Genesa 19:34 - Xitsonga (Bibele)

³⁴ Kuteloko ri xa, lowa hosi a byela ndzisana a ku: “Waswivo, ndzi etlele tolo na tatana, a hi n'wi nwiseni kambe ni vusiku lebyi, u ya etlela na yena; sweswo hi ta hanyisa rixaka ra tata wa hina.”

BIBELE Mahungu Lamanene

³⁴ Siku leri tlhandlamaka, nhwanyana lowa mativula a byela ndzisana a ku: “Vona, tolo nivusiku mina ndzi etlerile na tatana, kutani a hi tlhele hi n'wi pyopyisa hi vhinyo leswaku vusiku bya namuntlha wena u ta ya etlela na yena, kutani ú ta hi kumisa vana lava nga ta yisa emahlweni rixaka ra ka hina.”

Genesa 19:34 Referans Kwoze

Yeremiya 8:12

Va ta avanyiseriwa makumu, hikuva va endlile manyala; a va ha tshukisiwi, a va ha khomisiwi hi tingana, hikwalaho va ta khunguvanyeka lava khunguvanyekaka; siku ndzi va tshinyaka va ta wisiwa, ku vula Yehovha.

Yeremiya 6:15

Va ta khomisiwa tingana, hikuva va ri karhi va endla leswo biha. Yo! A va tivi ku khomisiwa hi tingana, a va twi ku vaviseka hi tingana, hikwalaho va ta wa ni lava waka: Siku ndzi va tshinyaka, va ta wisiwa,” ku vula Yehovha.

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

Yeremiya 3:3

Hikwalaho mpfula yi nga siveriwa, ni mpfula ya hlovo a yi vanga kona; kambe mombo wa wena i wa muoswi, a ku khomiwi hi tingana.

Esaya 3:9

Nghohe ya mimombo ya vona ya va avanyisa, va twarisile swidyoho swa vona tanihi Sodoma, kutani a va vuyangi va fihla, ku ni khombo eka mimoya ya vona hikuva hi vona lava tilaveleke ku lova ka vona.

Genesa 19:33

Kutani va nwisa tata wa vona vhinyo hi vusiku lebyi, kutani lowa hosi a ya etlela ni tata wa yena; kambe yena a nga tivanga nchumu ni loko a ya etlela ni loko a pfuka.

Genesa 19:35

Va nwisa tata wa vona vhinyo na byona vusiku lebyi, kutani lowa ndzisana a pfuka a ya etlela na yena; kambe yena a nga tivanga loko a ta etlela ni loko a pfuka.