana, lava tivulaka Vayuda, kasi a hi vona, kambe va hemba; ndzi ta va tisa leswaku va khinsama emilengeni ya wena, va ta tiva leswaku ndzi ku rhandzile.

Matewu 1:23

“Maswivo, wanhwana u ta tika nyimba, u ta veleka n'wana wa wandzisanyana vito ra yena, u ta churiwa Emanuwele”; loko va hlamusela hileswaku: “Xikwembu xi na hina.”

Zakariya 8:23

“Yehovha wa tinyimpi u ri: Emasikwini lawa vavanuna va khume va tindzimi hinkwato ta matiko, va ta tikhomelela hi ndzungo wa nguvu ya Muyuda, va ku: ‘Hi ta ya na n'wina, hikuva hi twile leswaku Yehovha u na n'wina.’ ”

Esaya 45:14

Ku vula sweswo Yehovha: “Bindzu ra Egipta, ni xuma xa Etiyopiya ni xa va Xeba lavo leha, swi ta ta eka wena, swi va swa wena, swi ku landza. Va ta ta va bohiwile va ta korhama emahlweni ka wena, va ta ku khongela: ‘Ku hava Xikwembu ehandle ka wena; xin'wana ku hava ni lexitsanana.’ ”

2 TIKRONIKA 1:1

Solomoni n'wana Davhida a titiyisa eku fumeni ka yena, kutani Yehovha, Xikwembu xa yena, a va na yena, a n'wi kurisa ngopfu.

Genesa 30:27

Labani a ku eka yena: “I ngi ndzi nga kuma tintswalo emahlweni ka wena! Ndzi tsundzukile leswaku Yehovha u ndzi katekisile hikwalaho ka wena.”

Genesa 20:17

Kutani Abrahama a khongela Xikwembu, Xikwembu xi hanyisa Abimeleke, ni nsati wa yena, ni makhumbi ya yena, va ta tlhela va tiva ku veleka vana.

Genesa 28:15

Kutani waswivo, ndzi na wena, ndzi ta ku hlayisa hinkwako laha u yaka kona, ndzi va ndzi ku tlherisela etikweni leri; hikuva ndzi nga ka ndzi nga ku tshiki ndzi nga si endlisisa leswi ndzi ku byeleke swona.”

Genesa 20:14

Kavaloko Abimeleke a teka swifuwo leswitsongo ni leswikulu, ni makhumbi ya xinuna ni ya xisati, a nyika Abrahama, a n'wi tlherisela na Sara nsati wa yena.

Genesa 31:5

“Ndza swi vona leswaku mombo wa tata wa n'wina a wa ha kotisi swa tolo na tolweni, kambe Xikwembu xa tatana a xi ri na mina.

1 SAMIELE 3:19

Samiele a a kula, kutani Yehovha a a ri na yena; kambe a nga tshikanga rito rin'we ra marito hinkwawo ya yena ri wa ehansi.

2 SAMIELE 24:7

Kutani va fika emutini wa makhokholo wa Tiri, ni le mitini hinkwayo ya Vahivhi ni ya Vakanana, va ya huma edzongeni ka Yuda, eBerexeba.

1 SAMIELE 24:22

Kambe sweswi, ndzi hlambanyele hi Yehovha leswaku u nga ka u nga herisi vana va mina endzhaku ka mina ni ku hlangula vito ra mina endlwini ya tatana.”