Genesa 20:6 - Xitsonga (Bibele)

⁶ Kutani Xikwembu xi n'wi byela enorhweni, xi ku: “Ndza swi tivisisa leswaku u endlise sweswo eku lulameni ka mbilu ya wena, hikwalaho-ke, ndzi nga ku sivela ku ndzi dyohela; ndzi nga ku pfumelelangiki ku n'wi khumba.

BIBELE Mahungu Lamanene

⁶ Hiloko Xikwembu xi vulavula na yena enorhweni xi ku: “Kunene wa vurisa; ndza swi tiva leswaku u endlile mhaka leyi hi mbilu yo ntshunxeka, hikokwalaho ndzi endleke leswaku u nga ndzi dyoheli. Hi mina ndzi ku siveleke ku khumba wansati loyi.

Genesa 20:6 Referans Kwoze

1 SAMIELE 25:34

Loko a swi nga ri sweswo, Yehovha, Xikwembu xa Israele, la ndzi siveleke ku ku endla leswo biha, wa hanya, loko u nga hatlisangi ku ta hlangana na mina, a ku nga ti sala nchumu eka Nabala, hambi a ri munhu un'we, dyambu ri nga si huma.”

1 SAMIELE 25:26

Kutani sweswi, hosi yanga, Yehovha wa hanya, ni moya wa wena wa hanya, Yehovha u ku sivele ku halata ngati ni ku tirihisela hi voko ra wena. Sweswi, valala va wena, ni lava lavelaka hosi yanga swo biha, a va kotise Nabala!

Swivuriso 21:1

Mbilu ya hosi i xinambyana xa mati evokweni ra Yehovha, U yi fambisa hinkwako laha a rhandzaka kona.

Genesa 35:5

Kavaloko va suka; kutani ku chava Xikwembu ku ve ehenhla ka miti leyi vandzamaneke na vona, hikwalaho a va landzelangi vana va Yakobo.

Genesa 31:7

Kambe tata wa n'wina u ndzi kanganyisile, u hundzurile hakelo ya mina ka khume; hambiswiritano, Xikwembu xi n'wi alele leswaku a ndzi endla swo biha.

2 Vatesalonika 2:7

Hikuva xihundla xa ku homboloka xa karhi xa tirha, ntsena la n'wi sivelaka sweswi, u fanele ku susiwa.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Eksoda 34:24

hikuva ndzi ta hlongola matiko emahlweni ka wena, ndzi engetelela mindzilekana ya wena; a ku na munhu la nga ta navela tiko ra rikwenu, loko u ya humelela kanharhu hi lembe emahlweni ka Yehovha, Xikwembu xa wena.

2 Vakorinto 6:17

Hikwalaho, humani exikarhi ka vona, mi tihlawula, ku vurisa sweswo Hosi; mi nga tshuki mi khumba swa thyaka, kutani ndzi ta mi amukela.

Pisalema 81:12

Hi laha ndzi va tshikeke eku tiariseni ka timbilu ta vona, Va landzela switsundzuxo leswi nga swa vona ...

Pisalema 51:4

Ndzi dyohele wena, wena ntsena; Ndzi endlile leswo biha emahlweni ka wena, Hi laha u nga ta va la lulameke loko u vulavula, Ni loyi a tengeke loko u avanyisa.

Genesa 39:9

ku hava lonkulu eka mina la endlwini leyi; a nga ndzi aleri nchumu loko a nga ri wena, hikuva u nsati wa yena. Ndzi nga endlisa ku yini swo biha leswikulu swonghasi, ndzi dyohela Xikwembu xana?”

Genesa 20:18

Hikuva Yehovha a a sivile timbeleko hinkwato endlwini ya Abimeleke, hikwalaho ka Sara, nkata Abrahama.

2 Vatesalonika 2:11

Hikwalaho Xikwembu xi ta va rhumela matimba lama hambukisaka, leswaku va ta pfumela mavunwa,

1 Vakorinto 7:1

Loko ti ri timhaka leti mi ndzi tsaleleke tona, ndzi nga ku: Swi lulamile loko munhu a nga khumbi wansati.

Levhitika 6:2

“Loko munhu a dyohile, a endle leswi nga faneriki emahlweni ka Yehovha, hi ku hembela warikwavo ehenhla ka xilo lexi vekiweke emavokweni ya yena, hambi lexi lombiweke, hambi lexi yiviweke, hambiloko a yivile xilo eka warikwavo;

Genesa 26:11

Kavaloko a lerisa tiko hinkwaro, a ku: “Loyi a nga ta khumba wanuna loyi, hambi a ri nsati wa yena, u ta dlawa.”

Genesa 3:3

ntsena loko yi ri mihandzu ya murhi lowu nga exikarhi ka ntanga, Xikwembu xi te: ‘Mi nga ka mi nga dyi, ni ku khumba, mi nga yi khumbi, leswaku mi nga fi.’ ”

Matewu 27:19

Kuteloko a tshamile exitshan'weni xa ku avanyisa, nsati wa yena a rhumela eka yena, a ku: “U nga tshuki u va ni mhaka, hambi yi ri yin'we, ni munhu loyi wo lulama, hikuva ndzi twile ku vaviseka lokukulu enorhweni hikwalaho ka yena.”

Genesa 31:24

Kutani Xikwembu xi ta eka Labani, wa Muaramu, enorhweni wa vusiku, xi ku eka yena: “U nga tshuki u vulavula na Yakobo leswinene, hambi leswo biha.”

Swivuriso 6:29

Swi endlisa sweswo eka la yaka eka nsati wa warikwavo, Mani na mani la n'wi khumbaka a nga pfumali nandzu.