Genesa 2:2 - Xitsonga (Bibele)

² Kutani hi siku ra ntlhanu na mambirhi, Xikwembu xi heta ntirho hinkwawo lowu xi nga wu endla; kutani hi siku ra ntlhanu na mambirhi, xi wisa entirhweni hinkwawo lowu xi wu endleke.

BIBELE Mahungu Lamanene

² Hi siku ra vu-7, loko Xikwembu xi hetile ntirho wa xona hinkwawo lowu a xi wu endla, xi wisa.

Genesa 2:2 Referans Kwoze

Vaheveru 4:4

Hikuva ku vuriwile kun'wana ehenhla ka siku ra ntlhanu na mambirhi leswaku: “Kutani Xikwembu xi phyuphya hi siku ra ntlhanu na mambirhi emitirhweni hinkwayo ya xona.”

Eksoda 31:17

I xikombiso lexi nga heriki xikarhi ka mina ni vana va Israele, hikuva hi masiku ya ntlhanu na rin'we, Yehovha u endlile matilo ni misava, kutani hi siku ra ntlhanu na mambirhi u tshike ntirho, a wisa.’ ”

Duteronoma 5:14

kambe siku ra ntlhanu na mambirhi, i siku ro wisa ra Yehovha, Xikwembu xa wena, U nga tshuki u tirha ntirho ni wun'we, hambi u ri wena, ni n'wana wa wena wa xinuna, ni wa xisati, ni nandza wa wena wa wanuna ni wa wansati, hambi yi ri homu ya wena, ni mbhongolo ya wena, hambi xi ri xifuwo xin'wana xa wena, hambi a ri muendzi wa wena la nga emitini ya wena, leswaku nandza wa wena wa wanuna ni wa wansati a wisa kukotisa wena.

Eksoda 23:12

“U ta tirha ntirho wa wena hi masiku ya ntlhanu na rin'we, kambe u ta wisa hi siku ra vuntlhanu na mambirhi leswaku homu ya wena ni mbhongolo ya wena swi wisa na swona ni leswaku n'wana wa khumbi ra wena ni wamatiko va wisa na vona.

Yohane 5:17

Kambe Yesu a va hlamula, a ku: “Tatana wa ha tirha ni sweswi, na mina ndza tirha.”

Esaya 58:13

“Loko u khoma nenge wa wena leswaku u nga tluri nawu wa Savata, hi ku ka u nga endli swa wena hi siku lero ra mina lero kwetsima, loko u vula leswaku siku ra Savata hi kona ku tsaka ka wena, ni leswaku lexi kwetsimeleke Yehovha xi fanekeriwa hi xichavo; loko u ri hlawula hi ku ka u nga fambi hi tindlela ta wena, hi ku ka u nga endli ku rhandza ka wena, u nga vuri timhaka ta swahava,

Genesa 1:31

Xikwembu xi languta hinkwaswo leswi xi swi endleke, kutani maswivo, a swi ri swinene ngopfu. Kutani ku va madyambu, ku va nimixo, ri va siku ra ntlhanu na rin'we.

Vaheveru 4:10

Hikuva la ngheneke eku wiseni ka Xikwembu, na yena u phyuphya emitirhweni ya yena, a kota xona Xikwembu xi phyuphyaka emitirhweni ya xona.

Genesa 2:3

Xikwembu xi katekisa siku ra ntlhanu na mambirhi, xi ri hlawula, hikuva hi siku lero, xi wisile entirhweni hinkwawo wa xona, lowu xi nga wu tumbuluxa hi ku wu tirha.

Eksoda 31:15

Ku ta tirhiwa hi masiku ya ntlhanu na rin'we, kutani ra ntlhanu na mambirhi ri ta va ra Savata, ra ku wisa, leri hlawuleriweke Yehovha. Mani na mani la tirhaka hi siku ra ku wisa, u ta dlawa.