Genesa 19:28 - Xitsonga (Bibele)

²⁸ Kutani a languta tlhelo ra Sodoma na Gomora, ni ra tiko hinkwaro ra rivala, kutani a vona musi wa misava wu tlhlandlukela ehenhla, wu fana ni musi wa xivumbi.

BIBELE Mahungu Lamanene

²⁸ Loko Abrahama a languta hansi enkoveni, etlhelo ra Sodoma na Gomora, ni tindhawu hinkwato leti nga nkoveni, o vona musi wu ri karhi wu tuvika etikweni, wu ya ehenhla ku fana ni musi wa le xitikweni lexikulu.

Genesa 19:28 Referans Kwoze

Nhlavutelo 18:9

Kutani tihosi ta misava leti oswaneke na yena, leti hanyeke na yena eku titsakeleni, ti ta n'wi rilela, ti tiba swifuva loko ti vona musi wa ku tshwa ka yena,

Nhlavutelo 9:2

Kutani yi pfula khele ra tihele, kutani ku huma ekheleni musi lowu fanaka ni musi wa hondo lowukulu; kutani dyambu ni mpfhuka swi hundzuka ntima hi musi lowu humaka ekheleni.

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”

Nhlavutelo 18:18

kakuloko va vona musi wa ku tshwa ka wona, va huwelela, va ku: “Hi wihi muti lowu fanaka ni muti lowukulu lowu xana?”

Yuda 1:7

Kukotisa Sodoma na Gomora, ni miti leyi ngi yi ri ekusuhi na kona, yi nga leyi tinyiketeke vuoswini ni ku landzela nyama yimbe, hi mukhuva wu ri wun'we na tona, miti leyi yi vekiwile ku va xikombiso, yi ri karhi yi avanyiseriwe ndzilo lowu nga heriki.

Nhlavutelo 19:3

Kutani va engeta va ku ra vumbirhi: “Aleluya! Musi wa wona wu tlhandluka hi masiku lama nga heriki.”

2 Petro 2:7

ni loko xi ponisile Lota, wanuna la lulameke, la tweke ku vaviseka hikwalaho ka mikhuva ya manyala ya vanhu va ku homboloka;

Pisalema 107:34

Misava yo nona yi hundzuriwe misava ya munyu Hikwalaho ka ku biha ka vaaki va kona.

Eksoda 19:18

Kutani ntshava ya Sinayi a yi mbuluka musi hi matlhelo hinkwawo, hikuva Yehovha a a xikile ka yona a ri endzilweni; musi wa yona wu mbulukele henhla kukota musi wa xitiko; kutani ntshava hinkwayo a yi tsekatseka ngopfu.

Malakiya 3:2

Kambe i mani la nga tshamelaka siku ra ku ta ka yena? I mani la nga yimaka eku fikeni ka yena? Hikuva u kotisa ndzilo wa mun'okisi, ni xisibi xa vahlantswi.