Genesa 2:5 - Xitsonga (Bibele)

⁵ A ku nga si va kona ximudyana ni xin'we xa nhova emisaveni, ni byanyi hinkwabyo bya nhova a byi nga si mila, hikuva Yehovha Xikwembu a a nga si nisa mpfula emisaveni, kutani a ku nga si va na munhu la rimaka misava.

BIBELE Mahungu Lamanene

⁵ emisaveni a ku nga si mila nchumu, hambi xi ri ximudyana xinene, kumbe byanyi, hikuva HOSI Xikwembu a xi nga si nisa mpfula emisaveni, naswona a ku nga si va na munhu loyi a a ta rima misava.

Genesa 2:5 Referans Kwoze

Genesa 3:23

Kavaloko Yehovha Xikwembu a n'wi humesa entangeni wa Edeni ku ya rima misava leyi a nga humesiwa eka yona.

Vaheveru 6:7

Hikuva misava leyi nwaka mati ya mpfula leyi yi yi nelaka kanyingi, yi tlhela yi mirisa swo mila leswinene, leswi pfunaka lava tirimelaka, yona yi kuma ku katekisiwa hi Xikwembu;

Ntirho 5:10

U chulula mpfula emisaveni, U chelela mati emasin'wini.

Genesa 4:12

Kutakuloko u rima misava, yi nga ka yi nga ha ku nyiki mihandzu ya yona; u ta va la pepetsekaka ni la fambafambaka emisaveni.”

Genesa 4:2

A engeta a veleka ndzisana ya yena Avele; Avele a a ri murisi; Kayini, yena, a a rima misava.

Yeremiya 14:22

Xana un'wana a nga va kona exikarhi ka swahava swa matiko la nisaka mpfula-ke? Kumbe tilo ri nga tinisela mpfula-ke? Xana a hi wena Yehovha Xikwembu xa hina? Na swona hi tshembile wena hikuva hi wena la endleke leswo hinkwaswo.

Pisalema 135:7

Hi yena la tlakusaka mapapa emakumu ka misava, La hatimisaka tilo, a nisaka mpfula, A humesaka mimoya evuhlayiselweni byakwe.

Pisalema 104:14

U mirisela tihomu byanyi, Ni vanhu timbewu leti va lulamelaka. U humesa sweswo vuswa emisaveni,

Matewu 5:45

hileswaku mi hundzuka vana va Tata wa n'wina la nga ematilweni, hikuva u tsuvukisa dyambu ra yena ehenhla ka lavo biha ni lavo saseka, u nisa mpfula ehenhla ka lavo lulama ni lavo homboloka.

Genesa 2:6

Kambe hunguva a yi huma emisaveni, yi tsakamisa misava hinkwayo.

Yeremiya 10:12

Hi xona xi nga endla misava hi matimba ya xona, xi tiyisile ntumbuluko hi vutlhari bya xona, kutani hi ku twisisa ka xona, xi andlarile matilo.

Yeremiya 10:13

Loko xi tlakusa rito, mati ma hlengeletana ematilweni; kambe xi humesa tihunguva emakun'wini ya misava hi ku hatima xi nisa mpfula, kutani xi humesa moya eku fumeni ka wona.