Genesa 2:9 - Xitsonga (Bibele)

⁹ Kutani Yehovha Xikwembu a mirisa emisaveni mirhi ya tinxaka hinkwato leyi navetaka mahlo, ni leyi nandzihaka, ni murhi wa vutomi exikarhi ka ntanga, ni murhi wo tivisa swo saseka ni swo biha.

BIBELE Mahungu Lamanene

⁹ Kutani HOSI Xikwembu xi endla leswaku misava yi mirisa mirhi ya tinxaka-xaka leyi kokaka mahlo ni leyi dyiwaka. Exikarhi ka ntanga a ku ri ni murhi lowu nyikaka vutomi, ni murhi lowu nyikaka vutivi bya leswo biha ni leswo saseka.

Genesa 2:9 Referans Kwoze

Genesa 3:22

Kutani Yehovha Xikwembu a ku: “Maswivo, munhu u hundzukile, a kotisa un'wana wa hina loko ku ri ku tiva leswo saseka ni leswo biha; kambe sweswi, a nga fanekeli ku tshambuluta voko a teka na wona murhi wa vutomi, a dya, a hanya hilaha ku nga heriki.”

Nhlavutelo 22:14

Ku katekile lava basisaka tinguvu ta vona, va ta lulameriwa hi ku dya murhi wa vutomi, ni ku nghena emutini hi tinyangwa ta wona!

Nhlavutelo 2:7

“ ‘La nga ni tindleve a a yingise leswi Moya wu swi byelaka tikereke: Loyi a nga ta hlula ndzi ta n'wi nyika ku dya murhi wa ku hanya, lowu nga exikarhi ka Paradeyisi ya Xikwembu.’

Nhlavutelo 22:2

Exikarhi ka xivandla xa muti, entlhandlukweni wun'wana ni wun'wana wa nambu, a ku ri ni murhi wa vutomi, lowu tswalaka mihandzu ya khume na mimbirhi, wu tswala mihandzu hi n'hweti yin'wana ni yin'wana, kutani matluka ya murhi lowo, i ya ku horisa matiko.

Ezekiele 47:12

Kutani eribuwini ra xinambyana, entsungeni wa haleno, ni le ntsungeni wa hase, ku ta mila mirhi hinkwayo ya mihandzu; matluka ya yona ma nga ka ma nga vuni, mihandzu ya yona yi nga ka yi nga heri. Yi ta vupfa hi tin'hweti hinkwato, hikuva mati ya nambu hi lama pfelelaka evukwetsimelweni; mihandzu ya yona yi ta va swakudya, matluka ya yona wu ta va murhi.”

Swivuriso 11:30

Mihandzu ya munhu wo lulama i murhi wa vutomi; La tlhariheke u tikumela timbilu ta vanhu.

Swivuriso 3:18

I murhi wa vutomi eka lava byi fuweke, Lava byi hlayisaka va katekile.

Genesa 3:3

ntsena loko yi ri mihandzu ya murhi lowu nga exikarhi ka ntanga, Xikwembu xi te: ‘Mi nga ka mi nga dyi, ni ku khumba, mi nga yi khumbi, leswaku mi nga fi.’ ”

Genesa 2:17

kambe loko wu ri murhi wo tivisa swo saseka ni swo biha, u nga tshuki u dya, hikuva siku u dyaka, u ta fa.”

Ezekiele 31:16

Hi mpfumawulo wa ku wa ka yena ndzi tsekatsekise matiko siku ndzi n'wi cukumeteke exivandleni xa vafi kun'we ni lava nghenaka enceleni; na swona mirhi hinkwayo ya le Edeni, leyo saseka, ni leyo lulama ya le Lebanoni, hinkwayo leyi nwaka mati emisaveni, yi tichavelele ehansi.

Yohane 6:48

Hi mina vuswa bya vutomi.

Ezekiele 31:18

“U fana na mani eku kwetsimeni, ni le vukulwini exikarhi ka mirhi ya le Edeni xana? U ta nghenisiwa ni mirhi ya le Edeni ehansi ka misava, u ta etlela exikarhi ka lava nga yimbangiki, kun'we ni lava dlayiweke hi fumu. Faro u ta tshamisisa sweswo kun'we ni vunyingi bya vanhu va yena; ku vula Hosi Yehovha.”

Esaya 47:10

A wu tshemba mona wa wena, u ku: “A ndzi voniwi hi munhu!” Vutlhari ni vutivi bya wena a byi ku xisa, u te embilwini ya wena: “Mina, mina ntsena!”

Esaya 44:25

Ndzi endle ku bvumbha ka vangoma xilo xa hava, ndzi hlanyisa va bvumbhi, ndzi tlherisele ndzhaku tintlhari, ndzi hundzula vutlhari bya tona vuphukuphuku.

1 Vakorinto 8:1

Loko swi ri swilo leswi tlhaveriweke swifaniso, ha swi tiva leswaku hinkwerhu hi ni ku tiva. Kambe ku tiva ku ni ku tikukumuxa, kasi rirhandzu ra akisa.

Duteronoma 6:25

Ku ta va ku lulama eka hina loko hi hlayisa hi ku chivirika milawu hinkwayo leyi, emahlweni ka Yehovha, Xikwembu xa hina, hilaha xi nga hi lerisa hakona.’

Genesa 3:24

A hlongola munhu, a veka tlhelo ra vuxa ka ntanga wa Edeni, tikerubu leti tamelaka fumu leri vangamaka hi matlhelo hinkwawo, a ta sivela ndlela ya murhi wa vutomi.

Genesa 3:5

kambe Xikwembu xi tiva leswaku siku mi nga ta dya, mahlo ya n'wina ma ta pfuleka, mi ta kotisa Xikwembu, mi tiva swo saseka ni swo biha.”