Genesa 20:7 - Xitsonga (Bibele)

⁷ Kutani sweswi, tlherisa nsati wa nuna loyi, hikuva i muprofeta, u ta ku khongelela, u va u hanya. Kambe loko u nga n'wi tlherisi, tiva leswaku u ta fa kunene, wena ni hinkwaswo leswi nga swa wena.”

BIBELE Mahungu Lamanene

⁷ Kutani sweswi, tlherisela wansati loyi eka nuna wa yena, hikuva wanuna loyi i muprofeta, ú ta ku khongelela u hanya, kambe loko u nga tlherisi wansati loyi, swi tive leswaku u ta fa hakunene, wena ni va ka n'wina hinkwavo.”

Genesa 20:7 Referans Kwoze

Ntirho 42:8

Hikwalaho, humesani tinkunzi ta ntlhanu na timbirhi, ni makhuna ya ntlhanu na mambirhi, mi ya eka nandza wa mina Yobo, mi ya titlhavela magandzelo, kutani Yobo, nandza wa mina, u ta mi khongelela; hikwalaho ka yena swakwe, ndzi nga ka ndzi nga mi bi hi ku hunguka ka n'wina, hikuva a mi vulavulanga swa mina hi ku lulama, kukotisa nandza wa mina, Yobo.”

1 SAMIELE 7:5

Samiele a ku: “Hlengeletani Vaisraele hinkwavo eMispa, kutani ndzi ta mi khongelela eka Yehovha.”

Vaheveru 13:4

Ku tekana a ku ve loku tengeke ematlhelweni hinkwawo, ni masangu a ma pfumale vuoswi; hikuva Xikwembu xi ta avanyisa timbhisa ni vaoswi.

2 SAMIELE 24:17

Davhida kuteloko a vonile ntsumi ya Yehovha yi dlaya vanhu exikarhi ka tiko, a vulavula na Yehovha, a ku: “Waswivo, hi mina ndzi dyoheke, hi mina loyi a endleke leswo biha; kambe tinyimpfu leti ti onhile yini xana? Voko ra wena a ri ve ehenhla ka mina ni le henhla ka yindlu ya tatana!”

1 TIKRONIKA 16:22

‘Mi nga khumbi vahlawuriwa va mina, Mi nga vavisi vaprofeta va mina!’

2 TIHOSI 5:11

Kavaloko Naamani a kariha, a suka a famba, a ku: “Waswivo, a ndzi ku, u ta humela eka mina, u ta yima a khongela Yehovha, Xikwembu xa yena a ndzi khumba hi xandla, a hanyisa nhlokonho ya mina.

1 Yohane 5:16

Kungakuloko munhu a vona makwavo a dyoha hi ku dyoha loku nga yisiki eku feni, a a n'wi khongelele, kutani Xikwembu xi ta n'wi nyika vutomi, loko va nga ri lava dyohaka hi ku dyoha loku yisaka eku feni. Xidyoho xi kona lexi yisaka eku feni, a ndzi vuri leswaku ku khongeleriwa xona.

Vaheveru 1:1

Xikwembu xi vulavurile khale na vatatana hi mikarhi leyo tala ni mikhuva leyo tala xi vulavula hi vaprofeta;

1 Vakorinto 14:4

La vulavulaka tindzimi u tiakisa a ri swakwe; kambe la profetaka u akisa Kereke.

Ezekiele 33:8

Loko ndzi vula eka mubihi, ndzi ku: Mubihi, u ta fa hi rifu; kambe wena u nga vulavuli ku tsundzuxa mubihi a tshika ndlela ya yena; lowo biha u ta fa hi ku biha ka yena; kambe ngati ya yena ndzi ta yi lava evokweni ra wena.

Ezekiele 3:18

Loko ndzi ta ku eka lowo biha: ‘U ta fa kunene!’ Loko u nga n'wi tsundzuxi, u nga vulavuli na yena ku n'wi hundzukisa endleleni ya yena leyo biha, leswaku u ponisa vutomi bya yena, munhu lowo biha loyi u ta fa eku hombolokeni ka yena, kambe ngati ya yena ndzi ta yi lava evokweni ra wena.

Yeremiya 27:18

Kungakuloko va ri vaprofeta, ni loko rito ra Yehovha ri ri kona eka vona, a va khongele Yehovha wa mavandla, leswaku swibya leswa ha saleke endlwini ya Yehovha, ni le ndlwini ya hosi ya Yuda ni le Yerusalema, swi nga tekeriwi Babilona.

Yeremiya 15:1

Kambe Yehovha a ku eka mina: “Hambiloko Muxe na Samiele va nga yima emahlweni ka mina, mbilu ya mina a yi nga tlheri eka tiko leri. U ri hlongola emahlweni ka mina, ri suka.

Yeremiya 14:11

Kambe Yehovha a ku eka mina: “U nga tshuki u khongelela tiko leri ni ku ri lavela vunene.

