Genesa 2:8 - Xitsonga (Bibele)

⁸ Kutani Yehovha Xikwembu a endla ntanga etikweni ra Edeni, hitlhelo ra vuxa, kutani a veka kona munhu loyi a nga n'wi vumba.

BIBELE Mahungu Lamanene

⁸ Kutani HOSI Xikwembu xi endla ntanga le Edeni evuxeni, kutani xi teka munhu loyi xi n'wi vumbeke, xi ya n'wi veka kwale ntangeni.

Genesa 2:8 Referans Kwoze

Ezekiele 28:13

A wu ri eEdeni, ensin'wini ya Xikwembu; u funengetiwa hi maribye hinkwawo laya risima, ma nga rubi, ni topazi ni dayimani, ni krisolita, ni onikisi, ni yaspere, ni safiri, ni emeralda, ni karbunkele ni nsuku. Eka wena a ku lunghisiwe ntirho wa madzandzana ni wa timhalamhala, hi siku ra ku endliwa ka wena.

Genesa 3:24

A hlongola munhu, a veka tlhelo ra vuxa ka ntanga wa Edeni, tikerubu leti tamelaka fumu leri vangamaka hi matlhelo hinkwawo, a ta sivela ndlela ya murhi wa vutomi.

Genesa 13:10

Kavaloko Lota a tlakusa mahlo, a vona tiko hinkwaro ra Yordani ku fika le Sowara, ri cheletiwa hinkwaro (Yehovha a nga si lovisa Sodoma na Gomora), ri fana ni ntanga wa Yehovha, ni misava ya Egipta.

Yuwele 2:3

Emahlweni ka rona ku ni ndzilo lowu phorhaka ni ndzhaku ka rona ku ni langavi leri hisaka. Emahlweni ka rona tiko ri fana ni ntanga wa Edeni, kutani loko ri hundzile, tiko ri sala ri va mananga lama chavisaka; a ku sali nchumu endzhaku ka yena.

Esaya 51:3

Hikuva Yehovha u chavelerile Siyoni, u chavelerile marhumbi ya yena hinkwawo, u endlile mananga ya yena xivandla lexi fanaka na Edeni, ni nhova ya yena mitanga ya Yehovha. Ku ta kumiwa kona ku tsaka ni mikhuvo ya ku tsaka, tinsimu ta ku dzunisa ni mpfumawulo wa timbila.

2 TIHOSI 19:12

Xana swikwembu swa matiko lama herisiweke hi vatata wa mina swi ma ponisile xana? Ri ri Gozana, na Harana, na Resefa ni vana va Edeni lava nga eTelasara?

Genesa 4:16

Kutani Kayini a suka emahlweni ka Xikwembu, a ya tshama etikweni ra Nodo, evuxeni bya Edeni.

Ezekiele 31:16

Hi mpfumawulo wa ku wa ka yena ndzi tsekatsekise matiko siku ndzi n'wi cukumeteke exivandleni xa vafi kun'we ni lava nghenaka enceleni; na swona mirhi hinkwayo ya le Edeni, leyo saseka, ni leyo lulama ya le Lebanoni, hinkwayo leyi nwaka mati emisaveni, yi tichavelele ehansi.

Ezekiele 31:18

“U fana na mani eku kwetsimeni, ni le vukulwini exikarhi ka mirhi ya le Edeni xana? U ta nghenisiwa ni mirhi ya le Edeni ehansi ka misava, u ta etlela exikarhi ka lava nga yimbangiki, kun'we ni lava dlayiweke hi fumu. Faro u ta tshamisisa sweswo kun'we ni vunyingi bya vanhu va yena; ku vula Hosi Yehovha.”

Ezekiele 27:23

Harana, na Kana, na Edeni, ni vabindzuri va le Xeba, ni Vaasuru, ni va Kilimada a va bindzula na wena.

Genesa 3:23

Kavaloko Yehovha Xikwembu a n'wi humesa entangeni wa Edeni ku ya rima misava leyi a nga humesiwa eka yona.