Genesa 19:3 - Xitsonga (Bibele)

³ Kutani Lota a phikelela ngopfu, va ko va hambukela eka yena, va nghena endlwini ya yena; kutani a va lunghisela xilalelo, a sweka xinkwa lexo kala comela, va dya.

BIBELE Mahungu Lamanene

³ Kambe Lota a khongotela tintsumi hi matimba ti kondza ti hambuka ti nghena emutini wa yena, a fika a ti lulamisela swakudya, a sweka swinkwa swo-ke-comela, ti dya.

Genesa 19:3 Referans Kwoze

1 SAMIELE 28:24

Wansati a a ri ni rhole leri noneke; kutani a hatlisa a ri tlhava, a teka ni mapa a ma pfuva, a sweka swinkwa leswi nga riki na comela.

Vaavanyisi 6:19

Kutani Gidiyoni a famba, a ya lunghisa ximbutana, ni efa ya mapa, a endla swinkwa leswi nga riki na comela, a veka nyama exirhundzwini a chela murhu embiteni, a n'wi tisela swona ehansi ka munga, kutani a n'wi vekela swona.

Vaheveru 13:2

Mi nga rivali ku amukela vaendzi, hikuva hakona van'wana va amukerile tintsumi va nga swi tivi.

1 Vakorinto 5:8

A hi endleni nkhuvo hakona, ku nga ri hi comela xa mona ni xo biha, kambe ku va hi xinkwa lexi nga riki na comela, lexo tenga ni xa ntiyiso.

Eksoda 12:39

Kutani va sweka vuswa lebyi nga kukumukangiki bya mbila leyi va humeke na yona eEgipta, hikuva a yi nga ri na comela, hikuva a va humesiwile eEgipta, va tsandzeka ku hlwela, va nga longangi mbuva.

2 Vakorinto 5:14

Hikuva rirhandzu ra Kriste ri hi bohile, hi ringanisa leswaku, leswi un'we a feleke hinkwavo, hinkwavo va file,

Yohane 12:2

A endleriwa xilalelo kona, kutani Marta a a va tirhela. Lazaro a a ri un'wana wa lava tshameke eswakudyeni na yena.

Luka 14:23

Kutani n'wini a ku eka nandza: ‘Famba etindleleni, ni le swihlahleni, u hluhlurheta vanhu ku nghena, yindlu ya mina yi tala.

Luka 11:8

Ndzi ri eka n'wina: Hambi a nga pfuki ku n'wi nyika leswi a nga nakulobye, u ta pfuka, a n'wi nyika hinkwaswo leswi a swi pfumalaka hikwalaho ka ku sindzisa ka yena.

Luka 5:29

Kutani Levhi a n'wi endlela nkhuvo lowukulu endlwini ya yena, kambe a ku ri ni ntshungu lowukulu wa valuvisi ni wa van'wana lava tshameke na vona eswakudyeni.

2 TIHOSI 4:8

Hi siku rin'wana, Elixa a a hundza eXuneme; wansati wa mufuwi a a ri kona, kutani a n'wi sindzisa ku dya swakudya. Siku rin'wana ni rin'wana, loko a hundza, a ya dya eka yena.

Eksoda 12:15

“Mi ta dya vuswa lebyo kala comela hi masiku ya ntlhanu na mambirhi; mi ta humesa comela etindlwini hi siku ro rhanga; hikuva la nga ta dya vuswa lebyi nga ni comela, ku sungula siku ro rhanga, ku fika eka lera ntlhanu na mambirhi, munhu loyi u ta humesiwa eIsraeleni.

Genesa 21:8

Kambe n'wana a kula, a va a lumuriwa; Abrahama a endla nkhuvo lowukulu siku Isaka a lumuriwaka ha rona.

Genesa 19:2

a ku: “Vonani, tihosi tanga, ndza mi khongela, hambukelani endlwini ya nandza wa n'wina, mi etlela kona, mi hlamba milenge; kutani mi ta vindzuka nimixo mi famba hi ndlela ya n'wina.” Va ku: “E-e, kambe hi ta etlela ehubyeni.”

Genesa 24:31

A ku eka yena: “Tana, wena la nga katekisiwa hi Yehovha! U yimela yini la handle kasi ndzi lunghisile yindlu ni ndhawu ya tikamela?”

Genesa 26:30

Isaka a va fihluta, va dya, va nwa.