Pisalema 25:14

Makungu ya Yehovha i ya lava n'wi chavaka, Ku va dyondzisa ntwanano wa yena.

Ntirho 34:19

Xikwembu a xi yi hi nghohe ya tihosi, A xi languti vafuwi ku tlula swisiwana; Hikuva hinkwavo i mitirho ya mavoko ya xona.

1 TIHOSI 13:6

Kutani hosi yi vulavula yi ku eka munhu wa Xikwembu: “Wa nga khongela Yehovha, Xikwembu xa wena, u ndzi khongelela leswaku voko ra mina ri tlhela eka mina!” Munhu wa Xikwembu a khongela Yehovha, kutani voko ra hosi ri tlhela eka yena, ri va kukotisa khale.

1 SAMIELE 12:23

Loko ndzi ri mina a swi ve kule na mina ku dyohela Yehovha, ni ku tshika ku mi khongelela, kambe ndzi ta mi kombisa ndlela leyinene ni ya ku lulama.

1 SAMIELE 12:19

Kavaloko tiko hinkwaro ri ku eka Samiele: “Khongelela malandza ya wena eka Yehovha, Xikwembu xa wena, leswaku hi nga tshuki hi fa: hikuva hi engeterile swidyoho hinkwaswo swa hina hi nandzu wa ku tikombelela hosi.”

1 SAMIELE 7:8

Kavaloko vana va Israele va byela Samiele, va ku: “U nga tshiki ku hi khongelela ka Yehovha, Xikwembu xa hina, leswaku a hi ponisa emavokweni ya Vafilista.”

Levhitika 6:7

Muprista u ta n'wi phahlela mhamba emahlweni ka Yehovha, kutani u ta rivaleriwa, hambi nandzu wa yena wu nga va wihi ni wihi.”

Levhitika 6:4

kutakuloko a dyohile sweswo, kutani a tivula, u ta tlherisa xilo lexi a xi yiveke, hambi xi ri xilo lexi nga vekiwa eka yena, hambi xi ri xilo lexi lahlekeke, lexi a nga xi kuma,

Eksoda 18:17

Mukon'wana wa Muxe a ku eka yena: “Leswi u swi endlaka, a hi swona.

Eksoda 7:1

Yehovha a ku eka Muxe: “Vona, ndzi ku vekile Xikwembu eka Faro, kutani Aroni, makwenu, u ta va muprofeta wa wena.

Eksoda 4:16

U ta va muvulavuleri wa wena eka tiko, ni nomu wa wena, wena u va ematshan'weni ya Xikwembu eka yena.

Genesa 20:18

Hikuva Yehovha a a sivile timbeleko hinkwato endlwini ya Abimeleke, hikwalaho ka Sara, nkata Abrahama.

Genesa 12:17

Kambe Yehovha a ba Faro ni yindlu ya yena hi makhombo lamakulu hikwalaho ka Sarayi, nkata Abrama.

Genesa 12:15

Tindhuna ta Faro na tona ti n'wi vona, ti n'wi dzunisa emahlweni ka Faro, kutani nsati loyi, a yisiwa endlwini ya Faro.

Genesa 2:17

kambe loko wu ri murhi wo tivisa swo saseka ni swo biha, u nga tshuki u dya, hikuva siku u dyaka, u ta fa.”

Timhaka 8:24

Simoni a hlamula, a ku: “Ndzi khongeleleni mi ri n'wina eka Hosi, leswaku ndzi nga tshuki ndzi humeleriwa hi xilo xin'we xa leswi mi swi vuleke.”

Genesa 20:3

Kambe Xikwembu xi ta eka Abimeleke, enorhweni wa vusiku, xi ku eka yena: “Waswivo, u ta fa hikwalaho ka nsati loyi u n'wi tekeke, hikuva u ni nuna.”

Genesa 20:8

Kutani Abimeleke a pfuka ka hari mixo, a vitana malandza ya yena hinkwawo, a ma ambela marito walawo hinkwawo; kutani vanhu volavo va khomiwa hi ku chava lokukulu.

Genesa 23:6

“Hi yingisise, hosi: U ndhuna ya Xikwembu exikarhi ka hina; lahla mufi wa wena esirheni ra hina leri u nga ta ri hlawula. A ku na un'we wa ka hina la nga ta ku alela sirha ra yena, u yimbela kona mufi wa wena.”

2 TIKRONIKA 30:18

Hikuva vanhu lavo tala va tiko, lavo tala va ka Efrayimi ni va Manase, ni va Isakara ni va Zebuloni, a va tibasisanga, kutani a va dyile Paseka, ku nga ri hilaha ku tsariweke hakona. Kambe Hezekiya a va khongelerile, a ku: “Yehovha la nga ni vunene a a rivalele mani na mani la tiyeke mbilu ku lava Xikwembu, Yehovha, Xikwembu xa vatata wa yena,