Genesa 19:29 - Xitsonga (Bibele)

²⁹ Kambe kakuloko Xikwembu xi herisa miti ya rivala, xi tsundzuka Abrahama, xi ponisa Lota ekhombyeni lero siku xi lovisaka miti leyi Lota a nga aka eka yona.

BIBELE Mahungu Lamanene

²⁹ Loko Xikwembu xi herisa miti ya le nkoveni leyi Lota a a tshama eka yona, a xi ri karhi xi tsundzuka Abrahama; hikokwalaho, xi humesile Lota xi n'wi susa emitini leyi a xi lava ku yi herisa.

Genesa 19:29 Referans Kwoze

Duteronoma 9:5

A hi ku lulama ka wena, ni vunene bya mbilu ya wena lebyi ku ngheniseke etikweni ra vona, kambe Yehovha u ta teka tiko ra vona emahlweni ka wena hikwalaho ka ku biha ka matiko lawa, ni ku tiyisa rito leri Yehovha a ri hlambanyeleke vatata wa wena, Abrahama, na Isaka, na Yakobo.

Genesa 8:1

Kutani Xikwembu xi tsundzuka Nowa ni swiharhi hinkwaswo, ni swifuwo hinkwaswo leswi ngi swi ri na yena engalaveni; kutani Xikwembu xi hungisa moya emisaveni, kutani mati ma hunguteka.

Pisalema 25:7

U nga anakanyi swidyoho swa vuntshwa bya mina, ni ku tlula ka mina; U ndzi anakanya hi nsovo wa wena, Hikwalaho ka tintswalo ta wena, oho Yehovha!

2 Petro 2:7

ni loko xi ponisile Lota, wanuna la lulameke, la tweke ku vaviseka hikwalaho ka mikhuva ya manyala ya vanhu va ku homboloka;

Hosiya 11:8

Xana ndzi nga ku lahla, Efrayimi! Ndzi ku tshika, wena Israele! Xana ndzi nga ku lahla, kukotisa muti wa Adama, ndzi ku endla ku fana na Seboyimi! Kambe e-e, mbilu ya mina yi hundzuka endzeni ka mina, mitsetselelo ya mina hinkwayo yi pfukile.

Pisalema 145:20

Yehovha u londzovota hinkwavo lava n'wi rhandzaka, Kambe wa lovisa lavo biha hinkwavo.

Pisalema 136:23

Kambe hi yena la hi tsundzukeke eku tsongahatiweni ka hina, Hikuva tintswalo ta yena hi leti nga heriki!

Pisalema 106:4

Yehovha, ndzi tsundzuke, hikwalaho ka rirhandzu ra wena eka tiko ra wena! U ndzi tela hi ku hlayiseka ka wena,

Pisalema 105:42

Hikuva a tsundzukile rito ra yena leri hlawuriweke, A tsundzuka na Abrahama, nandza wa yena.

Nehemiya 13:22

Kambe ndzi byela Valevhi leswaku va tibasisa, va ta langutela tinyangwa leswaku siku ra Savata ri ta hlawuriwa. Oho! Xikwembu xa mina! Ndzi anakanye ni le mhakeni leyi, u ndzi tsetselela hi vukulu bya tintswalo ta wena!

Nehemiya 13:14

Oho! Xikwembu xa mina, u ndzi anakanya hikwalaho ka sweswo, u nga hlanguli ku endla ka vukhongeri loku ndzi ku endleleke yindlu ya Xikwembu xa mina ni mitirho ya yona!

Genesa 30:22

Kavaloko Xikwembu xi tsundzuka Rahele; Xikwembu xi n'wi yingisa, xi n'wi pfulela mbeleko.

Genesa 12:2

Ndzi ta ku endla tiko lerikulu; ndzi ku katekisa, ndzi kurisa vito ra wena, u va xihlovo xa mikateko.

Pisalema 105:8

Wa tsundzuka ntwanano wa yena hi laha ku nga heriki, Ni rito leri a ri leriseke etinxakeni ta madzana.

Genesa 11:27

Tinxaka ta Tera hi leti: Tera a veleka Abrama, na Nahoro, na Harana, kutani Harana a veleka Lota.

Duteronoma 7:8

kambe hi leswi Yehovha a mi rhandzaka, naswona a hlayisa ku hlambanya loku a ku hlambanyeleke vatata wa n'wina; hikwalaho ka swona Yehovha a mi humeseke hi voko ra matimba, kambe u ku kutsurile endlwini ya vukhumbi, evokweni ra Faro, hosi ya Egipta.

Duteronoma 9:27

Tsundzuka malandza ya wena Abrahama, na Isaka, na Yakobo u nga languti ku nonon'hwa ka tiko leri, ni ku biha ka rona, ni xidyoho xa rona,

Ezekiele 14:16

hambi lavanharhu ingi va ri kona, ndza hanya, ku vula Hosi Yehovha, va nga ka va nga ponisi vana va xinuna ni va xisati, ku ta pona vona vanharhu ntsena, rona tiko ri ta hundzuka mananga.

Ntirho 35:8

Ku biha ka wena ku nga onha munhu wo kotisa wena, Ku lulama ka wena ku nga pfuna n'wana wa munhu ntsena.